مقارنة بين النوتة قبل الأخيرة في , minor Scale يتحدث الأستاذ جورج النجار هنا عن النغمات في سلم الماينور أو سلم الماينور و سلم الميجور.
جورج النجار:
"اهلا بكم في اعزف دوت كوم.
انا جورج النجار واحنا بالدرس الواحد والعشرين من الجزء التالت من سلسلة عالم البوب جيتار طيب هسا بدنا نحكي كمان شوي عن سكيل الماينر ورح ارجع لايشي ركزت في على هاي الدروس بجوز امرات بحكي اشياء ما بتكون مية بالمية مفهومة بتكون مقدمة لايشي جاي والايشي اللي بدي ارجعلو هون قضية لمن حكينا السكيل قالب مش ايشي هيك لازم اعملو بمعظم الاغاني الماجر بدك تحكي اذا في عندي اغنية عالc ماجر ممكن جدا عزف فترة طويلة وبيضل الموضوع ضمن الc ماجر قصدي النغمات هدول c d e f g انما بالمينر الواحد بيبلش يحس القصة بتختلف لانه بوضح جدا موضوع لانه نفسه قابل لل يعني موضوع لين خلينا نشوف شو قاعد بحكي انا كثير بسال طلابي السؤال التالي بدي اعزف السكيل ال a ماينر بجوز هو ما بعرف شو الي كان ممكن يكون وما بعرف يغني ويعطينا الصوت المطلوب الاغلبية الكبرى بيقلي الي قبل الاخيرة ما كانت مزبوطة بخليهم مرات يعدو ( يعزف الاستاذ جورج التمرين ) واحد اتنين تلاتة اربعه خمسة ستة سبعه بحكولي هاي النغمة السابعه مش كثير مزبوطة انا بحب اعمل التجربة هاي ختى بدل ما اعطيهم المعلومة بخليهم يكتشفوها بنفسهم عشان يفهمو اهمية الحكي هاد مزبوط ناس ادركت لما بكون انا طالع بالسكيل الماينر بكون في ايشي هيك خلينا نحطه تحت بند ايشي هيك طب خلينا نشوف الماجر الماجور ما عنده المشكلة هاي طيب خلينا نعزف الماجر ( يعزف الاستاذ جورج التمرين ) بجنن من اولو لاخرو خلينا ندرس نهاية الماجر ونهاية الماينر نشوف الفرق بينهم بنهاية الماجور في نص درجه هون ( يعزف الاستاذ جورج التمرين ) طبعا في حقول الها علاقة بالعلوم الموسيقية اخرى بتقدر تتعمق اكثر بالموضوع هاد انو قديش العلاقة بين اللي بينهم نص درجه بتكون اقوى واللى اخره الى اخره بديش افوت بالمتاهات بدي اكتفي انه التسليمة خليني اسميها نص درجه هاي الاخير ( يعزف الاستاذ جورج التمرين ) بالحقيقة اذا بتوصل النغمة السابعه هاي ( يعزف الاستاذ جورج التمرين ) بتحس انو لازم تعطي النغمة الاخيرة عشان يصير نوع من الاشباع الكلام هاد مش وارد بالسكيل الماينر اللي بنعزفه ( يعزف الاستاذ جورج التمرين ) التسليمة هاي شوي دفشة في ناس بيعتبروها فهون الموسيقيين بشكل او بشكل اخر بلشو يعملو الحركة التالية طب خلينا لمن نطلع لمن يكون في عنجي النوتة السابعه خلينا نسميها تسمية من عنا خلينا نقول انه هاي ضعيفة واذا رفعنا نص درجة بتصير قوية يعني اذا بدنا نحكي النغمة السابعه شو هي a b c d e f g (يعزف الاستاذ جورج التمرين ) هي نغمة ال g بدنا نعتبرها ضعيفة لل a بس احنا بنشوف انه يا ريت هاي التسليمة تكون نص درجه يعني شو المقصود فيها بدل ما نعزف g خلينا نعزف g شارب ( يعزف الاستاذ جورج التمرين ) بتصير اقوى اذا عندي نغمة A بدك تروح عالبيس ( يعزف الاستاذ جورج التمرين ) وفي لبدي انهي ( يعزف الاستاذ جورج التمرين ) وبدي اشوف بيستجيب ولا لاء ( يعزف الاستاذ جورج التمرين ) اعتبروها اقوى لانه فرق النص درجه كأنه بيسحب النغمة هاي الاصلية بشكل اقوى بدناش نخوض كثير بالموضوع هاض لانك رح تسمع ورح نطبق ورح تشوف الامثلة هاي بنفسك."
