التعرف على النوتة الموسيقية , التعرف على السطر الموسيقي و مما يتكون , التعرف على مواقع النوتات الموسيقية على السطر الموسيقي و كيفية ترتيب النوتات.
لونا رفاعي:
"مرحبا أنا معكم لونا رفاعي من عائلة اعزف اليوم راح يكون معنا الدرس التالت من البيانو.
حكينا بالدرس الأول والدرس التاني بشكل عام عن البيانو وعن السلم الموسيقي وكيف انا اميز وأوصل للدو منتصف البيانو.
اليوم صارلازم نعرف شوف يعني نوتة وشو يعني قرائة نوتة وكيف أنا راح اتعامل مع السطرالموسيقي وكيف راح اوزع عليه النوتات.
بداية الموضوع احنا عنا السطرالموسيقي هو عبارة عن خمس خطوط وبيناتهم فيه اربع فراغات بنرجع للمثال اللي كنا عم نحكي عنه اللي هو عندي انا خمس اصابع واذا بتلاحظو خمس اصابع كم فراغ في بيناتهم بيطلع أربع فراغات وبالتالي احنا راح نتعامل نفس الشي مع الخطوط الموسيقية أول شي راح نحكي عنه انه الدو بداية السلم الموسيقي راح بياخد لحالة خط صغير هادا الخط لما بشوف الدو بشوف بهادا الشكل النوتة بعرف انه هي الدو وبتالي بنبلش (تعزف الأستاذة لونا التمرين).
طيب شو فكرة السلم الموسيقي هو من اسمة انا في عندي درجات انا عم بطلع درجة درجة لو انا بدي اطلع أفشئ عن درجتين معناتة انا عم بفشئ عن نوتين وبتالي انا عم بطلع درجة درجة لحتي احقق اللحن تبع السلم الموسيقي اللي سمعناه بالدرس السابق فلو نجي نحكي عنا من الدو بعدها بتيجي الرى المى (تعزف الأستاذة لونا التمرين).
طيب كيف بدنا نرسم الدو رى مى او نقرأهم من النوتة بعد ماحكينا عن الدو اخد لحالة سطر وعرف حالة بسطر صغير مش كامل اكيد مو كامل متل مامبين عنا راح نحكي عن الرى اللي هي بتيجي بعده مباشرة تحت السطر الأول وبعدين المى راح تطلع تعد مباشرة بالسطر الأولاني مش تحت السطر الأل علي السطر الأول وبعدين بيجي عنا الفا بتصير عالفراغ الأول يعني فوق السطر الأول تحت السطر التاني وبتالي احنا صار عنا فكرة انه انا كيف راح ارتب تسلسل النوتات الموسيقية كأنه عن بيطلعو علي الدرج كل واحد راح ياخد مكانة وكل واحد إله لحنه الخاص وبتالي عندي (تعزف الأستاذة لونا التمرين)كمان مره وراح نشوف النوتات كيف عم يطلعو علي الدرج (تعزف الأستاذة لونا التمرين).
وصلنا للدو اللي أعلي هاي الدو ممكن تكون الإنطلاقه للسلم الأعلي لكن ممكن كمان نرجع نحكي عن النزول بالدرج لأنه مافي حدا بيطلع درج وبيضلة فوق ممكن ننزل لتحت فابتالي (تعزف الأستاذة لونا التمرين)ولو بدنا نحكي هلأ هادا كان بخصوص الإيد اليمين لما نجي نحكي عن الإيد الشمال إيد الشمال عرفنا عنها قبل وقولنا انه نحنا لو بدنا نبلش من عند الدو منتصف البيانو راح ننزل لعند السلم اللي أسفل منتصف البيانو فابتالي راح يكون عندي نزول (تعزف الأستاذة لونا التمرين).بهادا الشكل فابتالي موضوع السلم الموسيقي هو موضوع ممال لفكرة الدرج يعطيكم العافية."
