الدروس
03:18:34 ساعة
44 الدروس
العود
مقطوعة رقصة حسيني
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تتعلم في هذا الدرس مقام الحسيني و علاقته بالبيات و مفهوم سيرعمل المقام , يعطي الأستاذ أمثلة أخرى مثل مقام العشاق و يتحدث عن الركوز .


طارق الجندي:


"مرحبا انا طارق الجندي من اعزف دوت كوم.


اليوم درس تمانية رح اريحكم شوي ، مافي عنا لونجات ، عنا مقطوعه كتير حلوة اسمها رقصة الحسيني ، وهي كمان لجميل بيك الطنبوري ، هي عبارة عن رقصة ، ورح نحكي كمان عن مقام الحسيني ، زي ما انتو شايفيت هي اصلا مكتوبة بيات يعني السي بي مول ، والمي نص بي مول زي ماهو موجود عندي في دليل المقام ، بس شو هو مقام الحسيني ، هو تسمية مختلفة لمقام البيات ، ورح احكيلككم معلومة رح تمر علينا في ما بعد ، الي هو في عنا ايشي اسمو سير عمل المقام ، يعني مثلا اذا الواحد كان عم بيعزف بيات ، ( يعزف الاستاذ طارق التمرين ).


خاصة بالتقاسيم وبعدين النغمة الاولى المهمة الي هي الري ، اذا كانت النغمة التانية المهمة الي هي اهم نغمة الي هي الصول ( يعزف الاستاذ طارق التمرين ).


لاحظتو ركوز تاني عالصول ، هاي طريقة عمل المقام في بعض الناس الي بيسموها مقام العشاق وبتكون العلامة التالتة المهمة في هي علامة السيبيمول ، هيك كيف المقام عم بينبني (يعزف الاستاذ طارق التمرين).


وبرجع بركز عالري ، هاي طريقة عمل ، طريقة عمل تانية الي هي بنسميها حسيني ، يعني بكون انا بالاول ري ( يعزف الاستاذ طارق التمرين ) الركوز التاني الي مهم هون هو الي بكون لا ( يعزف الاستاذ طارق التمرين ).


وركزت ركوز ، هادا المقام بيسمو ، مرات حسيني وهو معروف كتير في مناطق الشمال في العراق وبيسمو دجد او اللاووك ، وجووه كتير كردي ( يعزف الاستاذ طارق التمرين).


وفي ناس كمان بتسمي البيات الحسيني الي هو نفسه البيات الي على درجة ال لا ، نفس بيات الري بس بنطلع وتر لفوق ( يعزف الاستاذ طارق التمرين ).


هاضا بيسمو بيات حسيني ، بس الحسيني الي بدنا نحكي عنو الي هو طريقة عمل مقام البيات هون الركوز التاني لا."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!