الدروس
02:17:06 ساعة
20 الدروس
الغناء
تمارين فوكاليز باستخدام حرفين
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في هذا الدرس يضيف ريبال حرف علة جديد لتمارين الفوكاليز و هو الياء بعد أن كانت أغلبها باستخدام الألف فقط. يذكر ريبال بالشكل السليم للفم المرتبط بكل حرف.


ريبال خضري:


"التمرين التاني اللي رح أخده هلأ اللي هوه تمرين اللي أنا بدي ادمج A مع E بوقت واحد ما عدت أنا بس بدي قول A ما عدت بدي قول (يقرأ الاستاذ ريبال التمرين قراءة ايقاعية).


لأ هلأ أنا بدي أعمل E مع A كيف ممكن اعمل حرفين اللي هنن E وA , E بهاد الشكل دائما بدي اتزكر أنه E مثل الموزة مفتوح التم بهاد الشكل متل كأني مبتسم تماما (يقرأ الاستاذ ريبال التمرين قراءة ايقاعية) أما A فبكون دائما مفتوح لفوق (يقرأ الاستاذ ريبال التمرين قراءة ايقاعية).


فإذا أنا شو رح أعمل هلأ رح نعمل التمرين التالي (يعزف الاستاذ ريبال التمرين) لاحظتو ما بصيرأني أنا من الاأخطاء الشائعة أنه أنا دائما لما بيجي غني بغير مكان تمي مثلا بغير ال E أو A فبقوم صوت بيدخل للداخل مثلا بصير (يقرأ الاستاذ ريبال التمرين قراءة ايقاعية) لأ ما دخل الصوت دائما لعند الأسنان فقط عم غير فتحت التم نجرب سوا ون تو ثري فور (يعزف الاستاذ ريبال التمرين), كتير ضروري طبعا أني أنا مع تطور الفوكاليز أني أنا دائما أطلع نصف بعد نصف بعد دائما وأنا عم طول يعني أنا لما عم بعزف ما عم اطلع اوصل أخر شي للري أو مثلا للري اللي هيه مثلا D ممكن أني بالتمارين اللي بعدها مره أو تاني مره أني أوصل للأي فلات أو للميبيمول كمان تحت نفس شي أنا لما بدي أنزل أنا بكون عم بوصل مثلا للسيليمول ممكن أني صير أصل الى لاه أو علامة A تو ري أو A لتحت.


تمام هلأ اليوم بدي احكي عن شي كتير مهم ويمكن هوه غلطة أو اشي كتير بواجهة أكترنا في كتير من الأشخاص بغنو وبيعتقدوا دائما أنه هنن عندن أصوات كتير جميلة وكتير فظيعة وكتير هنن مغنيين فظيعين هلأ المشكلة أنه هدول الأشخاص بيقعوا دائما بلغط المجتمع بيجي المجتمع بقول له اّه انتا صوتك حلو بيجي رفيقته بتقوله بتيجي رفيقتها بتقلها صوتك حلو بيجي رفيقه بقوله انتا صوتك كتير عظيم هلأ المشكلة وين أنه اذا نحنا عنجد ما قدرنا نقيم حالنا بشكل سليم نسمع حالنا ونقارن بشكل كتير صح حيكون صعب علينا.


هلأ بدي أحكي عن مشاكل أني أنا غني بشكل صحيح عادة وين بتكون , عادة في بعض الأشخاص لما بيغنوا بكون عندن مشكل بأنه هنن أساسا لما كانوا صغر مثلا ما كانوا يسمعوا اللحن بشكل السليم أو بكون وهنن عم دماغهن عم يرسل اشارات لحنجرتن أنه اعملي الألحان بالشكل فلاني بتيجي الحنجرة مثلا الدماغ ما بيرسل اشارات بشكل صحيح أو حنجرة بتكون أضعف من أنه هيه تمارس اللحن بشكل السليم هلأ نحنا بدنا نميز بين شخص بيأدي وبين شخص بيغني هلأ شخص اللي بيأدي هو شخص اللي بقول لحن بشكله سليم يعني مو بضرورة أنه هو يلعب عرب ما بضرورة تكون قماشة صوت نفسها كتير جميلة كتير مقنعة تكون يكون فيها رخامة مثلا أو يكون فيها مرونة ما يكون ما بضرورة تكون فيها مميزات أو نما تكون هاي القماشة سليمة عم تعطيني اللحن (يعزف الاستاذ ريبال التمرين)


تمام هاد بنقول عنه مؤدي يعني بمرحلة ما مع العمل ممكن يوصل لمرحلة أنه يكون مغني اذا اشتغل على قماشته الصوتية وعلى مرونة صوته أما المغني فهو الشخص عادة بتكون قماشته الصوتية جميلة بكون ما عنده أي مشكل لأستقبال اللحن بغناءه بالأضافة على هاد اللحن بكون دائما مميز بهاد الوضوع ودائما الفوكاليز بقدم له اكتر."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!