معنى الصول الكبير يعني يبدء السلم من نوتة الصول , تطبيق معادلة السلم الكبير على سلم الصول , يوجد فا دييز في سلم الصول الكبير.

لونا رفاعي:

"مرحبا معكم لونا رفاعي من اعزف دوت كوم.

اليوم درسنا راح يكون تكملة للدرس الماضي البعد ونصف البعد اليوم راح نحكي عن سلم جديد غير دو الكبير اسمه سلم صول الكبير شو يعني سلم صول الكبير يعني أنا راح ابلش صعود النوتات من الصول مباشرة راح انتقل لعند الصول وبدي اطلع بالنوتات تدرج بنفس المعادلة اللي حكينا عنها المرة الماضية كتير مهم انه ننتبه هالأبعاد متل ماقولنا TTSTTTSبس يا هالتري راح يكون عندي كل النوتات من المفاتيح البيض ولا راح يواجهنا شي راح يكون مختلف خلينا نشوف مع بعض صول لا بعد (تعزف الأستاذة لونا التمرين) لا سى بعد (تعزف الأستاذة لونا التمرين)سى دو نصف بعد (تعزف الأستاذة لونا التمرين).

دورى بعد (تعزف الأستاذة لونا التمرين)رى مي بعد (تعزف الأستاذة لونا التمرين) عنا مى فا في بيناتهم اصلا نصف بعد لحتي نحنا حسب المعادلة نمشي راح نرفع للفا دييز وبنكون هيك حققنا بعد كامل من الفا دييز للصول نصف بعد(تعزف الأستاذة لونا التمرين)وبالتالي نحنا مشينا عالمعادلة بشكل صحيح بدنا ننتبه كتير منيح عنا احنا رفعنا السلم من الدو للصول وبالتالي انا راح تكون بدايتي متل ماحكينا بالبدية كيف بنعزف ترقيم الأصابع وطريقة ترتيب الأصابع لحتي نعزف بشكل مريح صول راح تاخد الأصبع رقم واحد وراح نمشي بنفس الترتيب واحد اتنين تلاته واحد اتنين تلاتة اربعة خمسة (تعزف الأستاذة لونا التمرين).

وبالتالي احنا مااحتجنا أبدا لنرفع إيدنا او لنعمل حركة مزعجة بتدايقنا بالعزف شو يعني سلم موسيقي واذا بتلاحظو في عنا لحن مشترك مابين (تعزف الأستاذة لونا التمرين).

هو لحن واحد لكن عم نطلع بيه للأعلي عم يت غير عندي مكان الإنطلاق باللحن مرة بلشت من عند الدو ومرة من عند الصول وبالتالي نحنا بنحافظ علي نفس اللحن عن طريق المعادلة اللي حكينا عنها اللي بساعدنا انه مايصير في نشاز او اختلاف باللحن للسلم الموسيقي هلأ في الفكرة اللي حكينا عنها لما شرحنا عن الدييز والبيمول بشكل عام بالدروس السابقة قولنا لما بيكون في عندي قبل المفتاح الموسيقي وبعد الميزان الموسيقي إشارات مذكورة دييز او بيمول نحنا بنستدل عليها بإنة كل نوتات الموجودة بالمقطوعة راح تنعزف حسب ما موجود يا اما بنرفع نصف درجة او بنخفض نصف درجة هلأ احنا لما بنشوف جي ماجور او صول ماجور راح يكون في عندي فا دييز(تعزف الأستاذة لونا التمرين).

ولما بنشوف عند المفتاح الموسيقي فا دييز انا مباشرة راح اعرف انه السلم اللي بنعزف عليه هو سلم صول الكبير وهادا بيسهل علينا بالعزف نرجع مرة تانية بدنا نعمل تمرين للسلم صول الكبير(تعزف الأستاذة لونا التمرين)نحاول هالمرة نعزفه من أوكتاف أوطي بالبيانو (تعزف الأستاذة لونا التمرين).هادا كان درسنا لليوم سلم صول الكبير يعطيكم العافية وبشوفكم بدرسنا الجاي."