مراجعة جميع المعلومات في الدروس السابقة , التعرف على كيفية كتابة النوتة إذا كانت في مفتاح الصول أو مفتاح الفا.
لونا رفاعي:
"مرحبا أنا معكم لونا رفاعي من فريق اعزف دوت كوم.
واليوم درسنا راح يكون عن تمرين شامل عن كل شي اخدنا مسبقا عن الإيد اليمين والإيد اليسار وكيف بدنا نعزف هالمرة بالإيدين مع بعض.
في بعض الملاحظات كتير مهمة قبل مانبلش بالتمرين انه لما بدنا نعزف بالإيدين لازم علي طول مهيأين الأيدين عالبيانو متل ماتعلمنا قبل لا منبسطة ولا كتير منحنية بهادا الشكل بتخيل حالي ماسكة طابة بإيدي وحاطة ايديا عالبيانو تاني شئ اليوم تمرينا ماراح يكون اعلي من الصول فابتالي احنا مو بحاجه لأي تجاوزات بين الأصابع وبالتالي نحنا عنا من الواحد الأصبع رقم واحد للأصبع رقم خمسة تسلسل طبيعي هلأ اذا لاحظنا كان في عنا بالنوتات اللي بمفتاح صول سطر الإيد اليمين علي طول كان في عندي العصاية بتيجي علي يمين النوتة وللأعلي لما بنحكي عن مفتاح فا نحكي عن انه العصاية بتيجي علي شمال النوتة وللأسفل بالنسبة لأول سلم بمنتصف البيانو نزولا (تعزف الأستاذة لونا التمرين).
راح نبلش بالتمرين ي مانتو شايفين قدامكم في عنا الميزان الموسيقي اربعة علي أربعة وبنتكر كتير منيح انه كان أربعه علي أربعة معناتها انا عندي أربع نوتات من نوع النوتة السوداء في كل مازورة أو مايعادلها تنين بيضاء واحده مستديرة او تمانية من ذات السن.
راح نشوف بهادا التمرين نبلش ماورة ماورة قرائة نوتة وتطبيق وكتير مهم انه نبلش بهاي المرحلة مانعتمد علي رقم الأصبع نعتمد علي موقع النوتة لأن في بعض الأحيان ممكن يكون رقم الأصبع مو مماثل لمتل ماتعلمنا بالبداية انه دو رى مى يعني واحد اتنين تلاتة منبلش بأول مازورة (تعزف الأستاذة لونا التمرين)كل نوتة أخدت زمن واحد فمجموع الأزمان يساوي أربعة ناخد المازورة التانيه(تعزف الأستاذة لونا التمرين).
المازورة التالتة بإيدي الشمال (تعزف الأستاذة لونا التمرين)نعزف السطر الأول من البداية (تعزف الأستاذة لونا التمرين)نشوف السطر التاني ناخد مازورة الأولي (تعزف الأستاذة لونا التمرين)نفس الشي دو ري مي صول (تعزف الأستاذة لونا التمرين).
المازورة التانية فا مى رى دو (تعزف الأستاذة لونا التمرين)المازورة التالتة سي صول لا سى صول لا سى (تعزف الأستاذة لونا التمرين)والمازورة اللي بعدها دو اتنين تلاتة أربعة (تعزف الأستاذة لونا التمرين)الدو هون اخدت اربعة وكانت لحالها بالمازورة اللي بعدها راح يصير في عنا رى دو رى اتنين دو رى اتنين(تعزف الأستاذة لونا التمرين) المجموع أربعة المجموعة اللي بعدها مى رى مى اتنين مى رى (تعزف الأستاذة لونا التمرين)نعزف السطر التاني من البداية (تعزف الأستاذة لونا التمرين).
منروح للسطر التالت أول مازورة فا مى رى دو (تعزف الأستاذة لونا التمرين)أربعة المازورة اللي بعدها رى اتنين تلاتة أربعة ماخدة المازورة كاملة مستديرة زمنها أربعة(تعزف الأستاذة لونا التمرين) المازورة اللي بعدها (تعزف الأستاذة لونا التمرين) اللي بعدهافا مى رى دو (تعزف الأستاذة لونا التمرين).
بعدين سى صول لا سى دو اتنين تلاتة أربعة (تعزف الأستاذة لونا التمرين)نجرب نعزفها كاملة من البداية للنهاية (تعزف الأستاذة لونا التمرين)هادا كان تمرينا لليوم اللي هو العزف بالإيد اليمين والشمال مع بعض ونشوفكم بدرسنا الجاي."
