يتابع الأستاذ ريبال في هذا الدرس مقدمة عن المقامات العربية بدأ بها في الدرس السابق. ينتقل أيضا ريبال للحديث عن نوتة الإرتكاز و المقامات ذو الجنسين. .
ريبال خضري:
"تمام , هلأ متل عنا بالنهاوند لما استعملنا مي نزلناها نص بعد وحطينا قدامها اشارة بيمول لما نزلنا الا حطينا قدامها اشارة بيمول ولما نزلنا سي كمان حطينا قدامها اشارة البيمول هلأ حتمرق عنا مقامات تانية بالموسيقى العربية حيكون فيها مو بس بيمول و شارب حيكون فيها موجود نص بيمول ونص دييز يلي هوه بنزل ما بينزل بيمول كامل يلي هوه نص بعد لأ بينزل نص بيمول يلي هوه نص ربع بعد موسيقي أو بيرفع أو بيكون عندي ربع دييز يلي هوه بيرفع ربع بعد موسيقى تمام هدول رح يمرقوا معنا كتير بالمقامات العربية.
هلأ بيجو لشوف شو هنن المقامات اضافة الى أنه أول ميزة بكون عندي بين المقام والتاني حيكون عندي حيكون عندي عبارة عن ابعاد موسيقية مختلفة ممكن بعد ممكن نص كمان حيكون المقام متكون بالأصل من جنسين موسيقين نحنا حكينا عنن انن هنن اربع درجات موسيقية متتالية مثل لما يقول بسلم العجم حيكون عندي دو ري مي فا هوه جنس بعدين صول لا سي دو هوه جنس شو المقصود المقصود أنه انا لما بدي غني مقام العجم لازم ركز مثلا على الدو مع الصول مثلا(يقرأ الاستاذ ريبال التمرين قراءة ايقاعية).
أنا حاولت ركز على الدو سنتر تبعي الأرتكاز كان على الدو بعدين (يقرأ الاستاذ ريبال التمرين قراءة ايقاعية) كمان ركزت على الصول فمعناته الجنس التاني مبني على علامة صول بعدين (يقرأ الاستاذ ريبال التمرين قراءة ايقاعية) رجعت للدو بعدين (يقرأ الاستاذ ريبال التمرين قراءة ايقاعية).
رجعت للدو الأساسية الموجودة عندي فاذا عنا المقام قائم على شغلتين ابعاد موسيقية موجودة بين العلامات بالأضافة لأني فكر بالجنسين اللي أنا عم غني عليهن ربما يكونوا اكتر حسب المقامات.
هلأ طبعا بيصفى أني قلكم أنه الأجناس الموسيقية اللي بتكون موجودة بالمقام ممكن يكونوا تنين و احيانا ممكن يكونوا اكتر حسب المقام بس يلي بحدد هاد الموضوع أنا كيف عم ارتكز بغنائي هلأ المقامات العربية هيه عبارة المقامات الأساسية طبعا هيه تمن مقامات عربية طبعا المفروض اعمل تمانة هيه هيك.
هلأ هاي التمن مقامات عربية طبعا البعض بقول انها سبعة وبتعتبر الكرد هوه مقام مو اساسي أنا رح اتعامل مع مقام الكرد على اعتباره مقام من المقامات الأساسية شو هيه مقامات الأساسية رح نرجع قبل ما نحكي عن المقامات الأساسية رح نعتبر حالنا عم نحكي عن الجنس الأساسي تبعها يلي هوه أول اربع درجات رح نشوف عنا جدول بهاي المقامات الأساسية يلي هيه حنشوف العجم يلي هوه بكون مقام انا بكون عندي طبعا أنا اذا بتعامل مع المقامات بعض المقامات من دو و بعض المقامات حابتديها من الري البعض الأولاني اللي هوه ببلش من دو حيكون عندي العجم يلي هوه دو ري مي ناشر أو مي فيكار فا صول لا سي دو اللي هوه بيوازي تقريبا سلم الميجر الغربي ويلي عزفنا عليه طلعت يا محلى نورها عندي مقام النهوند يلي هوه بكون دو ري البيمول بعدين فا صول لا بيمول سي بيمول دو اللي هوه بيوازي مقام المانير الغربي بعدين حيكون عندي مقامات تانية بعض منها موجود بالموسيقى الغربية ولكن ليس كاساسي وبعض منها هو فقط موجود على اّلة العود أو الالات العربية وبالصوت البشري العربي حيكون عنا مثلا مقام راست يلي بيبتدي من علامة دو يلي رح يكون عندي دو ري المي رح تكون عندي نص بيمول.
بعدين رح يكون عندي فا صول لا بعدين سي حيكون عندي نصف بيمول بعدين حيكون عندي الدو الناشر الطبيعي هلأ رح يكون عندي مجموعة تانية من المقامات اللي هيه بتبتدي من علامة ري حيكون عندي البياتي اللي هوه ببلش من علامة ري بعدين حيكون عندي في نص بيمول فا صول لا سي بيمول دو ري حيكون عندي مقام الكرد اللي هوه ري بيمول فا صول لا سي بيمول دو حيكون عندي مقام الحجاز اللي هوه ري بيمول فا دييز صول لا سي بيمول دو ري حيكون عندي مقام الصبا اللي هوه ري مي نص بيمول فا صول بيمول لا سي بيمول دو ري واخر مقام اللي يعد من أكتر المقامات شرقية يلي هوه مي نص بيمول فا صول بعدين لا سي نص بيمول دو ري مي نص بيمول هاي بالنسبة للمقامات كتعداد وكيف رح تمرق معنا طبعا فيما بعد نحنا رح يكون دروسنا كل مجموعة دروس درسين أو تلاته أو اربعة حنركز على مقام معين و حنحكي عنه و نسترسل باستفاضة اكتر عن هاد المقام."
