الدروس
03:18:34 ساعة
44 الدروس
العود
سماعي بيات عربي قديم
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتابع الأستاذ طارق الجندي شرح الخانة الثانية من سماعي بيات عربي و يركز مرة أخرى عل التحويلات بين المقامات و المقامات المرافقة و يتكلم عن راست السول و راست الدو.


طارق الجندي:


"مرحبا ، انا طارق الجندي من اعزف دوت كوم.


اليوم بدرسنا رقم اربعطعش رح نكمل جزء من السماعي وهو الخانة التانية ، نبلش بالخانة التانية ، زي ماحنا شايفينها هي عبارة عن مازورتين ، بتبلش خلينا نحاول نقرأها ايقاعيا ( يقرأ الاستاذ طارق التمرين قراءة ايقاعية ) بترجع بتنعاد ، عندها علامة اعادة ، مع النغم ( يقرأ الاستاذ طارق التمرين قراءة ايقاعية ). 


وبدي الفت نظركم انا لشغلة ، حكيت انا بدرس سابق عن موضوع التحويلات الي عم بتصير انه دايما المؤلف ما بيكون ثابت على نفس المقام عشان يكسر حدة الملل من تكرار النغمات والصعود والهبوط عليها ، لو نيجي بنتطلع هون شو مكتوب عنا ( يعزف الاستاذ طارق التمرين).


لاحظتو المي نص بيمول لانه هاي عندي ري ( يعزف الاستاذ طارق التمرين ) ومي نص بي مول مقابل السي نص بي مول نرجع نعيدها ( يعزف الاستاذ طارق التمرين ) هلاء هادا الي بدي احكي عنو ( يعزف الاستاذ طارق التمرين ) (يقرأ الاستاذ طارق التمرين قراءة ايقاعية).


هادا المقام هو نفس مقام اذا متذكرين رصد الدو ( يعزف الاستاذ طارق التمرين ) اذا بنعملو من الصول ( يعزف الاستاذ طارق التمرين ) هادا رصد الصول ( يعزف الاستاذ طارق التمرين).


هاي بنسميها مقامات مرافقه ممكن نشتقها من المقام نفسه وهالحكي رح يبين معانا فيما بعد لما احنا نيجي نعمل التقاسيم ،فاحنا نيجي نتطلع كان بيات في السي بي مول عادة بتكون لما عمل (يعزف الاستاذ طارق التمرين).


التسليم هون بلش ب سي نص بي مول ( يعزف الاستاذ طارق التمرين ) عمل رصد بعدين شوفو كيف رح يصير الانتقال للتسليم بشكل اسلس ( يعزف الاستاذ طارق التمرين ) كمان مرة ( يعزف الاستاذ طارق التمرين).

 

لاحظتو كيف رجعت من عند علامة السينيو وارجعت اطلعت لعند علامة السينيو التسليم ، فخليني ارجع اعيد الخانة التانية واروح للسينيو كمان مرة ( يعزف الاستاذ طارق التمرين ) بدي اوقف عند التسليم شوي وبدي اعطيكم شوية حليات."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!