يبدأ الدرس بقالب القصيدة , و يعطي أمثلة لقصائد غّناها كل من أم كلثوم , فيروز , صباح فخري و لّحنها محمد عبد الوهاب و رياض السنباطي. يتحدث ريبال أيضا عن قوالب أخرى مثل المّوال و الإنتقال بين المقامات في هذا القالب و من ثم يتحدث عن قالب الطقطوقة و يعطي "زوروني كل سنة مرة " لسّيد درويش.
ريبال خضري:
"بالأضافة للدور عنا بالموسيقة العربية ايضا قوالب اخرى متل قالب القصيدة اللي هوه بكون عبارة عن قصيدة غنائية قصيدة مكتوبة كقصيدة لن يفكر اساسا أنه هيه ممكن تلحن و في بعض بيكتب القصيدة فقط لأنه تتلحن و تتغنى غالبا القصيدة مالها دور ثابت بطريقة التأليف ولكن اكتر المؤلفين لما بيلحنوا القصائد بيعتمدوا على انن يفرجوا انتقالات مقامية هنن بيتخيلوها.
اشهر القصائد اللي غنيت تقريبا ممكن نقول قصيدة اغدا القاك للسيدة أم كلثوم ممكن نقول القصائد اللي غنتها السيدة فيروز متل قصيدة لا تسألوني ما اسمه حبيبي للشاعر نزار قباني ممكن مثلا تشوف قصائد حتى لصباح فخري متل قصيدة جل الرحمن يعني أكتر المغنين القدامى كانوا يهتموا جدا بغناء القصائد من ابرز الملحنين اللي لحنوا قصائد و غنوها بشكل كتير عظيم اللي هنن محمد عبد الوهاب يلي قدم القصيدة بالحان مختلفة كليا ما تبع مقامات جديدة وهادا الشي كتير بتلاحظوا لو جربتوا مثلا تسمعوا سهرت منه ليالي.
لو جربتوا تسمعوا مثلا قصيدة يا جارة الوادي مثلا كمان في عنا السنباطي ألف أو لحن قصائد باسلوبه الخاص بنقلات موسيقية خاصة هوه بيرتحلها هوه بحسها و طبعا نقلات السمباطي مختلفة عن نقلات عبد الوهاب بأنه هيه نقلات منطقية أكتر سلسلة أكتر للمغنين بيصفى عندي قالبين موسيقيات قالبين موسيقيات غنائيات يلي هنن قالب الأرتجال أو اللي بنسميه الموال طبعا الأرتجال دائما يختلف من بلد الى بلد ولكن عمومية الأرتجال فكرته أنه أنا لازم لازم كون ملم جدا بالمقامات اللي نحنا حكينا عنها بالدرس السابق لازم اعرف كيف انقل من مقام الى مقام بحيث أني مثلا ابتدى مثلا على مقام العجم على سبيل المثال (يعزف الاستاذ ريبال التمرين) بلش بالمقام الأساسي بعدين (يعزف الاستاذ ريبال التمرين).
ممكن أني انقل مقامات تانية ممكن انقل أنا هلأ بالعجم انقل على راس انقل على بيات انقل على أي مقام أنا بدي ياه بس لازم بالنهاية أني أنا ارجع الى مقام الأساسي اللي أنا ابتديت فيه من أشهر الأشخاص اللي عملوا ارتجالات كتير كتير صعبة بالغناء اللي هنن محمد عبد الوهاب قدم ارتجالات متل اذا بحثتوا عن موال اشكي لمين الهوا والكل عذالي ممكن لو بحثتوا على موال أمانة ياليل تقول للفجر يستنى حتلاقوا صعوبة بانتقالات مقامات مش أي شخص بيقدر يقولها.
ممكن لو جينا نبتدي نبتدي بموالات اسهل شوي ممكن بعض المولات اسمهان مثلا متل بعض ارتجالات السيدة فيروز يلي بتكون غالبا ضمن مقامات مش كتير صعبة نقلاتها ممكن متل ارتجال اللي بتقوله قبل بعد جايبلي سلام الأرتجالات السهلة يلي ممكن أنه تنحفظ بسهولة بيصفى أخر قالب يلي هوه قالب طقطوقة يلي هوه قالب جدا بسيط يلي هوه قالب عبارة عن أغنية بسيطة يلي هوه عبارة عن لحنين.
غالبا بكون لحن اساسي بعدين لحن ثانوي في البعض استفاض أكتر بالطقطوقة عمللها الحان تانية ممكن الف باء الف جيم الف دال يكون عندي اكتر من لحن بس بكون دائما عندي مذهب أنا لازم أني كرره طبعا اكتر الأغني بهاد الوقت ممكن أنه تقريبا صنفها بخانة الطقطوقة انه هية أغنية بسيطة ما بتتعدى دقيقتين تلاته اربع دقائق خمس دقائق ما بتكون اكتر من هيك بتكون تلات أربع مقاطع كلام محكي بسيط سهل أنا هلأ رح اختم بطقطوقة زوروني كل سنة مرة حرام للسيد درويش يلي هيه على مقام العجم ()."
