ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
10 - تمارين ريشة

في الدرس العاشر و الحادي عشر و الثاني عشر نركز على اليد اليمنى و بالتحديد الريشة و نتعلم تمارين تزيد من المهارة في العزف و تطور اليد اليمنى في ضرب الأوتار. يطلب طارق من العازفين البدء بهذه التمارين بسرعة منخفضة و زيادة السرعة تدريجياً مع التمرين و المثابرة إلى الوصول لسرعة عالية، ينصح طارق بالتمرين على قراءة النوتة و حفظ التمارين للتركيز على زيادة السرعة بدلاً من التركيز على القراءة. يطلب طارق من العازف أن يعتبر التمارين في الدروس الثلاثة المذكورة تمارين يومية هدفها الوصول لسرعة عالية في العزف تدريجياً بعد الاتقات التام بالسرعة البطيئة.


طارق الجندي:


"مرحبا، أنا طارق الجندي من إعزف دوت كوم، اليوم بدرسنا رقم عشره راح نتعرف على تمرين ريشه.


و هادا التمرين حطه الأستاذ عمر عباد عشان يساعد الإيد اليمين بعمليه الحركه بالإضافه الإيد الشمال كيف ب تكون عم بتتنقل و أثناء تنقل الإيد اليمين، نيجي نتطلع المازورا الأولى هي سلم طالع من الدو للدو بعدين بيرجع بينزل للدو، بعدين بنيجي على المازورا التانيه، نفس السلم و لكن طلع درجه صار من الراي بيطلع و بيرجع بينزل للراي.


المازورا رقم تلاته نفس العمليه بتروح من المي للمي العاليه و بترجع بتنزل للمي بعدين بيصير في عندي جمله هون مختلفه شوي اللي هي صول لا صول فا مي فا مي راي دو مي صول دو، نحاول نعزف أول أربع موازير، مع المترونوم (يقرأ الأستاذ طارق التمرين قراءة ايقاعية)، تافا تيفي تافا تيفي، ثري فور (يقرأ الأستاذ طارق التمرين قراءة ايقاعية)، دو راي مي فا صول لا سي دو سي لا صول فا مي راي دو راي مي فا صول لا سي دو سي لا صول فا مي راي دو راي مي فا صول لا سي دو (يعزف الأستاذ طارق التمرين)، بنوقف.


إذا كان المترونوم سريع شوي بنبطؤه عأساس ناخده بهالشكل دو (يعزف الأستاذ طارق التمرين) على مقام العجم، بعدين من الراي بدون علامات تحويل راي (يعزف الأستاذ طارق التمرين)، من المي (يعزف الأستاذ طارق التمرين)، بدنا ندير بالنا على الفتحه بين اللا و السي (يعزف الأستاذ طارق التمرين)، دو راي (يعزف الأستاذ طارق التمرين)، بعدين بنرجع نطلع، راي دو سي لا صول (يعزف الأستاذ طارق التمرين)، المازورا اللي بعدها صول لا صول فا مي فا مي راي (يعزف الأستاذ طارق التمرين)، دو مي صول دو (يعزف الأستاذ طارق التمرين)، داون أب داون أب، نيجي نتطلع على السطر التالت، الجمله الأولى مكتوبه راي مي راي دو، بعدين لا سي لا صول مي فا مي راي دو، راح نشوف إن هاي الجمله بتعتمد على منطق أصابع أكثر مما هو منطق النغم، راي مي راي دو (يعزف الأستاذ طارق التمرين)، بعدين لا سي لا صول (يعزف الأستاذ طارق التمرين).


بتلاحظوا إن نفس الجمله على وتر الدو و رحنا على وتر اللا عملناه، فصارت أول تافا تيفي راي مي راي دو (يعزف الأستاذ طارق التمرين)، لا سي لا صول (يعزف الأستاذ طارق التمرين)، مي فا مي راي دو (يعزف الأستاذ طارق التمرين)، بعدين نفس الجمله اللي فوقها، صول لا صول فا مي فا مي راي دو مي صول دو (يعزف الأستاذ طارق التمرين)، نروح على السطر الرابع، دو سي لا سي (يعزف الأستاذ طارق التمرين)، فا مي راي مي (يعزف الأستاذ طارق التمرين)، نفس الجمله و لكن منطق أصابع انتقلت من اللا (يعزف الأستاذ طارق التمرين)، من وتر اللا لوتر الراي (يعزف الأستاذ طارق التمرين).


بعدين على وتر الصول، سي لا صول لا (يعزف الأستاذ طارق التمرين)، سي ناتشورال، بعدين نفس الجمله راحت لوتر الدو، مي راي دو راي (يعزف الأستاذ طارق التمرين)، بعدين نفس الجمله اللي إحنا عم بنكررها بآخر كل سطر، صول لا صول فا مي فا مي راي دو مي صول دو (يعزف الأستاذ طارق التمرين).


