التعرف على علامة زمن الميزان الموسيقي وأشكالها , التعرف على المازورة , التعرف على دلالة الارقام في البسط و المقام في علامة الزمن و شرحها.
لونا رفاعي:
"مرحبا أنا معكم لونا رفاعي من اعزف دوت كوم.
اليوم درسنا راح يكون عن الميزان الموسيقي الميزان الموسيقي لو بنشوف قبل مرق علينا النوتات قرائة النوتات والسطرالموسيقي.
بداية كان في عندي رقم او رقمين فوق بعضهم أربعة علي أربعة شو معني أربعة علي أربعة أو تلاتة علي أربعة أو اتنين علي أربعة هادول التلات موازين اللي راح نشوفهم خلال الكورس بداية الموضوع لما حكينا عن السطر الموسيقي فية خطوط بتمرن علينا عمودية هاي الخطوط بتقسم عندي اللحن لأقسام.
يعني نفترض انه أنا عم بحكي هادا الحكي هلأ حكيتة كلة الدرس وانا عم بسحبة سحبة واحدة من دون هاي الفواصل بالكلام راح يكون الكلام غير مفهوم وبتالي نفس الشي اللحن غير مفهوم هلأ مابين الخط العمودي والخط هادا بنعبر عنة بالمازورة طيب المازورة كل واحدة راح يكون لها مجموعة من النوتات الموسيقية بس أنا علي اي أساس بدي أعطي كل مازورة حقها من هاي النوتات الموسيقية في عندي بنرجع لمتل ماقولنا قبل أول الميزان الموسيقي الميزان رقمين ليش رقمين الرقم اللي فوق تحت والرقم اللي تحت مربوطين ببعضهم بطريقة جميلة انه الرقم السفلي هو بيخبرني أنا شو نوع الوحدة يللي بقدر أستعملها خلال هاي النوتة شو يعني نوع الوحدة.
لو بنتذكر الدروس اللي قبل حكينا عن المستديرة حكينا عن البيضاء والسوداء وذات السن لما أنا بشوف رقم أربعة معناتها أنا راح أستعمل النوتة الموسيقية سوداء نرجع للرقم اللي فوقة بيعبرلي عن عدد الوحدات يعني أنا كم سوداء بدي أحط في كل مازورة ملا عندي أربعة معناتها انا كل مازورة راح يكون فيها أربعة من السوداء أو مايعادلها شو يعني مايعادلها يعني أنا بقدر أحط اتنين بيضاء بقدر أحط بالمازورة واحدة مستديرة طيب أو نرجع نحكي كمان ذات السن كل تنتين ذات السن بيعبرولي عن واحدة سوداء فابتالي انا ممكن احط تمانية من ذات السن بالمازورة الواحدة طيب هلأ احنا حكينا أربعة علي أربعة طيب في حال اتغير عندي الرقم الموجود بالبسط.
يعني صار عندي تلاتة علي اربعة نحنا لسة عندنا الرقم اللي تحت ثابت اللي هو معناتها نوع الوحدة راح تكون السوداء لكن الرقم اللي فوق اتغير معناتها انا كم سوداء راح يكون ضمن كل ماورة تلات سوداء او مايعادلها يعني ممكن نحكي بيضاء وسوداء بيساوي تلاته نيجي علي اتنين علي أربعة أنا عندي مازال المقام ثابت واتغير الرقم البسط صار اتنين وبتالي أنا بيكون عندي بكل مازورة السوداء لكن عدد السوداء راح تكون بكل مازورة اتنين أو مايعادلها متل البيضاء فا احنا عنا بنرجع بنأكد انه المقام بيعبرلي عن نوع النوتة يللي راح تنذكر بكل مازورة أو مايعادلها والرقم البسط راح يكون كم عدد النوتات من هادا النوع اللي هو مثلا السوداء لو بنحكي عن كوازين أخري متل انه المقام اتغير عند الرقم وصار مثلا تمانية او المقام صار اتنين نيجي علي التمانية لما بنشوفها بالمقام معناتها مباشرة بإنه نوع الوحدة راح تكون ذات السن وبنرجع نطلع عالرقم اللي فوق علي سبيل المثال كان في عندي أربعة علي تمانية معناتها هو هون كل مازورة راح يكون فيها أربعة نوتات من ذات السن أو مايعادلها.
نفترض انه كان في عندي الميان أربعة علي اتنين راح أول شي نطلع علي المقام بدنا النوتة نوعها راح تكون بيضاء وعدد البيضاء راح يكون حسب الرقم اللي فوق أربعة فا بتالي فالمازورة الواحدة راح يكون في عندي أربعة من البيضاء هلأ راح نعمل تمرين وراح نشوف كيف ميزان أربعة علي أربعة وكل مازورة كيف راح تاخد أربعة من السوداء أو مايعادلها (تعزف الأستاذة لونا التمرين).
يعطيكم العافية بنشوفكم بالدرس الجاي."
