شرح معنى الجمله الموسيقية و تحديد مواقعها , شرح معنى الرباط الموسيقي legato و كيفيه عزفها , شرح معنى تقاطع اليدين و كيفيه تطبيقها , رمز R.Hاليد اليمنى / L.H اليد اليسرى.
لونا رفاعي:
"مرحبا انا لونا رفاعي من اعزف دوت كوم.
اليوم درسنا عن الرموز والتعابير الموسيقية راح نحكي عن كم تعبير كتير مهمين بيساعدونا لحتي نعزف بشكل أفضل بالدرس السابقة احنا ركزنا كتير منيح عالتكنيك وهلأ راح نعطي هاي التعابير دورها من حصصنا.
أول شي راح نحكي اليوم شو يعني جملة موسيقية هي متل مابفترض الشعر فيه سطر والسطر اللي بعده بيرد علية او اغنية بيكون في عندي مقطع او جملة الجملة اللي بعدها بترد عليها لكن كل واحده لحال راح اعطيكم مثال كتير بسيط مر علينا قبل مرة اغنية كلن عندن سيارات أول شي كنا نحكي كلن عندن سيارات وجدي عنده حمار هاي الجملة بيركبنا خلفة وبياخدنا مشوار الجملة التانية فعليا الأغنية مااكتملت ال بهالجملتين وصار في توقف بسيط بيناتهم بس كل جملة كانت متواصلة بمعانيهاولحنها (تعزف الأستاذة لونا التمرين)متل مانتبهان هون انا بين المقطعين صار في عندي توقف بسيط جدا هاي هي الجملة الموسيقية.
هلأ راح نحكي عن شي اسمة الرباط الموسيقي او الليجاتو اللي بيجمعلي تلات نغمات مع بعض مثلا لازم يعفهم بتواصل وبسلاسة طريقة عزفهم دايما في عندي مثلا دورى مى حركة الإيد كتير مهم ننتبهلها راح تكون بشكل قوس والنغمة الأولي راح تكون أعلي اشي والتانية متوسطة والأخيرة هادية بهادا الشكل (تعزف الأستاذة لونا التمرين).
كتير مهم ننتبة انه لما بشوف هالإشارة مااعزف بشكل متقطع مثلا(تعزف الأستاذة لونا التمرين)بحس كل نغمة مفصولة عن التانية لأ ضروري يكونو متواصلين مع بعضهم لحتي يأدو اللحن المطلوب (تعزف الأستاذة لونا التمرين).
كمان راح نحكي عن شي كتير مهم رمز ممكن يطرق علينا خلال المقطوعة الموسيقية اللي هو L.H اوR.H شو يعني RHراح يكون في عندي تقاطع باليدين اليمين تقاطع الشمال او العكس احنا بنعرف كتير منيح ببداية دروسنا انه اليمين بتطلع بالبيانو والشمال عم تنزل مامرق علينا متل هيك انه انا باللحن ايدي الشمال تبقي بهادا الموقع لكن كمان بدي أعزف شي بالأوكتاف الأسفل فا بالتالي الأيد اليمين راح تأدي هادا اللحن مثلا (تعزف الأستاذة لونا التمرين)ونفس الشي LH ايدي الشمال تقاطع ايد اليمين (تعزف الأستاذة لونا التمرين).
هادا كان درسنا لليوم عن التعابير الموسيقية اتدربو كتير منيح وبشوفكم بالحصة الجاية."
