التعرف على معنى الوحده المنقوطة , كيفيه معرفة الزمن للوحدات المنقوطة المختلفة.
لونا رفاعي:
"مرحبا أنا معكم لونا رفاعي من اعزف دوت كوم.
اليوم درسنا عن الوحدة المنقوطة شو يعني الوحدة المنقوطة.
نحنا بنتذكر كتير منيح تصنيفاتنا لللنوتات أنواعها حسب الوحدات الزمنية كان في عنا المستديرة أربعة كان في عنا البيضاء اتنين كان في عنا السوداء واحد وذات السن نص هلأ ممكن في عنا التقسيمات مو بس تكون عبارة عن أعداد صحيحة اة كسور متل النص.
الوحدة المنقوطة هي عبارة عن وحدة زمنية مقدارها عبارة عن النوتة متل مامرسموة مثلا عندي البيضاء اتنين بجانبها نقطة النقطة هي عبارة عن نصف الوحدة الزمنية نصف من هاي الوحدة الزمنية مضاف لها يعني مثال نعنا عنا البيضاء اتنين لو كان في عندي بيضاء منقوطة بيكون زمنها اتنين زائد نصفها نصفها يساوي واحد وبالتالي تساوي تلاتة.
لو كان في عندي مثلا السوداء المنقوطة زمنها يساوي سوداء واحد ونصفها زائد نصفها اللي هو نص وبالتالي بتساوي واحد ونص هلأ بدنا نحكي عن شغلة كتير مهمة طريقة العد هلأ احنا اتعلمنا انه واحد اتنين تلاتة أربعة بهادا الشكل طب في حال كان عنا ذات السن واللي هي بنعتبرها نص كيف راح يصير العد اذا بنمشي علي واحد اتنين تلاتة أربعة يعني راح يصير في لبكة وسرعة زايدة ماراح يكون سلس بي العد احنا من الأساس في طريقة العد عنا وان تو ثري فور.
هلأ احنا اذا انتبهنا عنا نطلع بإيدنا من بداية الإيقاع يعني انا عندي وان طلعت لفوق تو بدنا نذكر انه الوان فيها اتنين ذات السن فا انا فيني اعبر هلأ بكلمة اضافية اللي هي آند نحكي وان آند تو آند ثري آند فور آند نحنا كملنا الأربعة تماما الأربعة يللي فيها تمانية من ذات السن خلينا نتذكر السيوداء المنقوطة اللي زمنها عبارة واحد ونص طريقة عد السوداء المنقوطة بهادا الشكل وان آند تو ماطلعت بتو وقفت عندي واحد آند نص لو نجرب نسمع كيف الفرق مابين نوتة البيضاء والبيضاء المنقطوة (تعزف الأستاذة لونا التمرين)لو جربنا دو سوداء (تعزف الأستاذة لونا التمرين) لو سوداء منقوطة (تعزف الأستاذة لونا التمرين).
قبل مانوصل للمن اتنين نرفع ايدنا فا بتكون وفت الزمن واحد ونص النقطة دايما بتيجي علي يمين النوتة سؤاء كانت بمفتاح صول او بمفتاح فا علي يمين النونتة لحتي تعبرلنا عن فكرة الزمن المضاف راح ناخد تمرين عن الوحدات المنقوطة باليمين وبالشمال المقطوعة يللي راح نعزف عليها اليوم اذا بننتبة للميزان الموسيقي في عنا تلاتة علي أربعة يعني كل مازورة راح يكون فيها زمن مجموع زمن تلاتة او بدنا نحكي نحنا النوع السوداء تلاتة سوداء او مايعادلها زي مثال علية البيضاء المنقوطة بالتمرين هادا راح نعزف علي تيمبو سبعين وبالإضافة انه راح يكون عنا فقط البيضاء المنقوطة السوداء المنقوطة راح تيجي معنا بتمارين بالمستوي القادم نبلش (تعزف الأستاذة لونا التمرين).
بهاي المقطوعة بالإيد الشمال راح نوصل للمى والرى من السلم من الأسفل فابتالي نحنا راح ننقل ايدنا بحيث انه راح نبلش بالأصبع التالت مى (تعزف الأستاذة لونا التمرين).
يعطيكم العافية بنشوكم بدرسنا الجاي."
