ريبال خضري:
"اليوم بدرس الغناء العربي بدنا ننتبه لاشي أسمه مخارج الحروف وكتير بدنا ننتبه عليه وبدنا نتعرف كيف بتكون مخارج الحروف للغناء العربي.
هلأ أول شغلة أنا حكيت أنه دائما الغناء العربي وحده من مشاكله أنه مخارج الحروف بتكون كتير متشعبة عنا بالغناء العربي خمس مخارج حروف غالبا بالغناء الأوروبي مخارج الحروف هيه مخرج واحد اللي هوه اللسان وغالبا بكون المخرج لقدام فقط يعني لو جربنا نشوف ABCDEحتى الE مو متل ما أحنا بنقولها E لأ هيه E , FGHIJK غالبا تسعين بالمئة من حروف بتكون لقدام لعند لسان لهل شي بكون عملية التنفس عملية الغناء و تحويل الرنين للرأس أو للصدر بتكون وحدة.
أما بالغناء العربي فنحنا لو اطلعنا رح نلاقي أنه نحنا عنا عبارة عن خمس مخارج حروف كتير اساسية أول مخرج اللي هوه بنسميه مخرج الحرف مخرج الغناء الصوت الجوفي اللي هوه بكون فيه الحروف الأساسية اللي بنسميها الحروف الممتدة اللي هيه الاّه A والاّوه O و الأي E وكل توابعها () كل هاي الحروف هيه مالابعازة اكتر من أنه الحبلين الصوتين يتحكروا مع التنفس بشكل سليم بالأضافة لحركات شفهيه بسيطة الأه A و الأوه O الأي E فقط لا أكتر من ذلك هلأ لو اجينا لنشوف انماط تانية حنلاقي أول شي في قسم للحروف بكون خارج من حلق وهي الحروف هيه عبارة عن حتى حروف بنسميها الحروف الحلقية هيه عبارة عن تلات أنماط مثلا في عنا حروف اللي بتكون بأدنى الحلق اللي هيه حروف الغين و الخاء واللي هوه دائما بكون في غلط بلفظ حرف الخاء في كتير ناس بتلفظه () هوه لأ هوه مس اّخ مش قدام هوه حرف لطيف وليس حرف ضخم () هوه حرف بسيط جدا.
لو سمعنا صباح فخري وأم كلثوم رح نعرف كيف بلفظوا حرف الخاء مثلا صباح فخري لما بغني ما بقول حرف الخاء بطريقة اّخ مثلا () ما بقول () لأ () مثلا في جل الرحمن () ما بكون حرف مزعج مزعج بكون اّخ طيب في عنا النمط التاني من حروف الحلق اللي هيه بكون بوسط الحلق اللي هوه حرف العين و الحاء هلأ حرف العين بيحتاج الى عين من هون () بالأضافة الى رنين له بكون بالرأس صعب كتير نقول() لتحت دائما حرف العين () وحرف الحاء كمان ما بصير نقوله () لأ حرف بسيط لو احنا لازم نقوله بشكل اقوى من هيك كان لازم يكون حرف ليس حلقي وانما () حرف لساني مثلا حرف اكتر لقدام هوه حرف بسيط دائما نحنا بنعقده أكتر بالأضافة للحروف اللي بتكون باقصى الحلق متل حرف الاّه وحرف هاء اللي هنن طبعا مش حرف اّه اللي هوه اّه لأ حرف أه تحديدا حرف الهمزة وحرف هاء() طبعا في كتير مغنين بعملوا لغط بغنو الهاء بنسمعها عندن حرف حاء المخرج الثالث للحروف الصوتية هوه مخرج حروف اللسان اللسان عندهه طمنطاشر حرف الطمنطاشر حرف تبعات اللسان هنن مجتمعين بأكتر من طريقة طبعا لو عملتوا عليهم أي سيرتش على الأنترنت رح تلاقوهن كتير واضحين أكتر حنشوف أول مخرج اللي هوه اقصى لسان اللي هوه حرف القاف وطبعا في كتار بلفظوا حرف القاف بطريقة كانهن ما بحكو عربي اساسا وفي مغنين لما بغنوا حرف القاف بنسمعهن بقولوا () لأ هوه () القاف هوه بينتج عن التقاء الحنك اللحمي الموجود داخل الفم مع لسان مع اقصى لسان بطلع عنا القاف هلأ لو التقى الحنك اللساني عفوا اللسان مع حنك العظمي والحنك اللحمي بوقت واحد حيكون عنا حروف من نمط كاف اللي هوه مختلف كليا عن حرف القاف هلأ لو التقى وسط لسان مع الحنك العظمي لوحده رح يكون عنا حروف الجيم الشين وحيكون عنا حرف الياء غير مدية يعني () مش اللي().
لأ الياء الياء لما بتمرق ضمن احد الكلمات اضافة لهيك احدى حافتي اللسان أو كلاهما مع جدار الداخلي للأضراس رح يكون عنا حرف الضاد لما بيلمس مع جدار الضرس () هلأ هاد الفرق بين الضاد و الدال الضاد لازم يلمس بالأضراس أما الدال لازم يلمس بالأسنان تمام هلأ لما بيلمس اللسان الحنك الأعلى رح يكون عندي لام لما بيلمس الطرف اللي بحاذيه من اللثه رح يكون عندي نون لما بيلمس الطرف اللي بحاذيه من الحنك الأعلى رح يكون عندي الراء لما بيلمس أصول الثنايا رح يكون عندي طاء دال تاء شو أصول الثنايا يعني أعلى الأسنان بالضبط أعلى الأسنان بالضبط لما رح يلمس ما بين الثنايا العليا و الأسفل رح يكون عندي صاد شو يعني ما بين الثنايا يعني بين الأسنان صاد حيكون عندي الزاء وحيكون عندي السين طبعا كمان الصاد من حروف اللي دائما بقولوا سين هو المفروض يقال صاد طبعا عندي كمان طرف اللسان مع اطراف الثنايا العليا رح يكون عندي طاء ذال ثاء اذن عندي طبعا ثاء كمان كتير ناس بيلفظوه سين هيك صار عندي تقريبا طمنطاشر حرف بيغطوا كل مخارج اللسان."
