شرح معنى أشارة rit التباطؤ التدريجي , تفصيل المقطوعة إلى أجزاء لتسهيل عزفها , التركيز على ترقيم الأصابع في كلتا اليدين.
لونا رفاعي:
"مرحبا معكم لونا الرفاعي من فريق اعزف دوت كوم.
درسنا لليوم راح يكون تمرين لمقطوعة كتير معروفة هي طالعة من بيت أبوها هذا التمرين راح يكون شامل لكل شي أخدناة مع بعض بالإضافة لمعلومة صغيرة بنضيفة اللي هي الإشارة ريت وجمبها في نقط هاي الإشارة الها معني كتير مهم وهو التباطؤ التدرجي اغلب الوقت بتيجي هاي الإشارة بنهاية المقطوعة الموسيقية لأنه احنا لما بدنا ننهي بنتباطئ شوي شوي لحتي نعطي الإحساس بالنهاية لحتي نمشي شوي شوي بالزمن لنتباطئ وبنعمل بالأخير القفلة راح نبلش هلأ بالمازورة الأولي عنا لازم نثبت ايدينا بهادا الشكل عنا الإيد الشمال راح تبعد شوي بهادا الشكل لأنه في عنا نزلات راح نوصل لعند الرى بالأوكتاف الأخفض فبالتالي هادا أنسب وضعية للإيدين بهادا الشكل (تعزف الأستاذة لونا التمرين)المازورة التانية (تعزف الأستاذة لونا التمرين). نرجع للتالتة (تعزف الأستاذة لونا التمرين)وبدنا ننتبة بأنه المازورة التالتة مربوطة مع الرابعة بالوصلة واللي حكينا عنها وهي اللي بتجمع الزمن متل مابنتذكر (تعزف الأستاذة لونا التمرين)منكمل هلأ (تعزف الأستاذة لونا التمرين)بدنا كتير نركز انه بالبداية انا عندي الرى راحت مع الفا مع بعض (تعزف الأستاذة لونا التمرين) الرى كان زمنها واحد (تعزف الأستاذة لونا التمرين)راح تدخل لعنا هلأ (تعزف الأستاذة لونا التمرين)وراح منكمل مى رى (تعزف الأستاذة لونا التمرين) وبعدين بتدخل الإيد الشمال (تعزف الأستاذة لونا التمرين) هو في عنا تباطؤ تدريجي خلينا نجرب نعزفها من البداية مع بعض بشكل متصل (تعزف الأستاذة لونا التمرين)هادا كان درسنا لليوم ولازم نعرف انه التمرين المستمر بيساعدنا لحتي نتمكن من كل مقطوعة بناخدها."
