في الدرس الخامس عشر نتعرف على مقام “سماعي دارج حجاز” و هو تطبيق على مقام الحجاز و على مفهوم تأخير النبر الذي تحدث عنه طارق في الدروس السابقة. يبدأ بشرح النوتة الموسيقية و الايقاع الزمني ثم قالب السماعي الدارج و ترتيب الأسطر الموسيقية في هذا القالب. يبدأ طارق بقراءة الموازير إيقاعيا ثم قراءة النوتات في كل مازورة و عزفها مع الملاحظات ثم عزف المقطوعة كاملة من البداية للنهاية.
طارق الجندي:
"مرحبا، أنا طارق الجندي من إعزف دوت كوم، اليوم بدرسنا خمسطعش من منهاج الأستاذ عمر عباد راح نتعرف على سماعي دارج حجاز، و بدي أحكيلكم شوي عن هادا القالب.
أول إشي سماعي دارج هو إسم الإيقاع، لإن الإيقاع عنا تلاته على أربعه، الشغله التانيه سماعي دارج حجاز، قالب السماعي اللي راح إحنا ناخده فيما بعد في الكورس رقم تلاته هو سماعي ثقيل، و لكم هون هو سماعي دارج بس نفس القالب، أول إشي راح نيجي نعزف السطر الأول.
لما نعزف السطر الأول راح نروح للسطر التاني، السطر التاني زي ما هو موجود عندي سما هادا الموضوع سينيو، اللي هو المرجع تبعه اللي راح نرجعله، و بعدين بتشوفوا في آخر السطر في علامه زي الدويره و في جواتها مصلب هاي بنسميها كودا، هاي العلامه ما راح تتفعل هلأ هي بمثابة قفزه إلا لما نعيد السينيو، فإحنا راح نعزف السطر الأول و نخلصه و نروح على السطر التاني نعزف و نخلص.
بننزل على السطر التالت بس لما ننزل للسطر التالت بنعزف لآخر السطر التالت بنلقي علامة السينيو، بنرجع للسينيو بالسطر التاني بنعزف السينيو بنشوف علامة الكودا بتتفعل، بنقفز منها للكودا اللي موجوده بالسطر و بنكمل، بعدين بنشوف علامة السينيو بنرجع لعلامة السينيو بنعزف السطر التاني و بنختم بالفينالي، علامة الكودا اللي هي كانت القفزه ليش؟ لو إجينا إحنا عزفنا السطر الأول و خلصنا، بعدين عزفنا السطر التاني و خلصنا.
رحنا على السطر التالت و قاللي إرجع للسطر التاني و عزفت السينيو، رجعت عزفت السينيو راح أرجع أعزف السطر التالت و راح يحكيلي إرجع للسينيو راح أرجع للسطر التاني بعدين راح ينزلني للسطر التالت، إذا بتلاحظوا إن إحنا علقنا بين السطر التاني و التالت و بهاي الحاله ما نزلنا لتحت، فهاي العلامه اللي إحنا بنحطها اللي هي الكودا بمثابة القفزه بتخليني أقفز من السطر التاني للسطر الرابع، و علامة الكودا ما بتتفعل إلا لما علامة السينيو بتتفعل و بنرجع بنعيدها، نيجي نتطلع هادا السماعي من مقام الحجاز.
بدنا نحاول نقرأه مع المترونوم نغماً و إيقاعاً، ون تو ثري (يقرأ الأستاذ طارق التمرين قراءة ايقاعية)، راي صول فا صول لا فا صول فا مي راي راي صول فا صول لا فا صول فا مي راي مي دو راي سي دو لا سي صول صول دو سي دو راي مي صول فا مي راي، بنعيدها (يقرأ الأستاذ طارق التمرين قراءة ايقاعية)، مي راي مي دو راي سي دو لا سي صول صول دو سي دو راي مي صول فا مي راي، ننزل لتحت (يقرأ الأستاذ طارق التمرين قراءة ايقاعية)، سي سي سي سي سي سي دو سي لا صول لا لا لا لا لا صول لا فا مي راي.
