شرح معنى staccato و تطبيقها مع أمثلة , شرح معنى الشده الموسيقية , تعريف معنى الإيقاف المْوقت coronaمع مثال.
لونا رفاعي:
"مرحبا معكم لونا الرفاعي من فريق اعزف دوت كوم.
اليوم راح نكمل علي موضوع الرموز والتعابير الموسيقية اليوم راح نحكي عن الأستاكاتو والأكسنت او الشدة هادول الرموز بيجو فوق النوتة زي مااحنا شايفين كتير انه الأستكاتو ما نلخبط بينة وبين النوتة المنقوطة النوتة المنقوطة بنتذكر كتير منيح انه النقطة كانت بتيجي علي يمين النوتة والها معني آخر متعلق بالفترة الزمنية لكن بهاي الحالة استكاتو معناتها انه أنا راح بعزف بشكل متقطع مش موصول متل ماقبل شوي حكينا يعني مثال علي ذلك لو حكينا عندي الدو دو رى مى (تعزف الأستاذة لونا التمرين).
لو بدنا نعزفها بدون الأستكاتو راح تكون (تعزف الأستاذة لونا التمرين)نرجع مع الأستكاتو بتكون (تعزف الأستاذة لونا التمرين) هلأ لو نشوف عنا الرمز الآخر اللي هو الشدة الشدة مقصود فيها انه النوتة راح اعزفها بصوت اقوي راح أعطيها قوة اكتر يعني راح يكون الصوت عندي أعلي مثلا دو رى مى دو (تعزف الأستاذة لونا التمرين).
اذا بتلاحظو الرى عنها شدة فكيف هتكون (تعزف الأستاذة لونا التمرين).
لاحظنا بأنه الرى كانت أعلي كمان في عنا الرمز كورونا او الإيقاف المؤقت وهو بيجي شكله نون مقلوبة الرمز هادا معناته وين مابلقية راح أعطي النوتة زمن أطول راح نطولها ونمدها طبعا فترة المد ماراح تاخد كتير أربعة تمانية غير محددة برقم لكن بتكون متجانسة مع اللحن اللي عم نعزفه راح ناخد.
هلأ تمرين كتير معروف لإلنا اللي هو اذا بتتذكرو لما كنا نسمع الأخبار ساعة بيج بين تاور كلوك بنشوف هلأ نبلش (تعزف الأستاذة لونا التمرين)كتير مهم ننتبة انه بآخر تلات مازورات متل ماعزفنا موجود عنا رمز الكورونا فوق الكورد الكورد اللي هو عندي تلات نوتات عم ينكبسو مع بعض (تعزف الأستاذة لونا التمرين) انا مديتها لكن بزمن منطقي عن اللي عزفتة قبل شوي (تعزف الأستاذة لونا التمرين).
المازورة الأخيرة كتيلر مهم ننتبة انه في عندي بيضاء منقوطة وبيضاء منقوطة وفي بيناتهم الوصلة فبالتالي راح يصير زمنهم ستة الزمن الإجمالي لهم ستة وكمان مع الكورونا راح نعطيهم اطالة أكتر لحتي نعطي الإحساس بالجرس لما نحنا نضرب جرز بيكون في صدي وامتداد للصوت (تعزف الأستاذة لونا التمرين).هادا كان درسنا لليوم يعطيكم أالف عافية وبشوفكم بدرسنا الجاي."
