تطبيق معادلة السلم الكبير , التركيزعلى ترقيم الأصابع في سلم الفا الكبير.
لونا رفاعي:
"مرحبا معكم لونا الرفاعي من فريق اعزف دوت كوم.
اليوم راح نتابع درسنا عن البعاد الزمنية البعد والنصف بعد وراح نتعلم سلم موسيقي جديد اسمه سلم فا الكبير بدنا نتذكر انه لحد هلأ احنا اخدنا سلم دو الكبير وصول الكبير وسلم فا الكبير راح يكون معنا اليوم نفس الشي لما بنحكي عن سلم فا راح تكون بدايتنا من عند فا بدنا نتذكر قاعدة اللحن او المعادلة يللي حكينا عنها TTSTTTSاللي هي بتحافظلنا علي لحن السلم بشكل واحد (تعزف الأستاذة لونا التمرين).
لو بدنا نمشي عالمعادلة من فا لصول بعد واحد (تعزف الأستاذة لونا التمرين) من الصول للا بعد (تعزف الأستاذة لونا التمرين) من لا للسى انا لازم حسب المعادله يكون في عندي نصف بعد فا بالتالي (تعزف الأستاذة لونا التمرين).
راح تكون عنا سى بيمول من السى بدنا بعد هلأ راح نروح لعند الدو ليش من السي للدو بهادا الشكل راح تكون لأنه نحنا بنعرف انه أولريدي السى العاديه للا نصف بعد فا بالتالي نحنا السى بيمول خفضناها نصف بعد فا احنا صار في عنا من نصف بعد زائد نصف بعد يساوي بعد كامل فا من سى بيمول لعند الدو بعد كامل (تعزف الأستاذة لونا التمرين)من عند دو للرى بعد كامل (تعزف الأستاذة لونا التمرين).
من رى للمى بعد كامل (تعزف الأستاذة لونا التمرين)من مى للفا نصف بعد ماتل ماحكينا قبل (تعزف الأستاذة لونا التمرين)وبالتالي احنا علي المعادلة بشكل سليم هلأ لو بدنا نجرب نشوف اذا مشينا عالأصابع متل ماتعلمنا بالأول واحد اتنين تلاته واحد اتنين تلاتة نجرب (تعزف الأستاذة لونا التمرين)راح يصير في عنا صعوبة نوعا ما فا بالتالي كان من الأسهل انه نمشي علي أربع أصابع وأربع اصابع كيف خلينا نشوف (تعزف الأستاذة لونا التمرين) مره تانية واحد اتنين تلاتة أربعة واحد اتنين تلاتة أربعة(تعزف الأستاذة لونا التمرين).
ماكان عندي استعمال للأصبع الخامس و كان في عندي الحركة سهلة علي السلم الموسيقي خلينا هلأ نتدرب صعودا ونزولا علي سلم فا الكبير(تعزف الأستاذة لونا التمرين).
كتير مهم لما بنشوف علي قبل المفتاح الموسيقي وبعد الميزان علامة البيمول عند سى معناتها انا مباشرة راح استنتج انه السلم الموسيقي المعزوف في المقطوعة هو سلم فا الكبير.
هادا كان درسنا لليوم يعطيكم ألف عافية واشوفكم بالدرس الجاي."
