في الدرس الثامن نتعرف على علامة النوار (السوداء) المنقوطة المتبوعة بعلامة الـ(تيفي). يبدأ طارق بشرح كيفية اشتقاق هذه الوحدة الإيقاعية ثم ينتقل لتمرينين لترسيخ مفهوم المعلومات السابقة و العلامة الجديدة.
طارق الجندي:
"مرحبا، أنا طارق الجندي من إعزف دوت كوم، اليوم بدرس رقم تمنيه راح نتعرف على علامة السوداء المنقوطه و بيجي بعديها علامة التيفي اللي هم تنتين من ذات السن.
نيجي نتطلع كيف اشتقينا هاي العلامه، أول شي في عندي تا و تا تيفي، نشوف هاي لو ربطنا هاي السوداء بعلامة ذات السن و صاروا بهالشكل زي ما هو موجود عندي، فبدها تصير هي تا تيفي، إحنا أول إشي أخدناها لما كانت علامة السوداء المنقوطه في بعديها نص، فهي بتكون تا تي هاي بدها تصير تا تيفي، تا (يعزف الأستاذ طارق التمرين)، تيفي (يعزف الأستاذ طارق التمرين)، تا تيفي (يعزف الأستاذ طارق التمرين)، أو هي نفسها العلامه اللي بنشوفها اللي هي كإنها تا (يعزف الأستاذ طارق التمرين)، إس تيفي (يعزف الأستاذ طارق التمرين)، تا إس تيفي (يعزف الأستاذ طارق التمرين).
فتقريباً هم نفس الزمن و لكن هون بنسكت اللي هي تا (يعزف الأستاذ طارق التمرين)، إس (يعزف الأستاذ طارق التمرين)، تا إس تيفي (يعزف الأستاذ طارق التمرين).
فنيجي نتطلع عندي هاي العلامه السوداء اللي عندها تاي مع النص اللي هو ذات السن اللي هي تا تيفي، ممكن نستعيض عن هادا التاي بعلامة النقطه و تصير تا تيفي، خلينا نيجي نتطلع مع المترونوم كيف بتكون موجوده، ون تو (يعزف الأستاذ طارق التمرين)، تا تيفي تا تيفي تا تيفي، نحاول نقرأ التمرين الأول مع المترونوم، ون تو (يقرأ الأستاذ طارق التمرين قراءة ايقاعية)، تا تا تيفي تتي تا تيفي تا تا تيفي تا إس تيفي تتي تا تيفي تا إس تيفي تا تيفي إس تيفي إس تيفي تا، ون تو (يعزف الأستاذ طارق التمرين)، تا تا تيفي تتي تا تيفي تا تا تيفي تا إس تيفي تتي تا تيفي تا إس تيفي تا تيفي إس تيفي إس تيفي تا.
و زي ما هو موجود عنا،إحنا بنعرف إن علامة التا داون (يعزف الأستاذ طارق التمرين)، و التيفي داون أب (يعزف الأستاذ طارق التمرين) بهالشكل، نيجي نتطلع على تمرين رقم تنين و نحاول نقرأه كمان قراءه، ون تو (يقرأ الأستاذ طارق التمرين قراءة ايقاعية)، تا تا تيفي تا إس تيفي تا تا تيفي تافا تيفي تا تيفي تا إس تيفي تا تيفي تا تا تيفي تافا تيفي تا، ون تو (يعزف الأستاذ طارق التمرين)، تا تا تيفي تا إس تيفي تا تا تيفي تافا تيفي تا تيفي تا إس تيفي تا تيفي تا تا تيفي تافا تيفي تا، معناها بنرجع نعيد إن علامة التيفي اللي عم بتكون بعد السوداء المنقوطه بعد ضربة المترونوم التانيه، نرجع للعلامه الأولى اللي موجوده عنا بأول الصفحه (يقرأ الأستاذ طارق التمرين قراءة ايقاعية)، تا تيفي تا تيفي تا تيفي، فهي لازم تكون موجوده بعد المترونوم، نيجي نتطلع على تمرين رقم تلاته، بتمرين رقم تلاته مكتوب بالجمله الأولى تا إس تيفي تا، و المازورا التانيه مكتوبه تا تيفي تا، فعلياً الجمله الأولى نفس الجمله التانيه، نفس النغمات يعني دو إس راي راي مي المازورا التانيه مكتوبه دو راي راي مي، بعدين راي مي مي فا راي مي مي فا، زي ما إنتوا شايفين، لازم تكون إيدي ثابته عند المي (يعزف الأستاذ طارق التمرين).
لما بدي أعمل فا، بعدين مي (يعزف الأستاذ طارق التمرين) إس فا فا صول مي فا فا صول، بعدين (يعزف الأستاذ طارق التمرين)، فا إس صول صول لا فا صول صول لا صول إس لا لا سي صول لا لا سي لا إس سي سي دو لا سي سي دو، و نحاول نعمله مع المترونوم، ون تو (يقرأ الأستاذ طارق التمرين قراءة ايقاعية)، دو إس راي راي مي دو راي راي مي راي إس مي مي فا راي مي مي فا مي إس فا فا صول مي فا فا صول فا إس (يعزف الأستاذ طارق التمرين)، فا صول صول لا صول إس لا لا سي، بنثبت إصبعنا (يعزف الأستاذ طارق التمرين)، صول لا لا سي لا إس سي سي دو لا سي سي دو، بهالشكل.
فاللي إحنا شفناه هو علامة التا المنقوطه، السودء مع التيفي، و عملنا عليها تمرين رقم واحد تمرين رقم تنين تمرين رقم تلاته، كتير مهم الإلتزام بأشكال الريش هون، إنها تكون التا داون (يعزف الأستاذ طارق التمرين)، و التيفي (يعزف الأستاذ طارق التمرين) بهالشكل.
بدنا نتمرن عليه كتير منيح عشان راح نعمل عليه تطبيق في الدرس القادم."