الدروس
02:17:06 ساعة
20 الدروس
الغناء
قوالب الغناء العربي : الموشح
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتناول هذا الدرس موضوع قوالب الغناء العربي و الموسيقى العربية . يبدأ الدرس بقالب الموشح الذي ينسب بالعادة لزرياب و العصر الأندلسي. يشرح الأستاذ الموشح و يعطي المعلومات و التدريبات اللازمة على موشح "يا غزالا".


ريبال خضري:


"(يعزف الاستاذ ريبال التمرين) مرحبا أنا ريبال من أعزف دوت كم.


اليوم نحنا بدنا نتعرف على قوالب الغناء العربي و قوالب موسيقى العربية.


طبعا قبل ما نحكي عن هاد كله لازم نعرف شو يعني كلمة قالب اساسا اكيد بتعملوا جاتوه الجاتوه هوه عبارة عن مجموعة خلطة معينة هاي الخلطة أنا بالنهاية لما أنا بدي حطها بالفرن لازم حطها باشي بنسميه قالب جاتوه أو الكيك لازم بنحطوا بمكان لحتى أخر شي العجينة نفسها تتطلع بشكل معين بشكل ثابت نفس الأشي تماما هيه فكرت القالب سواءا بالموسيقى العربية أو حتى بالموسيقى الغربية يلي هيه عبارة عن طريقة تلحين معينة أنا باخد اللحن بحطه بشكل معين برجع بعيده برجع حط لحن جديد برجع بعيد نفس اللحن القديم يعني لازم يكون عندي تركيب اساسي لحتى يكون عندي هاد القالب كل قالب اله طريقة معينة بتركيب الألحان.


على سبيل المثال نحنا هلأ ابتدينا بقالب غنائي اللي هوه قالب الموشح قالب الموشح هوه عبارة عن قالب كتير قديم بيرجع تقريبا لأكتر من عشر أو طناشر قرن قديمين يعرف بأنه الموشح تقريبا أكتر المراجع بترجع المرشح لزرياب و للعصر الأندلسي وفيما بعد طبعا تم تطويره وتم تعديله الموشح كلغة هو عبارة عن كلام يجمع بين لغة العربية الفصحى واحيانا بكون في بعض الكلمات العامية أو احيانا بعض الكلمات الشعبية الأندلسية أو تختلف من بلد الى بلد حسب عامية هاد البلد كيفية وضع اللحن على الموشح أنا لما بدي غني طبعا أول اشي الموشح هو عبارة عن قالب كان في بداية قالب شعري يغنى وفق ما كانوا يتخيلوه المغنيين فيما بعد صار اله لحن ثابت هاد اللحن أنا بدي قرر مثلا أنو أنا عندي لحن A اّه ولحن B بي مثلا متل ما نحنا كنا نغني قبل شوي يا غزالا يا غزالا كنا أول شي (يعزف الاستاذ ريبال التمرين).


بيكفي أول مقطع تاني مقطع لازم يكون تقريبا على نفس لحن فبكون عندي (يعزف الاستاذ ريبال التمرين) بكون عم بعيد نفس لحن تماما على كلام جديد بيجي عندي المقطع التالت يلي هوه بكون لحن مختلف كليا عن لحن الأولاني وغالبا بكون عندي مقطع رابع أنا ما مرق معي بياغزالا بس بالعموم بكون عندي مقطع رابع بيرجع فيه عندي للحن الاولاني."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!