مراجعة معظم المعلومات في الدروس السابقة, كيفية كتابة نوتات ذات السن إذا كانوا أكثر من نوتة متتالية , التعرف على الخطين الموجودين في نهاية كل مقطوعة و معناها.
لونا رفاعي:
"مرحبا أنا معكم لونا رفاعي من فريق اعزف دوت كوم.
اليوم راح يكون عنا تمرين بيشمل كل المعلومات اللي ادناها سابقا وراح نطبق هلأ فكرة المازورة والنوتات راح نعزفها مازورة مازورة.
وبدنا ننتبه كتير منيح للميزان بشو نوع الوحدة اللي راح نستعملها كم عدد الوحدات خلال كل مازورة النوتة متل ما ظاهرة عندكم اللي راح اليوم نتدرب عليها راح نبلش مازورة مازورة بداية عنا بدنا ننتبة للميزان منيح انه هو أربعة علي أربعة نرجع بنذكركم انه الرقم بالمقام بيعبرلي عن شو نوع الوحدة في كل مازورة والرقم اللي بالبسط عدد الوحدات اللي راح تكون بكل مازورة او مايعادلها يعني احنا راح يكون السوداء اربعة من السوداء او مايعادلها منشوف بالمازورة الأولي راح يكون في عنا دو رى الدو زمنها راح تكون بيضاء زمنها اتنين والرى زمنها اتنين وبالتالي مجموعهم أربعة فاكيف راح نعزف المازورة الأولي (تعزف الأستاذة لونا التمرين).
منشوف المازورة التانية صار في عنا أربع نوتات كل واحدة منهم سوداء وبالتالي احنا حققنا اللي مذكور بالميزان بانه أنا في عندي أربعة من السوداء كيف راح يكون طريقة عزفهم (تعزف الأستاذة لونا التمرين).
بنجي عالمازورة التالتة اللي راح يكون انه بنرجع لنفس الفكرة انه انا في عندي نوتتين اتنين كل واحدة بيضاء وبالتالي مجموعهم بيساوي أربعة كيف طريقة عزفهم(تعزف الأستاذة لونا التمرين)نجي عالمازورة اللي بعدها راح يكون في عندي نفس الشي (تعزف الأستاذة لونا التمرين).
هلأ بالمازورة اللي بعدها راح نلاحظ في شغلة انه في عندي نوتتين مشبوكين مع بعضهم هادول اللي هما ذات السن ذات السن لما بيتكرروا اكتر من مرة من الصعب انه انا ارسمهم بالنوتة كل واحدة مع الديل مثلا كل نوتة مع الديل انه راح تصفي مزعجة بصريا ممكن تكون صعبة للقرائة فا بالتالي صار في اسلوب اسهل بأني اشبكهم اعطيهم متل جسر او خط بيربط كل تنتين مع بعض او كل مجموعة مع بعض وهادا الخط لما بنشوفه بنعرف انه نوع النوتة هو ذات السن اللي زمنها نص كيف راح نعزف هاي المازورة (تعزف الأستاذة لونا التمرين)مرة تانية(تعزف الأستاذة لونا التمرين).
وآخر مازورة اذا بنلاحظ في عنا دو مستديرة راح تاخد زمن أربعة (تعزف الأستاذة لونا التمرين)كتير مهم اذا لاحظتو بهاي النوتة نحنا مااضطرينا انه نعزف متل ماعزفنا السلم الموسيقي(تعزف الأستاذة لونا التمرين)ترتيب الأصابع لأنه انا ماكان في عندي أبدا حاجة إني أطلع لأكتر من الصول فبالتالي بكتفي بأول خمس أصابع ومافي اضطرار نعمل تجاوزات للأصابع متل (تعزف الأستاذة لونا التمرين)فبالتالي (تعزف الأستاذة لونا التمرين).
بهادا الشكا أنا بكتفي بنهاية كل مقطوعة لحتي نعبر بنهاية المقطوعة بنحط خطين متكررين جمب بعض متل ما شايفين عنا راح نعزف المقطوعة من بدايتها لنهايتها بالبداية من غير ميترنوم وبعدين بالميترنوم مع بعض نجرب (تعزف الأستاذة لونا التمرين)بنجرب مع الميترنوم راح نختار التيمبو سبعين بدال الستين اللي اتدربنا عليه قبل بالتالي انا راح يكون في عندي سبعيرن ضربة بالدقيقة الواحدة (تعزف الأستاذة لونا التمرين).
هادا كان أول تمرين مقطوعة بناخدها بتشمل كل المعلومات اللي أخدناها سابقا بتمني انه تدربو عليها منيح مع المن ويعطيكم الف عافية بشوفكم بالدرس الجاي."
