مفتاح الفا يعبر عن اليد اليسرى , يبدأ مفتاح الفا من نوتة الفا على المدرج الموسيقي , التمرن على السلم الموسيقي باليد اليمنى و اليسرى معًا , التركيز على ترقيم الاصابع باليد اليسرى.
لونا رفاعي:
"مرحبا أنا لونا رفاعي من اعزف دوت كوم.
اليوم بدرسنا العاشر راح نحكي فية تكملة لموضوع المفاتيح الموسيقية حكينا بالدرس السابق عن المفتاح صول يللي كان بيعبر عن ايد اليمين بالعزف واليوم راح نحكي عن مفتاح جديد اسمه فا بيعبر عن ايد الشمال بالعزف.
فكرة مفتاح فا نفس الإشي اله سطر بيعبر عن اليد اليسار عندي نفس الشي خمس خطوط واربع فراغات كمان بتعبر عن الإيد نحنا ذكرنا قبل هالمرة انه الإيد الشمال هي مراية الإيد اليمين وبالتالي راح يكون طريقة الترقيم وطريقة العزف مراية لطريقة العزف بالإيد اليمين ليش سميناه مفتاح فا.
لو بدنا نشوف كيف التدرج عنا بإيد الشمال من الدو منتصف البيانو راح ننل هالمرة نزول مختلف عن اليمين دو سى لا صول فا فا طريقة رسم مفتاح فا بتبلش من عند النوتة فا الإيد الشمال (تعزف الأستاذة لونا التمرين)بهادا الشكل ولو بدنا نطلع طلوع (تعزف الأستاذة لونا التمرين).
بالنسبة لطريقة رسم النوتات وترتيبهم بمفتاح فا هو مشابة للإيد اليمين في عنا احنا اتفقنا انه الدو مشتركة بين الإيد اليمين والشمال راح تيجي في المنتصف بيناتهم وراح تاخد الها خط خاص قصيرمو خط كامل خط قصير بيعبر عنها بعدين بما انه احنا عم ننزل نزول فوق الخط الأول (تعزف الأستاذة لونا التمرين).
راح يكون في عندي سى عالخط الأولاني راح يكون عندي لا تحت الخط الأول صول عالخط التاني راح نروح للفا وهكذا (تعزف الأستاذة لونا التمرين).
خلينا نجرب مع بعض نعزف الإيدين (تعزف الأستاذة لونا التمرين)هادا التمرين كتير مهم بيساعد علي التركيز انه كل ايد متجهه اتجاه أبعد عم بيبعدو وبيرجعو يقربو لنقطة الأنطلاق اللي هي دو المنتصف نرجع بنعيد (تعزف الأستاذة لونا التمرين)نرجع للدو المشتركة هلأ لو قررنا انه نعزف سلمين موسيقين موقعهم مختلفة خلونا نقول انه ايد اليمين راح تاخد السلم اللي بيبلش من عنده منتصف البيانو وراح ناخد السلم اللي أوطي منه (تعزف الأستاذة لونا التمرين)انتهنا كتير منيح بإنه كل إيد راح تختلف عن التانية بطريقة العزف لكن المهم انه نحافظ علي التدرج نفسة وأكيد الأرقام بتساعدنا ببداية الموضوع علي طريقة ترتيب الأصابع كيف قولنا بإيد اليمين واحد اتنين تلاتة واحد اتنين تلاتة اربعة خمسة وبالرجعة خمسة اربعة تلاتة اتنين واحد تلاتة اتنين واحد (تعزف الأستاذة لونا التمرين).
بإيد الشمال لو انا ببلش من عند الدو (تعزف الأستاذة لونا التمرين)راح يكون عنا هلأ تمرين للإيد الشمال بداية متل مابنلاحظ في عنا بالميان الموسيقي او ببداية النوتة متل ما بنلاحظ عنا في مفتاح فا بعدين عنا مذكور انه في عنا ميزان موسيقي اتنين علي أربعة علي طول احنا بننتبة علي هاي الملاحظات عشان نعرف شو عنا نوع النوتة بكل مازورة وعدد النوتات بكل مازورة راح يكون في عنا عدد النوتات مجموع الزمن بيساوي اتنين نوع النوتة المعزوفة هي السوداء او مايعادلها بمقدار اتنين راح نبلش واحد اتنين تلاتة اربعة (تعزف الأستاذة لونا التمرين).
كمان مرة مع تسميات النوتات (تعزف الأستاذة لونا التمرين).
يعطيكم العافية وبنشوفكم بدرسنا الجاي."
