شرح درجات قوة الصوت أثناء العزف و ترتيبها , شرح رموز التدرج في تغيير قوة الصوت أثناء العزف , شرح أنواع السرعات في المقطوعات الموسيقية.
لونا رفاعي:
"مرحبا معكم لونا الرفاعي من فريق اعزف دوت كوم.
اليوم راح نتابع درسنا عن التعابير والرموز الموسيقية اليوم نوعا ما مختلف راح يكون الرمزو اللي راح تعطينا الإحساس بالمقطوعة كيف نحنا نحس بشي حزين أو مفرح أو قوي او كئيب او جدي.
هادا الإحساس بيجي من خلال بعض الرموز اللي راح نشوفها خلال النوتة بداية في عنا تسلسل لقوة العزف التدرج من ناحية القوة بالعزف كمان بيمشي علي سلم بداية راح نحكي عن بيانو البيانو باللغة الإيطالية معناتة المنخفض او العزف بصوت منخفض فالبتالي راح يكون عنا هون تدرج بقوة العزف حكينا عن البيانو اللي أعلي منه هو ميدزو بيانو وممكن نذكر انه الأخفض من هو البيانيسمو بعد الميدزو بيانو بييجي الفورتى واللي أعلي منها هي الفورتيسيمو واللي أقل منها ميتزوفورتي يعني العزف باعتدال عندي كمان في رمز مهم بيمرق علينا اللي هو سهم هادا السهم احيانا اتجاهه لليمين او للشمال شو معناتة هادا السهم احنا بيصير عنا عزف بالصوت ممكن انه ينخفض تدريجيا او يرتفع تدريجيا أكيد كلنا بنتذكر رمز الأكبر والأصغر اللي كنا بناخدة بالرياضيات هلأ لو بنيجي نحكي شو يعني الرمز اكبر يعنا الإتجاه نحو رأس السهم رمز السهم هادا لما بنشوفة معناته ان انا راح يصير في عندي تدرج في الصوت الموسيقي لو عندي الرمز أكبر اذا الصوت راح يرتفع تدريجيا والرمز أصغر الصوت راح يوطي او ينخفض تدريجي نجرب نطبق اللي هلأ تعلمناة من ناحية بيانو او فورتى والتدرج بالصوت صعودا وهبوطا أول شي راح نجرب بيانو وفورتى راح نعزف بيانو (تعزف الأستاذة لونا التمرين).
فورتى (تعزف الأستاذة لونا التمرين)الصوت أقوي وزي مااحنا شايفين عنا البار الأول بيانو (تعزف الأستاذة لونا التمرين)والبار التاني فورتى والرموز اختلفت من البار الأول للتاني هلأ نجرب التدرج علي السلم الموسيقي راح يكون في عندي هلأ اشارة اكبر يعني راح يرتفع الصوت تدريجيا (تعزف الأستاذة لونا التمرين).
وعنا اشارة الأصغر يعني عم ينخفض تدريجيا (تعزف الأستاذة لونا التمرين).كتير مهم انه ننتبه لما انا بعلي او اوطي انه انا مراح ابطئ او اسرع التيمبو او سرعة العزف مختلفة عن درجة صوت العزف هادا شي كتير مهم انه نفرق بيناتهم هلأ كمان موضوع كتير مهم نعرفه انه التعبير الموسيقي بشكل عام للجملة الموسيقية او للمقطوعة الموسيقية هادي التعابير بتعتمد اعتماد كتير مهم علي الميترنوم سرعة العزف هي اللي بتحسسنا انه اذا كان مفرح مبهج سريع او بطئ منبلش من اللارجو اللارجو سرعتة علي الميترنوم من اربعين لستين يعني انا راح يكون في عندي من ارعين لستين ضربة في الدقية الواحدة وراح نحس ببطئ بالعزف الأداجيو راح يكون من ستة وستين لستة وسبعين راح يكون في نوع من العزف التمهل يعني هو ماراح يكون بطئ متل اللارجو لكن في تمهل أندانتي هو من الستة وسبعين لمية وتمانية وفيه تأني بالعزف وموديراتو من مية وتمانية للمية وعشرين بنحس انه السرعة متوسطة فيه بالعزف وبعدين أليجريتو بين مية واتناش للمية وعشرين وفية سرعة نسبية وآخر شي هو البريستو بين المية تمنية وستين للميتين ضربة خلال الدقيقة هاي المصطلحات كتير بتساعدنا ليوصلنا اللحن بالشعور الصحيح لألة وبيعمل اختلاف بالمقطوعات الموسيقية هادا كان نهاية درسنا للموز والتعابير الموسيقية يعطيكم الف عافية وبشوفكم بدرسنا الجاي."
