الدروس
02:17:06 ساعة
20 الدروس
الغناء
الزمن في الصولفيج
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتابع ريبال الحديث عن النوتة في الصولفيج بالإنتقال الى موضوع الأزمان و كيفية قرائتها على السلم الموسيقي. يعطي ريبال أيضا تمارين إيقاعية و نصائح عن مبادىء الصولفيج.  


ريبال خضري:


"حيكون عندي الشق التاني من الصولفيج اللي هوه الزمن انا كيف بدي اتدرب على الأزمان بالصولفيج.


هلأ أنا في عندي اوقات انا بقول مثلا (يعزف الاستاذ ريبال التمرين) انا قلت تك تك تك اذا جربت اني انقل معها تك تك تك ياأم سليمان كان عندي طول الوقت عم ياخد عندي زمن زمن زمن بعدين لما قلت كلمة سليمان المان يلي بسليمان اخدت تو بيت اخدت زمانين تك تك تك يا أم سليمان فاذا أنا الزمن بالموسيقى مستحيل يكون عندي دائما ثابت لازم يكون عندي تغير بالزمن أنا كيف بدي اعرف هاد التغير حنشوف عنا أنه نحنا عنا لما يكون أنا بدي اربع ازمان حيكون عندي الأشارة من شكل الدائري بنسميها المستديرة وهاي عادة تلفظ عبارة عن اربع ازمان بقولها (يقرأ الاستاذ ريبال التمرين قراءة ايقاعية) حنفترض أنه Ta تا هوه لفظ افتراضي بعدين هيكون عندي لما أنا اخدتها حطيت فوقها عصاية غيرت بالشكل تبعها صار عندي زمانين حتكون (يقرأ الاستاذ ريبال التمرين قراءة ايقاعية).


وهاد الشكل عادة بنسميه بيضاء هلأ اذا انا اجيت اخدت البيضاء وخليتها غمقة غمقتها رح تصير عندي سوداء رح صير سميها تا Ta رح حتكون زمن واحد فقط تمام انا رح اشتغل بس على هدول التلاته بالبداية هلأ فيما بعد رح نضيف الهن ذات السن اللي هيه رح تكون اصغر هاي أول شغلة بدي أنتبه كمان أنه كل وحده من هدول الها سكتة يعني انا المستديرة ممكن أني أنا بالنوتة لاقي عندي (يقرأ الاستاذ ريبال التمرين قراءة ايقاعية) ممكن كمان أني لاقي عندي سكتة يلي هيه بتكون بشكل مستطيل مثل الجدول حيكون هاد المستطيل تحت السطر وحيكون عم يعطيني وحيكون لما بدي شوفوا حقول بقلبي () حأسكت تماما رح اعتبر أنه أنا عندي سكتات في بعض بحاول أنه بريح حاله يقول أنه هيه (يقرأ الاستاذ ريبال التمرين قراءة ايقاعية) لحتى يتدرب عليهن طبعا السكتات الموجودين كل وحدة الها نفس الزمن هلأ انا رح يكون عندي كمان عبارة عن جدول أو هيكون عندي عبارة عن ملف مرفق كمان هوه عبارة عن تمارين هي تمارين هيه تمارين ايقاعية أنا بدي اتدرب عليها بنفس هاد الشكل حنشوف تمرين تحت ورح نحاول نتدرب عليه بدون ما انا أنه غني حشوف أول شي عندي سطر مو خمس سطور لأنه انا هون عم اتدرب ايقاع بهاد السطر حيكون عندي مكتوب فقط تمارين ايقاعية يعني حنقول أول قسم يعني اللي هوه البار(يقرأ الاستاذ ريبال التمرين قراءة ايقاعية).


بعدين اللي بعده عندي بيضاء بيضاء فهوه (يقرأ الاستاذ ريبال التمرين قراءة ايقاعية) هيكون عندي البار التالت اللي هوه اربعة سوداء حيكون عندي (يقرأ الاستاذ ريبال التمرين قراءة ايقاعية) اخر بار حيكون عندي هوه عبارة عن بيضاء مع تو سوداء حيكون عندي (يقرأ الاستاذ ريبال التمرين قراءة ايقاعية) هلأ أنا برجع حولن من الأول للأخر حيكون عندي (يقرأ الاستاذ ريبال التمرين قراءة ايقاعية).


ضروري كتير انتبه أنه نحنا لازم نعمل التمرين من أوله لأخره هلأ هيكون عندي عدة تمارين بنفس الأسلوب لازم راعي أنه في اوقات بكون عندي سكتة في أوقات بكون عندي هادا التمرين بيضاء في عندي سوداء في عندي فيما بعد رح تدخل عندي ذات السن كمان اللي هيه عبارة عن نصف زمن اللي ممكن انا قولها (يقرأ الاستاذ ريبال التمرين قراءة ايقاعية) اللي هيه بتيجي كل اتنين بزمن واحد . تمام هلأ انا تمريني على الأيقاع لحاله وتماريني على الصولفيج لحاله هيه اللي رح تخليني قادر أني اقرأ النوتة الموسيقية بشكل سليم لأنه حيصير مكان علامة لما يتغير مكان العلامة هيتغير اسمها ولما بتغير شكل العلامة أنه هية مستديرة أو هيه بيضاء أو هيه سوداء حيتغير زمنها طبعا في كتير كتب أنا ممكن أني أنصح فيها لحتى نتعلم الصولفيج في كتابين كتير مهمين يلي هنن أول كتاب اللي هوه كتاب الاّه في سيه صولفيج يلي هوه كتاب فرنسي اله جزئين طبعا هاد الكتاب هوه معتمد أكتر للأطفال وممكن نحنا نستخدمه كبداية لمبادئ الصولفيج بكون فيه شروحات طبعا ما ضروري هلأ هوه مكتوب باللغة فرنسية ولكن اذا حدا حاول يتابع شو عم بصير بهاد الكتاب رح يقدر يصل لنتيجة كتير ممتازة بالأضافة الى هيك في كتاب كتير أهم اللي هوه كتاب سولفيج دو سولفيج يلي هوه ببلش بالسولفيج من أبسط مرحلة من المستديرة للبيضاء للسوداء لأماكنن للدو ري مي فا صول للتمرين كتير كتير مهمة."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!