الفرق بين المواقع على الجيتار أي (الموقع الأول , الثاني إلخ ) و المواقع من ناحية السلالم , توضيح من الأستاذ بالنسبة للمصطلحات.
جورج النجار:
"يعني اذا في نغمة معينة بدي ايها يعني اذا بدي نغمة ال A ( يعزف الاستاذ جورج التمرين ) ممكن نحكي لواحد ااعزف بالله ال A العالية من الموقع التاني في البداية بدها شوية حسبة بس مع الوقت بتصير تعرف انه الي بقصد في هادا يعني الموقع التاني انو بيكون الاصبع هادا هون اكيد بدو هاي ( يعزف الاستاذ جورج التمرين ) واتخافوش هادا ايشي مش لازم الواحد يحفظو هسا عشان يتقدم بالجيتار بس المفهوم لازم يكون موجود دايما وانت بتعزف عشان نحدد احنا وين انه جزء من القضية الي حكينا في قبل شوي طب الواحد قاعد بيعزف بسولو ، اصابعو وين انه كيف بيدرك انه اصابعو تنط من هون لهون لهون كيف بيحفظ المواقع احنا العازف للجيتار ما بيفكر على مستوى انه بس المكان هادا هون لا بيفكر على مستوى الموقع باكمله انه انا هون موجود ففعليا لما ايدي بتنتقل من مكان لمكان وانا بعزف قطعه موسيقية معينة بكون حاط ايدي هون انا بكون عارف الموقع هاضا شو خصائصه شو نغماته شو بيكون في وبيبين موضوع كثير معقد وبيجوز في درجه معقده بس بدك تدركه وتفهمه هسا مفيش ايش اسمه هسا بالجيتار طيب في قضية ثانية برضو طلمة موقع احنا حكيت عن موقع بالجيتار اليهو موقع بشكل عام مثلا اذا انا بعزف جيتار كلاسيكي شو مكا ننوع العزف الي انا بعزفو مجرد ما حطيت ايدي عالجيتار بقدر اقول انا بالموقع الفلاني طب احنا حكينا وبدنا نحكي بموضوع السكيلز السلالم الموسيقية ماشي خلينا نحكي السلم الموسيقي اكيد انتو ما حكينا بشكل موسع بس انتو مدركين موضوع السلم الموسيقي سلسلة من النغمات فالواحد نمسك C D ( يعزف الاستاذ جورج التمرين ) C D E F G A B C هادا موقع السلم الماجور اي السلم الكبير بيحكولو طيب كلمة موقع نقول هادا سلم من الموقع التاني ماشي ، بنقدر نحكي انه هادا الموقع التاني بالجيتار اوك الموقع التاني بالجيتار لا ، في برضو مواقع للسلم نفسه ، استنى هون شو يعني ، يعني كيف موقع للسلم بس حكينا موقع هون بتبين عنا معنيين لكلمة موقع في كلمة موقع عنا موقع بالجيتار موقع اول موقع تاني وفي عنا ناس مش الي بدنا نحكي الي بدنا نستخدمه كثير وانا جبت سيرته بس عشان ما يصير لخبطه ما بين الطرق المختلفة وحتى بين كتب او ناس اخرى بتحكي عن موضوع المواقع او الي بيعزف جيتار كلاسيكي برضو بيقع بالمشكلة هاي طب شو قصة الموقع على هاد السكيل انه اسمعو الحكي هاد ( يعزف الاستاذ جورج التمرين ) اسمهو كمان مرة ( يعزف الاستاذ جورج التمرين ) نفس الشي يعني نفس السلم بس من موقع اخر وهادا لاحظ انه يعني هادا الي هون كان الموقع السابع ماشي اذا حبيت انت تسمي الموقع السابع للجيتار ماشي لانه الاصبع الاول قاعد بيتحكم بالخانه السابعه لكن من ناحية لمن بدي احكي عن سلم معين بالنسبة للسلم هاد الي هو سلم الدو ميجر انا اذا بدي احكي هادا الموقع التالت للسلم لاحظ انه بيختلف عن موضوع الموقع التالت بالجيتار يعني المشكلة صفت عنا بكلمة موقع مش مخترعين اسم جديد لهاي القضية فاحنا لمن ناخد سلالم ونستخدم كلمة موقع رح نحكي عن مواقع السلم وليس مواقع الجيتار وراح يكون موضوع كثير واضح لانه السلم نفسه ليش ليش كل التعقيدات هاي بالحقيقة مش موضوع معقد.
هسا بدنا نحكي ايش القضية الي احنا بدنا ندرسها طيب ، بدنا نمسك سلم معين نفرض انه هاض السلم C D E F G A B C طب مهو في مليون A B C في الجيتار انو فيهم انو فيهم المطلوب فبرضو اذا انا بدي اعزف نمسك مثلا سلم ال C الي قاعدين بنحكي في وبدي اعزفE C D( يعزف الاستاذ جورج التمرين ) ممكن اعملو هيك ( يعزف الاستاذ جورج التمرين ) ممكن اعمله هيك وممكن اعمل ( يعزف الاستاذ جورج التمرين ) في عدة طرق اعزف نفس النغما تماما فمرات ما بتفرق نهائيا بس في اشياء جيتارية رح نشوفها مستقبلا نفرض مثلا انه انا بعزف بالاغنية ماسك الكورد هاد ( يعزف الاستاذ جورج التمرين ) شفتو ولاحظتو انو ( يعزف الاستاذ جورج التمرين ) بعزف ال C D E الي كنت اعزفه قبل شوي اكيد انا مش راح اعزف هادا الحكي هون ( يعزف الاستاذ جورج التمرين ) ممكن بس فيها غلبة انا ليش اروح لهنا انا بضلني هون فهون المقصود بكلمة مواقع الي بدنا نحكي وطبعا بالدرس الجاي رايحين نحكي عن السلالم بشكل ادق وبدنا نتعرف على كلمة موقع لما بحكيها المرة الجاي دايما بقصد فيها موقع السلم الي قاعين بنحكي في نفسه وليس المواقع بالجيتار بدي اوضح اذا بحكي موقع بالجيتار لازم اوضح انو موقع بالجيتار وليس موقع سلم بنشوفكم الدرس الجاي."