آخر سطر، دو سي لا سي (يعزف الأستاذ طارق التمرين)، فا مي راي مي (يعزف الأستاذ طارق التمرين)، سي لا صول لا (يعزف الأستاذ طارق التمرين)، مي راي دو راي (يعزف الأستاذ طارق التمرين)، بعدين سلم نازل من الدو على الصول، دو سي لا صول (يعزف الأستاذ طارق التمرين)، صول فا مي راي (يعزف الأستاذ طارق التمرين)، دو صول دو داون أب (يعزف الأستاذ طارق التمرين)، نحاول نعزف مع المترونوم التمرين من أوله، ثري فور (يعزف الأستاذ طارق التمرين).


بنلاحظ بهادا التمرين إن في عملية تآزر بين الإيد اليمين و الإيد الشمال و عملية الإنتقالات كيف لازم تكون موزونه، بعدين لازم يتطور هادا التمرين و يصير ينعزف بشكل أسرع و أسرع و أسرع، و هاي التمارين تمارين الريشه كتير مهم إن نبلش نستخدمها كوسيلة إحماء يومي أول ما نبلش نمسك الهود و نعزف، لإن هادا التمرين على السرعه لازم يصير بالشكل التالي، طبعاً مع التكرار كتير كبير يعني مش بعد أسبوع، إحنا بنحكي بعد أشهر بيكون، ثري فور (يعزف الأستاذ طارق التمرين)، في كتير ناس بيسألوا طب ليش بنعمل تمارين للريشه؟


أنا بدي أحكيلكم شغله، السر بعزف العود هو بالإيد اليمين، لإن الريشه هي اللي بتطلع الصوت و إنتوا لاحظتوا إن الإيد الشمال دايماً بتتطور بشكل نسبي أسرع من الإيد اليمين، إذا بنركز على إيدنا اليمين و بنعمل تمارين لإيدنا اليمين و بنحاول نشد عليها شوي و تبلش تعطي صوت أحلى بتشوفوا قديش هادا الموضوع راح يفرق على المنتج الكامل لما إنتوا بتكونوا بتعزفوا، لإن عازفين العود أغلبيتهم لما بيفرقوا بيفرقوا عن بعض في الإيد اليمين قديش ممكن هاي الإيد تصدر ريشه إيقاعيه، تصدر صوت حلو أو ممكن تصدر صوت ما يكون حلو، يعني في ناس بتكون بتعزف ريشتها نفس التمرين، يمكن يكون بعزفه بهالشكل (يعزف الأستاذ طارق التمرين).


بيكون مطلع من ريشته و لكن الفكره إني أصير أقدر أتحكم بريشتي لأبعد حد (يعزف الأستاذ طارق التمرين)، هادا التمرين كتير مهم لازم نتمرن عليه.


راح أشوفكم في الدرس اللي جاي و اللي بعده كمان راح نحكي عن تمارين الريشه."


فيديوهات دروس الدورة - تعلم العود 2
1.1 علامة تا تي في و علامة تا فا تي Opened 09:53
1.2 مقام و دولاب نهاوند الدو Opened 09:15
2 تطبيق على مقام النهاوند Opened 07:35
3 أغنية البنت الشلبية Opened 09:48
4 مقام الكرد Opened 05:05
5 مقدمة أغنية حيرت قلبي معاك Opened 07:02
6 علامة إيقاعية جديدة Opened 05:05
7 تمرين شامل Opened 04:55
8 علامة إيقاعية جديدة Opened 06:07
9 تطبيق على ما سبق Opened 08:09
10 تمارين ريشة Opened 06:37
11 تمارين ريشة Opened 04:14
12 تمارين ريشة Opened 04:23
13 علامات تأخير النبر Opened 08:14
14.1 أغنية الحلوة دي Opened 07:27
14.2 أغنية الحلوة دي Opened 04:10
15 مقام سماعي دارج حجاز Opened 10:04
16 علامة إس تا تي Opened 06:44
17 موشح نم دمعي من عيوني لـ سيد درويش Opened 08:43
18 أغنية هلالية Opened 06:19
19 مقام الهزام Opened 06:38
20 أغنية مرمر زماني Opened 04:57
21 علامة إيقاعية جديدة Opened 06:14
22 تطبيق على العلامة الايقاعية الجديدة Opened 06:08
23 أغنية موطني Opened 11:00
24 تمرين على القرار و الجواب Opened 05:58
25 أغنية طالعة من بيت أبوها Opened 05:00
}