يبدأ طارق الجزء الأول من الدرس التاسع بتمرين لمراجعة المعلومات التي تعلمناها في الدرس الثامن بمراعاة الملاحظات التي سبق ذكرها كملاحظة ثبات الأصابع و العلامات الايقاعية التي تعلمناها سابقاً نتعلم في الدرس التاسع أغنية يا غزيّل. يبدأ طارق بقراءة كل مازورة إيقاعيا ثم عزفها مع إعطاء الملاحظات لكل مازورة ثم عزفها كاملة من البداية للنهاية. يتحدث طارق في النهاية عن موضوع الزخرفة أثناء العزف و الخروج عن النوتة الموسيقية لإضفاء بعض الجماليات على العزف، فيمكن للعازف إضافة الجماليات التي يراها مناسبة حسب إحساسه أو تقليد أي إضافة سمعها أو شاهدها على العزف و هذا يبني عند العازف الخبرة و الابداع في العزف.  

طارق الجندي:

"مرحبا، أنا طارق الجندي من إعزف دوت كوم، اليوم بدرس رقم تسعه من منهاج الأستاذ عمر عباد راح نتعرف على التطبيق على العلامه اللي إحنا عملناها اللي كانت السوداء المنقوطه.

نيجي نحاول نقرأ التمرين مع المترونوم على تنين و خمسين، ون تو ثري فور (يقرأ الأستاذ طارق التمرين قراءة ايقاعية)، تا تيفي تا، هاي كانت أول مازورا بدي أحاول أقرأها مع المثال، (يقرأ الأستاذ طارق التمرين قراءة ايقاعية)، دو ري مي فا راي مي فا صول مي فا صول لا فا صول لا سي صول لا سي دو، هادا كان أول جزء.

خلينا نشوف الجزء اللي نازل نفس الشي و لكن هون بدل النقطه كان تاي (يقرأ الأستاذ طارق التمرين قراءة ايقاعية)، دو سي لا صول سي لا صول فا لا صول فا مي صول فا مي راي فا مي راي دو، ون تو ثري نعزف(يعزف الأستاذ طارق التمرين)، تو (يعزف الأستاذ طارق التمرين)، تو (يعزف الأستاذ طارق التمرين)، تو(يعزف الأستاذ طارق التمرين)، تو (يعزف الأستاذ طارق التمرين)، تو (يعزف الأستاذ طارق التمرين)، تو (يعزف الأستاذ طارق التمرين)، تو (يعزف الأستاذ طارق التمرين).

شغلتين بدي أرجع أذكر فيهم، الشغله الأولى إن علامة التيفي بتيجي بعد ضربة المترونوم، بدي أجرب أول مازورا (يعزف الأستاذ طارق التمرين)، تو زي ما إحنا شايفين، الشغله التانيه إن علامة التيفي لازم تكون داون أب، كمان مره على أول مازورا (يعزف الأستاذ طارق التمرين)، داون داون أب داون داون داون أب داون، بهالشكل، هادا هو الجزء الأول من درسنا اللي لازم نتمرن عليه كتير كويس عشان نطلع للجزء التاني و نعمل عليه تطبيق اللي هي أغنية يا غزيل، الجزء التاني من الدرس اللي راح ناخده اليوم هو أغنية يا غزيل يا بو الهيبه و هي تراث، و زي ما إنتوا شايفين عندي علامة تحويل وحده اللي هي السي بي مول، و السي بي مول زي ما إحنا تعلمنا إن هادا كان كرد اللا، اللي بدي أحكيلكم اياه هلأ هو معلومه استباقيه شوي، هادا المقام مش كرد الله هون هو مقام عجم الفا، عجم على درجة الفا، يعني عجم مصور على درجة الفا، و لكن اللي بدي أحكيه ليش مش كرد اللا؟.

لإن كل مقام عجم إله مقام نهاوند مرافق لإله و كل مقام مرافق من النهاوند إله مقام كرد و مقام حجاز مرافق، بالنهايه المقامات كلها بتصير بتنفذ على بعض و كلها بتفتح بعض، و كل المقام الواحد بيكون في إله أكتر من مقام مرافق، هادا المعلومه اللي عم بحكيلكم اياها راح نرجع نشرحها في الكورس اللي بعده، و لكن هلأ بس بدي ألفت نظركم إن تعاملوا معها بشكل طبيعي كتير بس عندي السي بي مول هون.

 بس في ما بعد راح تشوفوا إن هادا المقام كيف هو مقام عجم الفا، و إذا بتحبوا تيجوا تتطلعوا إن آخر نوته ركز عليها المقام كانت هي نغمة الفا، خلينا نحاول نقرأ هاي الأغنيه مع بعض، ون تو ثري فور (يقرأ الأستاذ طارق التمرين قراءة ايقاعية)، تا تيفي تتي تافا تيفي تتي تا تيفي تتي تافا تيفي تافا تي، بدي أعيد بس بدي أقرأها مع النغمات، (يقرأ الأستاذ طارق التمرين قراءة ايقاعية)، دو فا صول فا صول فا صول فا صول لا لا صول لا صول فا صول فا مي راي مي فا صول فا، كمان مره، غو (يقرأ الأستاذ طارق التمرين قراءة ايقاعية)، دو فا صول فا صول فا صول فا صول لا لا صول لا صول فا صول فا مي راي مي فا صول فا، اللي بعده، ون تو (يقرأ الأستاذ طارق التمرين قراءة ايقاعية)، تا تيفي تا تا تيفي سي بي مول زي ما إنتوا شايفين، بعدين، دو تيفي تا تيفي تا تيفي تا، بدي أعيد آخر سطرين، (يقرأ الأستاذ طارق التمرين قراءة ايقاعية)، فا مي راي دو راي دو سي لا دو سي دو راي دو راي مي راي مي فا، مكتوب عندي داكابو و فينالي، برجع بعيد من أول لعند علامة الفينالي، نقرأها مع المترونوم، ثري فور (يعزف الأستاذ طارق التمرين)، بنعيد من أول (يعزف الأستاذ طارق التمرين).

إنتبهوا على ثبات الأصابع الفا (يعزف الأستاذ طارق التمرين)، زي ما هو مكتوب بالإشارات (يعزف الأستاذ طارق التمرين)، شغلتين بدي أحكي عنهم، الشغله الأولى كيف لاحظتوا إني أنا رشيت، عملت عملية الرش أو الفرداش بالنغمات الطويله و لكن كانت ممسوكه حسب الزمن، الشغله التانيه، أول نغمه كيف أنا بطلع من الدو للفا، ما بعمل تمييل (يعزف الأستاذ طارق التمرين)، لأ بعمل دو (يعزف الأستاذ طارق التمرين)، بعدين بروح للفا (يعزف الأستاذ طارق التمرين) بهالشكل، دو (يعزف الأستاذ طارق التمرين)، بأقل حركه ممكنه.

أغنية يا غزيل من الأغاني الكتير حلوه و غنتها فيروز، بدي أحاول أعزفلكم اياها هلأ أسرع نتفه صغيره، اللي هي خلينا نقول الإيقاع الحقيقي تبعها و السرعه الحقيقيه، ثري فور (يعزف الأستاذ طارق التمرين).

و هيك بنكون خلصنا علامة السوداء المنقوطه و المتبوعه بعلامتين من ذات السن، و عملنا عليهم أكتر من تطبيق و آخر إشي كان أغنية يا غزيل."