الدروس
02:17:06 ساعة
20 الدروس
الغناء
قوالب الغناء العربي : الدور
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار
يتكلم ريبال هنا عن نوع من قوالب التأليف الموسيقي العربي و هو الدور. يعطي ريبال مثال على دور "القلب مال للجمال" للمؤلف داوود حسني و غناء صباح فخري.


ريبال خضري:


"غالبا بكون الموشح متل ما لنا شايفين عنا بكون هوه عبارة عن أول مقطع بنسميه الدور الأول المقطع الثاني يسمى الدور الثاني لانه بكون نفس اللحن المقطع الثالث اللي هوه بكون اللحن الأعقد اللحن الأصعب اللحن اللي بكون فيه طلعات لفوق اللي هوه بنسميه اللحن الخالي بيرجع عندي أخر مقطع العرب معتادين انهن يسموه الغطاء بالرغم أنه بكن نفس لحن الدور الأول و التاني غالبا ولكن بسموه غطاء كونه هوه نهاية الموشح هاي بنسبة لأول قالب من قوالب الغناء العربي.


طبعا غير هيك اكيد القوالب هيه مالها اشي استاندرد موسيقى بالعموم هيه مالها اشي ثابت لايقبل التعديل في بعض المؤلفين بعدله عليه في بعض المؤلفين بنشوف انه هنن قدموا الغناء الموشح احيانا باشكال مختلفة يمكن تقارب الأغنية ولكن يبقى الموشح ضمن هاد القالب ضمن هاي التصنيف يلي هيه ممكن اذا بدنا نرمزها بالموسيقى الأوروبية AABA ال A هوه دور الأول ال A الثانية هوه الدور التاني ال B اللي هوه خانة وال A الأخيرة هيه نفسها الغطاء بيجي عندي قالب اّخر من قوالب الموسيقى العربية طبعا الموشح اللي احنا قلناه بالأول هوه موشح يا غزالا يلي شايفين عنا اسم المؤلف بالأضافة لهيك هوه موجود هوه مؤلف على مقام النهاوند اللي مرق معنا ذكره في الدرس سابق بامكانكن طبعا انكن تعملوا بحث عليه حتلاقوا عليه احدى فرق حلب اعتقد مقدمة تسجيل لهدا الموشح مع موشح ضمن وصلة بالأضافة لهيك رح تشوف نمط تاني من انماط التأليف و الغناء العربي اللي هيه الأنماط صعبة نحنا مش عم نحكي عن الأنماط البسيطة الأغاني البسيطة حنحكي عن نمط بنسميه نمط الدور.


نمط الدور هوه عبارة عن جمع بين مغني و كورال هوه مانه نمط تأليفي بحت أنه نحنا لازم يكون عنا متل الموشح AABA أو دور أول دور ثاني وهيك لأ هوه عبارة عن تلات مقاطع اساسيات أول مقطع يعتمد على دخول المغني المغني هوه اللي بدخل هوه اللي بيغني تاني مقطع بكون هوه خاص بالكورال غالبا الكورال بقدمه بشكل اّهات بكون اّهات طويلة ممتدة بكون حتى هاي المقطع دور راحت بكون بدايتها اّهات كورال بعدين بكون في اّهات حوارية بينها وبين بين الكورال وبين المغني أو المغنية بالمقطع الأخير بكون مقطع تحاوري بين المغني و الكورال و بيختم بالنهاية المغني و بيختم و بهاد الدور.


طبعا سمي الدور لأنه بيقلك الدور هوه عبارة عن مكان دور للمغني ودور للكورال الدور طبعا بعود كتأليف لأكتر من مئة سنة في ادوار جدا معروفة على كتير مقامات من اشهر ادوار الموسيقى العربية و الغناء العربي دور أنا هويت وانتهيت للسيد درويش طبعا يعد الدور من أصعب قوالب الغناء العربي أول شي هوه مدته طويلة غالبا لا يقل مدته عن عشر طناشر دقيقة احيانا بتوصل لعشرين دقيقة الدور هوه مكان لاستعراض المغني لصوته لأنه غالبا الكلام اللي بيتغنى بالدور هوه كلام جدا بسيط ما بكون كلام فصحى مثلا متل أنا هويت و انتهيت , على الدنيا السلام يعني بكون مثلا كلام محكي من الكلام اللي بيقولو الناس بالأضافة لأنه هل كلام بينعاد كتير ضمن الدور بالألحان المختلفة فاذا ما كان المغني كتير قوي لانه يغني هادا الدور بيستصعب هاد الموضوع بيستصعب أنه يحفظ الحان هادا الدور من الأدوار اللي ممكن أنه نفتش نسمع عليها مثلا في عنا دور يا فاتن الغزلان اللي هوه شوي بيخرج عن طرائق التأليف العربي طبعا دور يا فاتن الغزلان هوه عبارة عن دور مطول دور على المقام الشوري كمان يعتمد كتير على الأرتجال ومن الأدوار اللي أنا ممكن هلأ سمعكن اشي منه على مقام العجم.


ممكن نحنا حكينا عنه شوي بالدرس سابق هوه دور قلب مال للجمال للمؤلف العظيم داود حسيني طبعا الدور يعود لفترة كتير طويلة انا رح سمع مقطع واحد منه بامكانكن تكتبوا دور القلب مال للجمال ليه عليه اليوتيوب و حتشوفوا مدى صعوبة هادا الدور و قديش صعب أنه المغني اساسا يحفظوا لحتى صعب أنه هوه يغنيه طبعا حتسمعوا على اليوتيوب على صوت صباح فخري لو عملتوا بحث عليه (يعزف الاستاذ ريبال التمرين).


طبعا اكيد اله تكملة كتير طويلة أنا فقط اختصرت بداية المقطع الأول."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!