ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 شرح عام عن آلة البيانو 04:13
2 ترقيم و تسلسل الأصابع في السلم الموسيقي 06:10
3 قراءة النوتة على السلم الموسيقي 03:45
4.1 أنواع الوحدات الزمنية 03:00
4.2 أنواع الوحدات الزمنية البيضاء و المستديرة 06:22
4.3 أنواع الوحدات الزمنية السوداء و ذات السن 02:58
5 الميزان الموسيقي 05:51
6 التمرين الشامل 05:48
7 مفتاح الصول 04:24
8 مفتاح الفا 05:27
9 تمرين شامل 06:02
10 السكتات الزمنية 03:20
11 تمرين شامل كلن عندن سيارات 07:16
12 الوحدة المنقوطة 06:09
13 الدييز و البيمول 09:13
14.1 تمرين على الدييز كانوا يا حبيبي 04:03
14.2 تمارين على الدييزوالبيمول بعدك على بالي 03:25
15.1 المسافات بين النوتات 04:07
15.2 سلم الصول الكبير 04:18
16 تمرين على سلم الصول الكبير طيري يا عصفوره 05:50
17 سلم الفا الكبير 03:21
18 تمرين على سلم الفا الكبير طلعت يا محلى نورها 07:45
19 العزف بتوافق بين اليدين 06:18
20 تك تك تك يا أم سليمان 04:32
21 أخطاء شائعة 06:44
22.1 الرموز و التعابير الموسيقيه 04:09
22.2 الرموز و التعابير الموسيقية 03:31
22.3 الرموز و التعابير الموسيقية 05:10
22.4 الرموز و التعابير الموسيقية 04:12
22.5 الرموز و التعابير الموسيقية 06:30
23 تمرين شامل طالعة من بيت أبوها 03:12
أخطاء شائعة

التأكد من وضعية الجلوس و اليدين على البيانو , التأكد من عدم ربط ترقيم الأصابع مع النوتة لأنه متغير , كيفية تطبيق الدييز أو البيمول داخل المازورة.


لونا رفاعي:


"مرحبا انا معكم لونا رفاعي من فريق اعزف دوت كوم.


