ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
13 - الدييز و البيمول

تفسير معنى الدييز و البيمول و مواقعهم على البيانو , تفسير فكرة النوتات المشتركة بين الدييز و البيمول.


لونا رفاعي:


"مرحبا انا معكم لونا رفاعي من فريق اعزف دوت كوم واليوم موضوعنا راح يكون عن النغمات رفعها نصف درجة او خفضها نصف درجة.


المصطلحات اللي راح نحكي فيهم راح يعبرو عن هالموضوع اللي هما الدييز والبيمول.


بداية شو يعني دييز او بيمول تعالو نشوف نحنا عنا بالمفاتيح في عنا مفاتيح سود قبل هالمرة مامرينا عليهم كنا نشوف الأوكتاف انه تمن نغمات من الدو للدو مثلا لكن في هلأ عندي نغمات اضافية كتير مهم انه نعطيها اعتبار اللي هنن خمس مفاتيح سود الدييز معناته اني انا بدي ارفع النغمة نص درجة والبيمول بدي أخفض نص درجة. 


هلأ شو يعني ديي وبيمول بشكل عام هما تأثيرهم عاللحن انه ببساطة تغيير للحن وبيعطيني مجال أوسع بأن أعزف ألحان مختلفة وجديدة بداية نحنا في عنا كيف انا ممكن اميز تسمية الكبسة السودة لو بدنا نروح نفترض علي منتصف البيانو ناخد الدو لما بحكي دو دييز يعني أنا بدي أرفع نصف درجة فكرة الدييز اللي هي الرفع رفع النوتة نصف درجة للأعلي نحنا بدنا دايما نعرف انه الأعلي يعني بنطلع علي يمين البيانو والأوطي شمال البيانو هاي قاعدة بتساعدنا انه مانلخبط ابدا مابين دييز او بيمول نرجع للديز اذا انا عم بحكي دو دييز متل مانحنا شايفين عنا انا هون عندي الدو برسم جمبها دييز اختلفت عن الدو العاديه (تعزف الأستاذة لونا التمرين).


دو عاديه (تعزف الأستاذة لونا التمرين)نطلع نصف درجه دو دييز (تعزف الأستاذة لونا التمرين)فابتالي دو دييز صارهيك لحنها دو العادية (تعزف الأستاذة لونا التمرين).


لو بدنا ناخد الرى رى دييز نطلع نصف درجة كتير مهم انه مانلخبط مابين فكرة انه يا هل تري انا بكبس رى بالأول بعدين رى دييز ولا بس ري دييز يعني بس السوده فقط السودة هي اللي بنكبس عليها او بنلعبها كتير في من الأخطاء انه هما بيفكرو انه انا لازم اقرأ الدو وأرجع اعزفها بعدين دييز لأ انا لما بشوف متل ماعنا مرسوم دو جمبها دييز مباشرة رى دييز (تعزف الأستاذة لونا التمرين)فا دييز (تعزف الأستاذة لونا التمرين)صول دييز (تعزف الأستاذة لونا التمرين)لا دييز (تعزف الأستاذة لونا التمرين)بهادا الشكل فكرة البيمول البيمول متل ماحكينا هو خفض نصف درجة لو بدنا نجي نشوف السى (تعزف الأستاذة لونا التمرين).


بدنا ناخد سى بيمول (تعزف الأستاذة لونا التمرين)نرجع نصف درجة ناخد لا بيمول ()ناخد صول بيمول (تعزف الأستاذة لونا التمرين)المى بيمول (تعزف الأستاذة لونا التمرين)رى بيمول (تعزف الأستاذة لونا التمرين)طيب ممكن يخطر علي بالنا انه هاي المفاتيح ياهل تري في شي مشترك ممكن يكون هو دييز لنوتة وبنفس الوقت بيمول لنوتة اكيد يعني مثلا في عنا هون الصول لو بدنا ناخد الصول الصول في الها دييز (تعزف الأستاذة لونا التمرين)وفي الها بيمول (تعزف الأستاذة لونا التمرين)دييز الصول هو نفسة بيمول لا (تعزف الأستاذة لونا التمرين)ونفس الشي دييز الفا هو نفسة صول بيمول (تعزف الأستاذة لونا التمرين).


بهادا الشكل فينا نسمي فالنفترض الرى انا ممكن اعطي الرى دييز تسمية رىروجمبها اشارة الدييز او مى وجمبها اشارة البيمول وهما التنتين بيحققو نفس اللحن راح ناخد تمرين بسيط للدييز وللبيمول (تعزف الأستاذة لونا التمرين)اذا بنلاحظ الإيد اليمين في عنا الفا دييز ونفس الشي الإيد الشمال فا دييز هادول يللي لعبناهم فا دييز لو بدنا ناخد هلأ نفس التمرين لكن بمسمي آخر فينا نحكي صول بيمول (تعزف الأستاذة لونا التمرين)ونحنا هون عندنا التسمية كانت صول بيمول لكن نفس المفتاح.


