شرح معنى الوصلة الموسيقية و ما وظيفتها , توضيح الفرق بين الرابط و الوصلة الموسيقية , شرح رمز التكرار بالتفصيل.
لونا رفاعي:
"مرحبا معكم لونا الرفاعي من فريق اعزف دوت كوم.
واليوم راح نكمل الدروس والتعابير الموسيقية اليوم راح نحكي عن التاي اللي هي وصلة موسيقية بتوصل نغمتين من نفس النوع او نوتتين من نفس النوع مع بعض وبنجمع الزمن مرة واحده عنا مثال مثلا احنا شايفين في عندي دو (تعزف الأستاذة لونا التمرين) وبعدين دو (تعزف الأستاذة لونا التمرين).
من غير الوصل الموسيقية انا فيني اعزفهم (تعزف الأستاذة لونا التمرين) لكن لما بحطلهم وصلة موسيقية لازم اجمع الزمن وبنضغط مرة واحدة علي المفتاح (تعزف الأستاذة لونا التمرين).
من دون ماارفع ايدي هلأ كتير مهم انه مانلخبط مابين التاي والرباط الموسيقي لأنه الرباط كان عندي فيه نوتات مختلفة انا هون عندي الشرط الأساسي للوصلة الموسيقية او الاتي هو نوع النوتة يكون مشترك نفس نوع النوتة دو دو رى رى او باقي النوتات لكن الوصلة عندي اختلاف بانواع النوتات هي فكرتها انه انا اعزف بشكل متصل وفي رمز ممكن يظهر عنا كمان بالمقطوعة الموسيقية.
اذا بنلاحظ عنا خطين بجنب بعض عموديان قبل هالمرة حكينا انه الخطين هادول بيعبرو عن نهاية المقطوعة الموسيقية لكن اذا كان عندي مع الخطين في مرافق نقطتين علي اليمين او الشمال شو معناة هادا الحكي هادا الرمز معناتة الإعادة يعني بدي أعيد الجملة الموسيقية طيب في سؤال بيجي انا من وين بدي أعيد وبالتحديد أي جملة موسيقية بدي أعيد هلأ بداية شرط اساسي لازم يكون عندي رمزين هادول الرمزين اللي بيناتهم من لمازورات لازم ينعاد فانفترض متل مااحنا عنا الرمز عندي النقطتين على يمينة بضلني أنا متبعة لحد مااشوف رمز متلة بس مراية يعني النقطتين صارو عالشمال من الرمز الأولاني للتاني كل هادا راح نعيدة مرة تانية طيب اذا انا بلشت النوتة وعزفت وومرق عليا أي رمز اعادة نقطتين لليمين بس صادفت رمز الإعادة النقطتين للشمال معناتها انا من وين بدي أعيد لازم اعيد من بداية المقطوعة الموسيقية لحد مااصادف هادا الرمز وبالتالي.
هاي كمان معلومة كتير مهمة انه انا ممكن اذا بدي اعيد من بداية المقطوعه الموسيقية مافي داعي أحط رمز الإعادة بيكفيني احط الرمز المقابيلة لحد مااانا بدي اوقف واعيد هادا كان درسنا لليوم عن الوصلة الموسيقية ورمز الإعادة يعطيكم العافية."
