التعرف على ال tempo أو سرعة العزف , التعرف على الميترونوم و أهميته , عزف الأشكال الإيقاعية مع الميترونوم سرعة 60.
لونا رفاعي:
"مرحبا أنا لونا رفاعي من فريق اعزف دوت كوم واليوم درسنا راح يكون عن أنواع النوتات بالتفصيل بالنسبة للوحدات الزمنية.
بالدرس السابق ذكرنا انه في عندي المستديرة زمنها اربعة والبيضاء زمنها اتنين والسوداء زمنها واحد وذات السن زمنها نص وحكينا كيف هما مربوطين مع بعض بشكل شجرة كل واحدة الها علاقة مع التانية اما ضعفها او نصفها اليوم راح يكون درسنا عن المستديرة والبيضاء المستديرة حكينا زمنها أربعة بشكل عام راح نحكي بداية عن السرعة بالعزف يعني أنا بدي أدخل شو يعني أربعة ممكن يكون أربعة سريع ولا بطئ.
لأ في شي عندي اسمه التيمبو سرعة العزف يللي راح نحكي فية بهادا الكورس السرعة متل الساعة انا عندي الدقيقة هي عبارة عن ستين ثانية لو كل واحد فينا مسك ساعتة وقربها علي ودنة راح يسمع تك تك تك تك فا أنا كل ثانية عندي بتمرق بتاخد فترة زمنية ثابتة بينها وبين الضربة يللي بعدها.
فا لو بدنا نيجي نحكي عنا التيمبو كان بيساوي ستين أو السوداء بتساوي ستين يعني أنا كل واحد بيساوي عندي واحد ثانية كأني تماما ماشية علي نظام الساعة هلأ حكينا عن التيمبو اللي احنا راح نمشي علية أو السرعة اللي راح نمشي عليها بس لازم نعرف كمان انه ليست السرعة الوحيدة اللي بنعزف علي طول فيها في شي اسمة الميترنوم هو محدد للسرعة بس بسرعات مختلفة لو بيكون عندي أنا مجموعة كاملة متكاملة عم تعزف أو مجموعة جنود عم بيبمشو مع بعض لازم كلهم يمشو علي نفس الدقة فا كيف بدهم يمشو علي نفس الإشي.
في شئ منظم ممكن يكون عندي الميترنوم فية سرعات مختلفة ممكن يكون في عندي سرعة غير الستين ممكن يكون في مية وسبعين ومية واتنين وسبعين ممكن يكون في عندي تلاتين اللي هو كتير بطئ فا كل مابيصير عندي أعلي الرقم اعلي كل مابيصير عندي سرعة اكتر أنا عم بكون بأدي الأداء الموسيقي بسرعة أكبر وبتالي هو اللي بيمسك كل المجموعة مع بعض وبيكون في عندي توافق بالعزف مابين الجميع.
الميترنوم سابقا كان بهادا الشكل ولحد هلأ ممكن نلاقي كتير موسيقيين بيستعملوه عبارة عن عصاية ومعاها قطعة مستطيله لها وزن ونحنا منعيرها انه بنطلع وننزل فيها حسب الرقم المطلوب وعلي هادا الأساس بيصير عندي السرعة بتزيد أو بتنقص.
هلأ هالأيام في شي اسهل لنا وأكتر مرونة اللي هو ننزل أبليكيشن تطبيقات علي الموبايلات تابعيتنا او حتي لو عندك آي باد أو اي شي ممكن انت تنزل علية الميتر نوم ونفس الشئ بتعير علية اديش بدك السرعة وعلي هادا الساس بتعزف المقطوعة فلو نجرب نحن حسب التيمبو اللي عم نحكي عنه ستين راح نسمع تماما متل الساعة راح نجرب كيف المستديرة راح تاخد أربعة بالنسبة للتيمبو الستين (تعزف الأستاذة لونا التمرين).
بهادا الشكا أخدت اربع ثواني لو بدنا نشوف هل البيضاء ادية راح تاد وقت حسب مااحنا بنعرف البيضاء المفروض نص المستديرة اللي هي اتنين راح تاخد معنا (تعزف الأستاذة لونا التمرين).
خلينا نجرب هلأ كيف ممكن نطبق الزمن علي النوتات (تعزف الأستاذة لونا التمرين)لو بنجرب نعف دو رى مى لكن بزمن البيضاء (تعزف الأستاذة لونا التمرين)بهادا الشكل راح يكون تمرينا كيف بدنا نجرب هلأ نعزف نقرا نوتة ونطبق الزمن حسب نوع النوتة فا راح نشغل الميترنوم وراح نعزف شي بسيط (تعزف الأستاذة لونا التمرين).
هادا كان درسنا المستيرة والبيضاء بنشوفكم بدرسنا الجاي."
