التعرف على ترقيم الأصابع في اليد اليمنى و اليسرى , التعرف على ترتيب الأصابع في السلم الموسيقي صعوداً و نزولاً , تمرين 2.1 عزف اليد اليمنى صعوداً و اليد اليسرى نزولاً على السلم الموسيقي.
لونا رفاعي:
"مرحبا اهلا وسهلا فيكم بالدرس التاني لكورس البيانو أنا معكم لونا رفاعي من فريق اعزف اليوم.
راح نحكي بشكل عام عن سلم الموسيقي وترتيب الأصابع وطريقة ترقيم الأصابع صعودا ونزولا بداية الموضوع أنا بيهمني كتير أعرف كيف التسلسل للأصابع عنا هاي الإيد ياهل تري أنا ببلش رقم من هادا الأصبع ولا من هادا الأصبع فا كتيرمهم انه نعرف أول اصبع هو اول واحد راح يكون الإبهام (تعزف الأستازة لونا التمرين).
هلأ متل ماشايفين عندكم واحد اتنين تلاته أربعة خمسة بداية من الإبهام نبدأ من عند الدو الدو بتاخد رقم الأصبع واحد الرى هتاخد اتنين مى راح تاخد تلاته هلأ لو حاولنا نكمل أربعة خمسة صار في عنا هون انه الأصابع انتهت وراح نواجه صعوبة انه نكمل السلم الموسيقي بهادا الشكل وضعبة الإيد بهادا الشكل راح تعمل عنا مشكلة وتأخر بتسلسل السلم الموسيقي فاكان من الأفضل انه نعطي الترقيم التسلسلي بهادا الشكل (تقرأ الأستاذة لونا قرائة ايقاعية ).
فابالتالي صار عنا ترتيب الأصابع واحد اتنين تلاته واحد اتنين تلاته أربعه خمسة نحنا حكينا بداية عن الصعود بالسلم الموسيقي كيف لو بدنا ننزل بالسلم الموسيقي (تعزف الأستازة لونا التمرين).
بالنزول راح نروح للدو اللي أعلي ونعطيها الأصبع رقم خمسة (تعزف الأستازة لونا التمرين)ننهي للأصبع رقم واحد ونرجع تلاتة اتنين واحد (تعزف الأستازة لونا التمرين)فابتالي بالنزول راح يصير عنا ترتيب الأصابع خمسة أربعه تلاتة اتنين واحد تلاتة اتنين واحد وبالتالي راح تكون عنا طريقة العف أسهل (تعزف الأستازة لونا التمرين) مهم كتيركمان نفرق انو أنا لما كون عم اطلع بالسلم الموسيقي واحد اتنين تلاتة (تعزف الأستازة لونا التمرين)راح يكون عندي الأبهام بهادا الشكل راح نمرقة لعند الفا بالتالي بنرجع بنعيد واحد اتنين تلاتة واحد بسلاسة (تعزف الأستازة لونا التمرين).
رقم تلاتة ماراح يضل عنا بمكانة لازم نرفع نبدل الأصابع بهادا الشكل مشان مايخلق عنا عائق بالحركة بنرجع بنعيد مره تانية واحد اتنين تلاتة بهادا الشكل (تعزف الأستازة لونا التمرين)مباشرة برفع ايدي (تعزف الأستازة لونا التمرين)والنزول راح يكون عبارة عن (تعزف الأستازة لونا التمرين).
بهادا الشكل راح نعبر فوق الأبهام بالأصبع التالت (تعزف الأستازة لونا التمرين)راح يكون تمرينا لليوم صعود ونزول منبلش تدريجيا بزمن بطئ (تعزف الأستازة لونا التمرين)لحتي نتمكن من وضعية الأصابع شوي شوي كل ما بنتمكن بنبلش نزيد بالسرعة (تعزف الأستازة لونا التمرين).
لو منحاول كمان نجرب بسلم أعلي أول شي لازم نميز وين موقع الدو بالنسبة لسلم أعلي متل ماحكينا بالدرس السابق بنروح نشوف وين في عنا اتنين سود (تعزف الأستازة لونا التمرين)ونفس الحركة (تعزف الأستازة لونا التمرين)هل بدنا نحكي عن الإيد الشمال هي جزء جدا أساسي باللحن الموسيقي بالبيانو نحنا لو بنطلع علي ايدينا بشكل عام راح نشوف انه هما مراية بعض وبالتالي احنا راح نتعامل كأنة في مراية ونفس الأسلوب اللي اتعاملنا فيه مع اليمين راح نتعامل معه بالشمال في شي كتيرمشترك كتير مهم نعرفه اللي هو الإبهام راح ياخد نفس النوتة اللي هو دو فبتاللي احنا عنا الدو البداية (تعزف الأستازة لونا التمرين).
راح ننزل بالسلم اللي أوطي من هادا السلم اللي احنا عم نتعامل معه اللي هو منتصف البيانو فا راح نروح (تعزف الأستازة لونا التمرين)فا اذا بنشوف الإيد الشمال راح بنبلش واحد اتنين تلاتة واحد اتنين تلاتة اربعه خمسة وبالرجعة راح يكون في عنا خمسة اربعة تلاته اتنين واحد تلاتة اتنين واحد نفس الإيد اليمين لكن كأنة انا عم بشوف بمرايه (تعزف الأستازة لونا التمرين).
نحاول نعزفهم مع بعض بدو يكون عنا تركيز عالي راح نمشي بمن بطئ لحتي مايصير عنا لخبطة (تعزف الأستازة لونا التمرين)بالأخير الأصبع رقم واحد بالإيد اليمين والشمال التقو عند نفس النوته اللي هي دو.
يعطيكم العافية نشوفكم بالدرس التالت."
