ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
23.1 - تعلم الباور كوردز

تعريف الباور كورز , أهمية الباور كوردز في موسيقى الروك و غيرها , نبذة تاريخية عن الباور كوردز على الجيتار و كيف نشأت.


جورج النجار:


"اهلا بكم في اعزف دوت كوم انا جورج النجار واحنا بالدرس التالت وعشرين من الجزء التالت من عالم البوب جيتار حكينا كثير عن الامور النظرية والى اخره من الاشياء اللي لازم الواحد يتعرف عليها و بس احنا الاطار العام اللي بنحكي في بالجزء التالت هو البيك خلينا نحكي هسا عن موضوع انتشر في البداية بلش في الروك اند رول بعدين انتشر بكل انواع الموسيقى الي هو موضوع البور كوردس الواحد لما يسمع باور كوردس وكانه يعني بيتهياله انه رح يسمع عن ايشي نظري جديد لا هو موضوع عملي بحت بس انا حاب اشرح شوي شو الموضوع يعني موضوعنا ( يعزف الاستاذ جورج التمرين ) موضوع اللي كوردس اللي هم من ناحية مش كوردس ورايحين نتعرف ليش اللي مستخدم جدا جدا لما نحكي عن موضوع روك او هيفي ميتل بنحكي عن بورد كوردس ماشي موضوع الباور كودس خلينا ناخدها شوي بشكل بسيط احنا ماسكين نغمة معينة عالوتر الفوقاني بالاصبع الاول خلينا نروح عالخانة الخامسة ( يعزف الاستاذ جورج التمرين ) ابعد خانتين امسك عالوتر الخامس ( يعزف الاستاذ جورج التمرين ) النغمة هاي حضرهم الاتنين ( يعزف الاستاذ جورج التمرين ) وهاد الكلام بيجاوب على اول سؤال ممكن تساله انه هو ليش قال انو مش كوردس لانه احنا بنعرف انه كمبدا الكورد لازم يكون عالاقل تلات نغمات تلات نغمات بيطلعو هدول نغمتين فقط ( يعزف الاستاذ جورج التمرين ) طب على اي اساس سموهم كوردس ضروري الاجابة للسؤال هادا و برضو موضوع الجذور التاريخية بالزمنات قبل اختراع التسجيل والالات الكهربائية ما كان في ايشي اسمو جيتار كهربا وما كان في ميكروونات ومكبرات صوت والى اخره الى اخره فالجيتار هو الجيتار اللي احنا بنعرفه اول الباندس فعليا ما كان يكون فيهم جيتار لانه صوت الجيتار مش صوت كثير عالي صوت الجيتار ما بيقدر ينافس عن الصوت اللي بيطلع من السيكسيفون مع الترمبت مع درمز مع كونتراباست ببساطة بنسمعش بيجوز يكون ملزق بالجيتار ليش نروح بعيد لو في بيانو جمب جيتار بيحوز الجيتار ما ينسمع منيح فاختراع مكبر الصوت كان رحمه لعزف الجيتار لانه الموضوع هسا بجيب ميكروفون بحطه جمب الجيتار وبعزف بيطلع صوت اعلى طبعا بشكل سريع جدا انا جبت الفكرة انه خليني احط الميكروفون لازقو بالجيتار حطو جوا الجيتار ومع الامبيليفيكيشن تكبير الصوت بطل الواحد يحتاج للصوت تبع صندوق الجيتار يعني الصندوق هاض الاجوف موجود عشان الصوت يجاوب ( يعزف الاستاذ جورج التمرين )بس اذا انا بهمني بس موضوع الاشارة الالكترونية ماخذ من الجيتار صفى موضوع صندوق الصوت بيضر اكثر ما بيفيد لما يكون عندي جسم خشبة قطعه وحده صلبة الصوت بينتقل بطريقة افضل وهون انولد الجيتار الكهربا عشان هيك هي شقفة صلبة وما في صندوق وفي ميكروفونات اللي بيلقطو من جسم الجيتار تردد الاوتار لكن الي بيصير نو اول اجهزة الكترونية او مكبرات الصوت ما كانو يستقبلو الاشارة الالكترونية ويعطو اشارة الكترونية صافية دايما بالذات لما الواحد يحاول يعلي الصوت مبدا انو احنا مبسوطين انا جبنا السماعه مشان يطلع الصوت عندي عالي زي صوت اللي بيعزف سكسيفون بس اول اجهزة اللي كانو مخترعينها بالعشرينات والثلاثينات من القرن الماضي ما كانت تتحمل العازف يعلي بس العازف كان يضطر يعلي مشان يقدر ينافس هاي الالات الكبرى لما تعلي كثير بيطلعلك هداك الصوت المحرج الي بسمو ديستورشنل لما تعزف هيك ما بيطلع الصوت الجميل اللي انت سامعه السبب الرئيسي كان تعلي الصوت اعادة الاشارة بدناش نفوت بمتاهات الميزوالكترونيات انا نفسي مش متمكن بهداك الموضوع بس في اشارة خفيفة بتطلع من الجيتار ف يجهاز بعطي اشارة خفيفة بكبرها وبعطي للسماعات بنعتبرها هيك عملية تكبير الاشارة هاي ما كانت تكبرها وتحافظ على دقتها الاصلية فعشان هيك ما كان يطلع صوت جميل كان يطلع اسوء لما يكون في اصوات في تفاوت بين الصوت والصوت يعني نمسك الصوت هادا ( يعزف الاستاذ جورج التمرين ) عالي وهاد واطي ( يعزف الاستاذ جورج التمرين ) نعزفهم مع بعض بيطلع موضوع بالمرة مش حلو لما يعزفو وكثير من عازفين الباركوردس اكتشفو انو لما يطلع الموضوع ديستورشن بس انا بتقيد بالعزف هون بالجيتار الكهربا بيطلع زي دراجه هون بيجاوب عالسؤال الفوارق بين جيتار الكهرباا والعادي من ناحية فش فرق يعني كل اللي شفنا لهسا ممكن تطبيقو عالكهربا طبعا لما يكون المسك غير اوتار معدنية بتصير تفاصيل اضافية ركزو انو بتصير تفاصيل مش من البداية الواحد رح تفرق عندو وسواءا ماسك كهربا او عادي المبدا هو هو السر الواحد يمسك البار كوردس الصوت رح يطلع حلو ( يعزف الاستاذ جورج التمرين ) بتجربو يوم من الايام اللي بيجيب جيتار كهربا جاول تعمل بار كوردس واعمل ( يعزف الاستاذ جورج التمرين ) بالذات اذا بتعلي الصوت كثيروبتحط افكت ديستورشن ما بيطلع حلو لكن الصوت هاد كانو يتجنبو الاستوديوهات بالديستورشن لانه ما بيزبط تسجيل مع الجيتار يطلع حلو لما الواحد يعزف على الاوتار الفوقانيات مع الايام صارت العازفين يختصرو باقي الكورد كلو مش بحاجه الو بيضلو ماسكين اول وترين من فوق ( يعزف الاستاذ جورج التمرين )هيك نولد الباوركوردس عشان هيك بنسمي بور كورد لانه انا بعزف a و eهو في الاصل كان يا a ماجر يا a ماينر طيب كيف بتبين بتبين مع الموسيقيين الثانيي مع الميلودي اذا انا ماسك شغلة زي يعزف الاستاذ جورج التمرين ) انا غنيت a b c ( يعزف الاستاذ جورج التمرين ) مستحيل يكون a ماجر كان a ماينر هاض هون ببلش فائدة موضوع السكيلز اللي درسنا طب بدي الكورد هادا ( يعزف الاستاذ جورج التمرين ) ملوش شخصية ماجر وماينر بدي يطلع ماجر بدو يطلع ماجر مجرد ما تغني نوتة ال c شارب مع ال a وال e ( يعزف الاستاذ جورج التمرين ) بيبين انو الكورد هاد ماجر اوك بدناش نفوت كثير بالمواضيع النظرية بس حبيت الفت نظركم قديش الحكي هداك مهم بحالة انسالتو."


