شرح فكرة إشارة التكرار , التركيز على ترقيم الأصابع.
لونا رفاعي:
"مرحبا انا معكم لونا رفاعي من فريق اعزف دوت كوم.
اليوم درسنا راح نحكي فيه معلومة جديدة وراح نعزف مقطوعة للست فيرو اللي هي تك تك تك يا أم سليمان متل مااحنا شايفين في عنا بالمقطوعة عنا رمز بنهاية المقطوعة اللي هو خطين عموديان وجمبهم نقطتين وبداية المفطوعة كمان فيها هادوال الخطين وجمبهم عاليمين نقطتين معنا هادا الرمز التكرار يعني انا مابين هادول الخطين راح ارجع عيد مرة تانية من عند الخط او من عند الرمز الأول والرمز التني بنرجع بنعيد مرة تانية مابينهما هلأ راح نبلش بالمازورة الأولي طريقة وضعية الأصابع كتير مهم ننتبه الدو راح تاخد واحد الفا هالمرة ماراح تاخد اربعة راح تاخد اتنين لانه انا راح اعزف نوتات عالية شوي راح يكون اسهلي اختار رقم اتنين للفا عنا بالإيد الشمال بهادا الشكل راح ناخد الدو (تعزف الأستاذة لونا التمرين).
نفس الشي دو مع الفا خمسة مع اتنين(تعزف الأستاذة لونا التمرين) هلأ اول مازورة راح يكون عنا باليمين دو فا فا صول لا (تعزف الأستاذة لونا التمرين) بالشمال بلشنا دو مع دو اخدت الدو بالشمال زمن اتنين راح معها دو فا (تعزف الأستاذة لونا التمرين) رجعنا الفا التانية باليمين اخدت الفا بالشمال (تعزف الأستاذة لونا التمرين).
اخدت هادول التلات نغمات ننتبه كتير منيح صول لا زمنهم نص فا راح نعزفها بهاي الطريقه (تعزف الأستاذة لونا التمرين) المازورة التانية عنا صول فا فا (تعزف الأستاذة لونا التمرين).
الإيد الشمال عنا دو فا فا (تعزف الأستاذة لونا التمرين) عنا صول راح تاخد زمن اتنين من الدو والدو زمنها اتنين صول مع فا راح يروحو مع الدو (تعزف الأستاذة لونا التمرين) صول فا بعدين الفا باليمين مع الفا بالشمال زمنهم اتنين بهادا الشكل (تعزف الأستاذة لونا التمرين) المازورة التالتة اعاده للمازورة الأولي (تعزف الأستاذة لونا التمرين)ونفس الشي الماورة الرابعه تكرار للتانية (تعزف الأستاذة لونا التمرين).
هلأ الماورة الخامسة راح يكون في عندي لا لا صول صول بهادا الشكل (تعزف الأستاذة لونا التمرين) والشمال لا اتنين صول اتنين كيف بنعزفها (تعزف الأستاذة لونا التمرين)المازورة االلي بعدها راح تكون لا لا صول اتنين (تعزف الأستاذة لونا التمرين) والمازورة اللي قبل الأخيرة فا صول صول (تعزف الأستاذة لونا التمرين).
وراح تاخد معها بالشمال فا اتنين صول اتنين (تعزف الأستاذة لونا التمرين)وآخر شي عنا بآخر مازورة رى مى فا(تعزف الأستاذة لونا التمرين) بالإيد اليمين والشمال رى مى فا (تعزف الأستاذة لونا التمرين)نحاول نعزفها بشكل متواصل وماننسي رمز الإعادة (تعزف الأستاذة لونا التمرين).
هادا كان درسنا لليوم كتير مهم متل مابنحكي دايما انه نتدرب بشكل متواصل ومستمر لحتي نقري التكنيك يعطيكم العافية اشوفكم الدرس الجاي."
