التعرف على معنى السكتة الزمنية , التعرف على أنواع السكتات الزمنية , كيفية رسم السكتات الزمنية بأنواعها.
لونا رفاعي:
"مرحبا معكم لونا رفاعي من اعزف دوت كوم.
درسنا لليوم راح يكون عن السكتات الزمنية اولا مفهوم السكتة الزمنية هي التوقف عن العزف بمعني انه راح يكون في عندي فترة من الصمت الها مقدار معين من الزمن متل ماعندي أنا فترة راح يكون فيها لحن معين لمدة معينة كمان راح يكون عنا توقف عن اللحن او توقف عن العزف لفترة محددة السكتات أنواع وتصنيفهم متل ماصنفنا النوتة حسب وحدتها الزمنية كمان راح نصنف السكتة حسب وحدتها زمنية وكل سكنة او كل نوع له طريقة رسم مختلفة عن الآخر.
أول اشي راح نبلش براس الشجرة اللي هو السكتة اللي راح يكون زمنها أربعة يعني لو حكينا حسب التيمبو للميترونوم لو بنرجع لعدد الضربات في الدقيقة ستين او لو قولنا انه الوحدة اللي منقيس عليها واحد بتكون السكتة الأولى أكبر سكتة لمدة أربعة طريقة رسمها بتكون علي السطر الرابع من السطر الموسيقي مستطيل متجة للأسفل متل مامبين عنا السكتة هي بتنقسم لنوعين من السكتات اللي هما كل واحدة زمنها اتنين طريقة الرسم نفس الشئ مستطيل لكن راح يكون موجود علي السطر التالت ومتجة للأعلي متل مامبين عنا وكمان كل ستة من اللي مقدارهم اتنين بتنقسم لسكتتين منها واحد رسمتها مختلفة بهادا الشكل.
وكمان في عنا السكتة اللي زمنها واحد بتنقسم لسكتتين زنص بنص شكلها بيشبة تقريبا الأربعة بالإنجليزي أو متل مانحنا شايفين تمرينا لليوم راح يكون للسكتات متل ما نحنا شايفين ننتبه كتير منيح انه راح نعد وطريقة العد راح نعطي السكتة إس نبلش (تعزف الأستاذة لونا التمرين).
هلأ كتير مهم ننتبة انه بنهاية المازورة احنا في عنا السكتة كانت زمنهابدنا تلاتة نوقف العزف فكيف عبرنا عنها اعطينا السكتة اللي كانت مقدارها واحد بعدين إجت بعدها السكتة يللي مقدارها اتنين فا بالتاي أنا صار عندي مجموع الكلي للسكتة يساوي تلاتة كتير ضروري نتمرن كتير منيح علي هادا التمرين ونحاول انه نعبر عن السكته بالإس مع العد.
يعطيكم الف عافيه وبشوفكم بدرسنا الجاي."