فيديوهات دروس الدورة - تعلم الجيتار 3
1.1 ريشة الجيتار Opened 03:26
1.2 تمارين للريشة و السولو Opened 04:35
2.1 مقدمة عن أهمية النظريات لآلة الجيتار Opened 05:14
2.2 معرفة نغمات المواقع على الجيتار Opened 05:29
3.1 السلالم على الجيتار Opened 05:30
3.2 سلم البلوز Opened 07:42
4.1 سلم البلوز من نوتة Opened 06:05
4.2 نقل السلم من مكان لآخر Opened 06:48
5.1 التمرن على السلالم لا ينتهي Opened 05:55
5.2 تعلم الهامرون Opened 03:06
6 نغمات سلم البلوز Opened 07:29
7 عزف الكورد و سلم البلوز معا Opened 06:58
8 سلم البلوز في معظم أغاني الروك Opened 06:42
9.1 تقنية أو تكنيك البند Opened 05:21
9.2 تقنيات تستخدم في الجيتار الكهربائي Opened 05:59
10 تعلم عزف السولو على الجيتار Opened 06:23
11.1 أمور نظرية مهمة للتأليف Opened 06:20
11.2 التأليف على الجيتار Opened 07:26
12.1 نغمات خارج الكورد Opened 05:40
الكوردات و الهارموني Opened 07:56
13.1 علاقة الكوردات ببعضها البعض Opened 04:30
13.2 سولولأغنية مفصل شرح  Opened 06:04
14 تعليم تقنية الانزلاق Opened 04:32
15.1 تقنية البول أوف Opened 04:47
15.2 مراجعة لتقنيات عزف السولو على الجيتار Opened 05:04
16.1 العزف مع سماع الاغنية Opened 06:17
16.2 العزف مع أغنية Opened 04:30
16.3 I'm Down The Beatles متابعة العزف مع أغنية Opened 05:01
17.1 تطبيق سولو Opened 04:28
17.2 عزف كوردات أغنية Opened 03:17
18.1 معلومات عن السلالم الخماسية, و نصائح عامة عن الجيتار Opened 06:30
18.2 ما هو السلم Opened 06:57
19.1 سلم الماجور Opened 07:16
19.2 متابعة الحديث سلم الماجور Opened 08:09
19.3 تطبيقات عملية لسلالم الماجور Opened 06:19
20 تعلم سلم الماينور Opened 08:17
21.1 النغمات في سلم الماينور Opened 05:12
21.2 النغمات في السلم و التأليف Opened 06:02
22.1 القفز الى النوتات البعيدة في السلم Opened 07:24
22.2 الرجوع بسلم الماينور اللحني Opened 05:44
23.1 تعلم الباور كوردز Opened 07:47
23.2 تمرينات على الباور كوردز Opened 07:20
24 تمرين على البلوز و الباور كوردز معا Opened 06:14
25 بار بلوز و مراجعة Opened 08:29
}