درسنا لليوم رح تكون اخطاء شائعة بتظهرلنا بالعزف لازم مانوقع بهاي الأخطاء هلأ بداية الموضوع بدنا نتذكر شو حكينا انه وضعية الجلوس والأصابع عالبيانو كيف تكون والظهر مشدود والإيدين كتير مهم تكون بتتحرك بحرية مايكون في اي تشنج لأنه كل مابنعزف واحنا متشنجين راح يصير عنا في مشاكل بالكتف والظهر وكمان راح يأثر علي آدائنا بالعزف نرجع بنذكر انه ماراح تكون ايدينا منبسطة بهادا الشكل ولا مشدودة بالداخل لأ أكنه ماسكين طابة بحيث انه نحس براس الأصبع وهو عم يضرب علي المفاتيح لما أي حدا بيبلش يعزف عالبيانو خاصة اذا كان بيانو خشب بيواجة مشكلة انه الكبسة تقيلة او بدها مجهود لحتي يضرب عليها فا من الأساليب انه اي طاولة خشب او اي سطح صلب وانت قاعد تتسلي بتحاول تكبس علي هاي السطح بحيث انه تمرن راس الأصابع لهادا النوع من الضغط بالنهاية هي عضلات وللاام نمرنها بكل بساطة واهم شي مانكون قاسيين علي حالنا لإن ممكن تصير مشكلة نرجع بنذكر الأصابع مانكون كتير طويلة لحتي مايصير عنا صوت ويأثر علي اللحن من المعلومات اللي ممكن نحكيها ترقيم الأصابع اللي حكينا عنه واحد اتنين وتلاتة ممكن بعض الطلاب تبلش تربط اسم النوتة مع رقم الأصبع وهادا الشي غير صحيح يعني انا الدو اسمهم دو لكن الصبع اللي عم بعزف بيه رقم واحد ممكن بمقطوعة تانيه يكون الأصبع رقم تلاتة بس عندي الدو نفسها فا أنا كتير مهم انه اتبع الأرقام لحتي تساعدني اعزف بسهولة وسلاسة حكينا بكتير مقطوعات قبل هالمرة راح نحرك ايدنا للأعلي لحتي يكون في سهوله في الرصول للنوتا الأعلي لو ضليت متل ماانا الواحد عند االدو راح اواجه صعوبة لما اوصل عند سى او لعند الصول او لا فا شغلة الترقيم مختلفة عن تسمية النوتات بالإضافة للتمرين التمرين كتير مهم يعني بالأخير الأصابع هي عضلات لما احنا بنترك الرياضة بيرجع جسمنا يتعب نفس الشي أصابعنا لما بنتركها فترة طويلة من دون عزف راح ترجع تواجة صعوبة لما ترجع تعزف من جديد فا احنا اذا كل يوم حطينا وقت للتمرين عالمقطوعات اللي ادناها هادا الشي بيخلينا نتقدم ونتعلم اشياء مستوياتها أعلي مهم كتير اي مقطوعة بدنا نتدرب عليها نجرب تيمبو او سرعة بطيئة وشوي وشوي بنسرع التيمبو وبهادا الشكل بنكون اتمكنا من التكنيك بالأول وبعدين دخلنا بالسرعة والعزف او الإنطلاق بالعزف كتير طلاب بيحبو انه انا بدي اتعلم هاي المقطوعة وبدي أعزفها بسرعة ماتل ما أنا بسمعها وبتلاقيه هو مومتقن التكنيك فا بيوقع بكتير أخطاء تتشربك أصابعة مع بعض لأنه لسه مابيعرف وين المفاتيح المناسبة من الأخطاء كمان اللي ممكن نحكي عنها بتتذكرو لما حكين عن الشارب والدييز والبيمول اللي هما رفع نصف درجة وخفض نصف درجة وحكينا بإنه إحنا عنا بعد المفتاح وقبل الميزان ممكن ينذكر بعض النوتات اللي ممكن تكون دييز او بيمول وكتيرمهم انه هاي المقطوعة الموسيقية راح تكون لو افترضنا فا دييز فا معناتها كل الفا بالمقطوعة ديي وحكينا الا في حال طرق جمبها وجود علامة البيكار اللي هي إرجاع النوتة لوضعها الطبيعي طيب انا المازورة الواحدة نفترض انه انا كان عندي مازورة وفيها الصول ديي وبعدين انا كمان شوفت صول جمبها دييز وبنفس المازورة صول مافي جمبها دييز شو معناة هالحكي معناتة انه انا لال المازورة بضلني عم بعزف اصول دييز اول ما بخرج لمازورة بعدها اذا صادفتها راح ترجع صول طبيعية مافي داعي أحط بجانبها بيكار كتير مهم لما نعزف الأصابع تكون حرة يعني نفترض انا بدي (تعزف الأستاذة لونا التمرين).


كل أصبع أخد المفتاح الخاص فيه وأعطي حق للأصبع اللي بعده يعزف لحالة انا ماراح اعزف بهادا الشكل (تعزف الأستاذة لونا التمرين).


لأ مو لازم يكون الاتنين مكبوسين مع بعض (تعزف الأستاذة لونا التمرين) نحنا هلأ بدروسنا عم ناخد تمارين وبننتقل للدرس اللي بعده بيكون في معلومات جديدة وتمرين خاص فمن الضروري جدا ما ننتقل للدرس القادم الا ونحنا متمكنين من تمارين الدرس السابق نتدرب كتير منيح وبأيحية ومن غير تشنج وبننتقل بسلالسة للدرس اللي بعدة لحتي نكون عم نمشي يتسلسل صحيح ونكون عم نعزف بشكل سليم.


يعطيكم ألف عافية وبشوفكم بالدرس الجاي."