الدروس
03:18:34 ساعة
44 الدروس
العود
تعلم إيقاع السماعي الثقيل
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تتعرف في هذا الدرس على إيقاع السماعي الثقيل و يشرح الأستاذ الجندي بعض الرموز الإيقاعية مثل الدم و التك و الإس كما يقوم بشرح القسمة على الإثنين و هي عكس المضاعفة.


طارق الجندي:


"مرحبا انا طارق الجندي من اعزف دوت كوم.


بدرسنا اليوم رح نتعرف على الايقاع السماعي الثقيل ولا تنسو الايشي الي تعلمنا بالحصة الماضية انو تعلمنا انضاعف بالنظر لانه اليوم رح نستخدم هذا الموضوع.


قبل ما نحكي عن المضاعفه والقراءة ، المضاعفه ، رح نيجي نحكي عن الايقاع السماعي الثقيل وهو ايقاع عشرة على ثمانية ، واحنا اول مرة رح نقرأ ايشي على تمانية دايما احنا الي بنقرأه بيكون على اربعه ، رح نيجي نحكي عن شوية رموز ايقاعية التا اليبيكون ذنبها لفوق ،الذيل تاعها لفوق بدنا نسميها دوم وهي نبر قوي فهي ، دوم التا الي بيكون ذيلها لتحت بنسميها تك نبر ضعيف ، وفي عندي الريست او بنسميها الاس ، نيجي نتطلع كتبنا الايقاع السماعي الثقيل بالاول عشرة على اربعه ، هلاء عشرة على اربعه مكتوب عندي ( يقرأ الاستاذ طارق التمرين قراءة ايقاعية).


الايقاع بنقرأ بس على خط واحد مش زي الالات التانية بقرأ على اكتر من خط ، بقرأ بس على خط واحد فهون عندي ( يقرأ الاستاذ طارق التمرين قراءة ايقاعية).


مازورة فيها عشر ضربات ايقاعية نيجي نتطلع هادا الايقاع عشرة على اربعه بنقسمو عالنص ، فهون عندي النوار نقسمها على اتنين فشو بدها تصير ، بدل ما تكون نوار بدو يصير الها سن عكس العمليه الي عملناها الحصة الماضية فصار انا عندي قسمة على تنين عكس المضاعفه ، صار عشرة على تمانية ما اختلف ايشي ، ليش ما اختلف ايشي ، هلاء رح نحكي ، اطلعو كيف ، رح اقرأه بس اتطلعو كيف الاشكال اختلفت ، الي ما كان الها سن صار الها سن ، الرست تبعت الواحد صارت رست الي احنا كنا نعرفها الي هي نص ، والدوم والتاك ضلو زي مهم فصار عندي عشرة على تمانية ، ( يقرأ الاستاذ طارق التمرين قراءة ايقاعية).


كمان مرة ( يقرأ الاستاذ طارق التمرين قراءة ايقاعية ) شو الفكرة من القراءة على اربعه والقراءة على تمانية ، احنا لما كنا بنقرأ على اربعه ، كانت النوار هي الوحده الاساسية تبعا يعني هي الون ، هي الضربة الوحده هلاء لما بنيجي نقرأ على تمانية ، على تمانية ، صارت الكروش ، ذات السن هي قيمتها واحد ، يعني هي زمنها واحد ، وصارت النوار من مضاعفاتها يعني صار زمنها تنين نيجي نتطلع حاطين احنا شوية امثله ، نيجي نتطلع ، الكروش ، الكروش هاض زمنه واحد هون بدو يصير النوار زمنو تنين ، يعني اذا بيجيني كروش بدي اقرأها تا ، اذا بتيجيني نوار بدي اقرأها تااا ، نيجي نتطلع على هاد الرست الي ثيمتو كانت نص الي كان الرست تبع الكروش صارت قيمتو واحد ، هاي التيفي ، الي انتو شايفينها مهو هدول نص ( هدول التنتين ) هم عبارة عن نص الكروش ، فصارت هاي عبارة عن نص زائد نص يساوي واحد الي هي صارت تاتي ، هاي السنان صارت تافا تيفي لانه هم هدول كل وحداه ربع من الكروش ، فنيجي نتطلع عندي المثال رقم واحد ، في عندي عشرة على تمانية ( يقرأ الاستاذ طارق التمرين قراءة ايقاعية ).


الي صارت الكروش الي هي واحد ، فاذا بدي اعدها انا بعمل ، وان تو ثري ( يقرأ الاستاذ طارق التمرين قراءة ايقاعية ) (يعزف الاستاذ طارق التمرين ) كمان مرة ( يعزف الاستاذ طارق التمرين ( يقرأ الاستاذ طارق التمرين قراءة ايقاعية) بهالشكل ، صارت هي الوحدة الاساسية."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!