هلأ في شي كتير مهم لازم نعرفه اللي هو الكي سيجنتشال او علامة المفتاح في بعض المعلومات اللي ممكن تنذكر ببداية النوتة او بداية المعزوفة نحنا اول شي اتعلمناه عنا المفتاح وبعدين حكينا عن الميزان الموسيقي طب في يعض الأحيان ممكن نلاقي بيناتهم رموز في عنا ديي او بيمول شو معني هالحكي نفترض انه انا عندي متل ماشايفين اجا الدييز علي النغمة فا معناتها كل نغمات الفا يللي بالمقطوعة راح تكون دييز راح أعزفها بس دييز نفترض انه كان عندي نغمة تانية عليها دييز نفس الشي سواق كانت سى رى اي شي بنشوفه عندة اشارة دييز عند المفتاح الموسيقي معناها راح اعفة خلال كل المقطوعة لنهايتها دييز او اذا كان عندنا بيمول نفترض زي ماعنا بهذا المثال سى بيمول (تعزف الأستاذة لونا التمرين)معناتها كل المقطوعة راح نعزف فيها السى بيمول وين مابنشوف سى راح تنعزف بيمول هلأ لو في حال انا طرق عندي اشارة بجانب مثلا سى اشارة مختلفة اللي هي متل مانحنا شايفينها بهادا الشكل هاي اسمها بيكار وهي اللي بتعيد النغمة لوضعها الأصلي يعني كانت عندي أنا السى بيمول انا وعم بعزف مازورة مازورة واحده من المازورات كان عندها السى جمبها اشارة البيكار بهاي الحالة انا لازم اعزف سى من دون البيمول بهادا الشكل (تعزف الأستاذة لونا التمرين).


نقطة تانية كتير مهمة لازم نعرفها انه في حال انا خلال عزفي كان في عندي بالمازورة النغمة بجنبها دييز هادا الموضوع غير اللي كنا بنحكي عنه بالمفتاح يعني انا مابيهمني المفتاح خلاص خلصنا منه نجي بنحكي اذا انا كان عندي مازورة طرق علي واحدة من النغمات ديي او بيمول فا هي فقط خلال هاي المازورة نعزفها دييزاو بيمول بس بنخلص هاي المازورة عالمازورة اللي بعدها ترجع الأمور طبيعية كمان نقطة في حال انه انا النغمة اللي انا حطيتها في هاي المازورة كانت دييز او بيمول اتكررت خلال المازورة الواحدة فا مافي داعي ارسملها دييز او بيمول يعني عنا المثال اللي قدامنا (تعزف الأستاذة لونا التمرين)الفا اول مره كان في بجانبها دييز لكن انا بعدين مااضطريت احط دييز مرة تانية خلال المازورة الواحدة بتبقي ديي في حال اتكررت في حال امتد عندي هادا اللحن علي مازورتين فا انا بدي اضطر كمان مرة ارجع ارسم الدييز خلينا نشوف مع بعض (تعزف الأستاذة لونا التمرين).

بنفس الطريقه يللي حكينا عنها انا بيكفيني بس النغمة الأولي اعطيها دييز واللي بعدها خلال المازورة الواحدة مافي داعي ارسم جمبها دييز وهيك بنكون خلصنا درسنا اليوم عن الدييز رفع النوتة نصف درجة والبيمول خفضها نصف درجة بنشوفكم بدرسنا القادم."


فيديوهات دروس الدورة - تعلم البيانو مع لونا
1 شرح عام عن آلة البيانو Opened 04:13
2 ترقيم و تسلسل الأصابع في السلم الموسيقي Opened 06:10
3 قراءة النوتة على السلم الموسيقي Opened 03:45
4.1 أنواع الوحدات الزمنية Opened 03:00
4.2 أنواع الوحدات الزمنية البيضاء و المستديرة Opened 06:22
4.3 أنواع الوحدات الزمنية السوداء و ذات السن Opened 02:58
5 الميزان الموسيقي Opened 05:51
6 التمرين الشامل Opened 05:48
7 مفتاح الصول Opened 04:24
8 مفتاح الفا Opened 05:27
9 تمرين شامل Opened 06:02
10 السكتات الزمنية Opened 03:20
11 تمرين شامل كلن عندن سيارات Opened 07:16
12 الوحدة المنقوطة Opened 06:09
13 الدييز و البيمول Opened 09:13
14.1 تمرين على الدييز كانوا يا حبيبي Opened 04:03
14.2 تمارين على الدييزوالبيمول بعدك على بالي Opened 03:25
15.1 المسافات بين النوتات Opened 04:07
15.2 سلم الصول الكبير Opened 04:18
16 تمرين على سلم الصول الكبير طيري يا عصفوره Opened 05:50
17 سلم الفا الكبير Opened 03:21
18 تمرين على سلم الفا الكبير طلعت يا محلى نورها Opened 07:45
19 العزف بتوافق بين اليدين Opened 06:18
20 تك تك تك يا أم سليمان Opened 04:32
21 أخطاء شائعة Opened 06:44
22.1 الرموز و التعابير الموسيقيه Opened 04:09
22.2 الرموز و التعابير الموسيقية Opened 03:31
22.3 الرموز و التعابير الموسيقية Opened 05:10
22.4 الرموز و التعابير الموسيقية Opened 04:12
22.5 الرموز و التعابير الموسيقية Opened 06:30
23 تمرين شامل طالعة من بيت أبوها Opened 03:12