بنعيد (يقرأ الأستاذ طارق التمرين قراءة ايقاعية)، سي سي سي سي سي سي دو سي لا صول لا لا لا لا لا صول لا فا مي راي، سينيو (يقرأ الأستاذ طارق التمرين قراءة ايقاعية)، مي دو راي سي دو لا سي صول صول دو سي دو راي مي صول فا مي راي، السطر الأخير (يقرأ الأستاذ طارق التمرين قراءة ايقاعية)، صول صول صول صول صول صول لا صول فا مي فا فا فا فا فا فا صول فا مي راي، بنعيد (يقرأ الأستاذ طارق التمرين قراءة ايقاعية)، صول صول صول صول صول صول لا صول فا مي فا فا فا فا فا فا صول فا مي راي، سينيو (يقرأ الأستاذ طارق التمرين قراءة ايقاعية)، سي سي سي سي سي سي دو سي لا صول لا لا لا لا لا صول لا فا مي راي، و بنوقف.
بدي أحكيلكم شغله، بقالب السماعي بنسمي كل موضوع خانه، يعني الموضوع الأول اللي هو السطر الأول بنسميه خانه أولى، السطر التاني اللي هو السينيو بنسميه تسليم لإن هو اللي بيرجع بينعاد و هو اللي بنرجع عليه و بنسلم، السطر التالت اللي هو الخانه التانيه، بس لما نخلص الخانه التانيه بنرجع للتسليم، بس لما نخلص التسليم بنروح لآخر إشي اللي هو الخانه التالته بعدين بنروح للتسليم، فصار عندي الشكل البنائي لإله للسماعي.
خانه أولى - تسليم - خانه تانيه - تسليم - خانه تالته - بنختم بالتسليم، هلأ في عندي شغله كمان بدي أحكيلكم اياها عن السطر التاني السينيو مي دو راي سي، الريش داون أب داون بعدين داون لإن هي (يعزف الأستاذ طارق التمرين) مي دو راي سي، هاي السي نص بي مول و لازم تكون داون، يعني (يعزف الأستاذ طارق التمرين) داون أب داون داون داون أب داون داون، بعدين صول دو سي دو راي (يعزف الأستاذ طارق التمرين)، صول فا مي راي (يعزف الأستاذ طارق التمرين)، و الريش طبيعيه.
بالخانه التانيه السي نص بي مول (يعزف الأستاذ طارق التمرين)، سي سي سي سي سي، بعدين سي دو سي لا صول (يعزف الأستاذ طارق التمرين)، بعدين لا لا لا لا لا (يعزف الأستاذ طارق التمرين)، صول لا فا مي راي (يعزف الأستاذ طارق التمرين)، نحاول نعزف مع المترونوم، ون تو ثري (يعزف الأستاذ طارق التمرين)، هون التسليم (يعزف الأستاذ طارق التمرين).
الخانه التانيه (يعزف الأستاذ طارق التمرين)، تسليم (يعزف الأستاذ طارق التمرين)، بنعيد تسليم (يعزف الأستاذ طارق التمرين)، الخانه التالته (يعزف الأستاذ طارق التمرين)، بنعيدها (يعزف الأستاذ طارق التمرين)، تسليم (يعزف الأستاذ طارق التمرين)، هاي تسليم (يعزف الأستاذ طارق التمرين).
هيك بنكون لعبنا السماعي بشكل مع إعاداته، هلأ بدي أحاول أعزفه بشكل التيمبو الأصلي تبعه (يعزف الأستاذ طارق التمرين)، إنتبهوا كتير لموضوع قلب الريشه اللي بالتسليم، (يعزف الأستاذ طارق التمرين) داون أب داون داون داون أب داون داون، و كمان بنحاول نكتب الريش فوق الموازير و فوق كل خانه و فوق كل نغمه علشان ما نخربط فيهم.
تمرونوا عليه كتير منيح، هادا السماعي كتير حلو.
راح أشوفكم بالدرس الجاي."