الدروس
03:18:34 ساعة
44 الدروس
العود
الخانة الثانية من سيرتو نهوند جميل بيك الطنبوري
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

ينتقل هنا الأستاذ لشرح الخانة الثانية من سيرتو نهوند جميل بيك الطنبوري بالتفصيل و يتحدث عن اكتفاء بعض المؤلفين بخانتين فقط عند تأليف قالب السيرتو . يشرح الأستاذ طارق أيضُا مقام النكريز و يتحدث عن استخدام أكثر من مقام عند التأليف.


طارق الجندي:


"مرحبا انا طارق الجندي من اعزف دوت كوم.


اليوم بدرسنا رح نكمل الخانة التانية من سيرتو النهاوند لجميل بيك الطنبوري ورح نراجع الخانة الاولى والتسليم وزي ماحنا شايفين انو السيرتو هاي ناقصة يعني ما فيها خانة تالتة ورابعه فمرات المؤلف بكتفي بتسليم الي هو السينيو وخانة اولى وخانة تانية نيجي نتطلع احنا عنا مكتوب في الخانة التانية ( يقرأ الاستاذ طارق التمرين قراءة ايقاعية ).


بدنا نيجي نتطلع على هاي الجملة في عندي الفاديز اول ايشي ( يعزف الاستاذ طارق التمرين ).


هاي الجمله الاولى الي هي رح تتكرر تلات مرات ( يعزف الاستاذ طارق التمرين ) خلصت الجملة الاولى عندي نتطلع على فكرة الفادييز والميبي مول قديش لازم تكون اصابعي فاتحه ، وبرجع بنبه انه هاض الابهام لازم ينزل ( يعزف الاستاذ طارق التمرين ) السطر الي بعده نفس السطر الي قبله ولكن الاختلاف بس باخر مازورتين ( يعزف الاستاذ طارق التمرين ) اخر مازورتين ( يقرأ الاستاذ طارق التمرين قراءة ايقاعية ) (يعزف الاستاذ طارق التمرين ) ( يقرأ الاستاذ طارق التمرين قراءة ايقاعية).


وهون في عندي لا ناتشورال سي ناتشورال متزكرين مقام النهاوند السبي الي حكينا عنو بالدرس الاول ، هون ظهر عندي بس بجمله بسيطة ، ( يقرأ الاستاذ طارق التمرين قراءة ايقاعية ) ( يعزف الاستاذ طارق التمرين ) فما اخدنا اللابي مول بهادا الاصبع ، بهالشكل ( يعزف الاستاذ طارق التمرين).


هاي الجمله ممكن تكون شوي صعبة ( يقرأ الاستاذ طارق التمرين قراءة ايقاعية ) وانا رح احكيلكم خلينا نعملها تمرين ، ونتمرن عليها ( يعزف الاستاذ طارق التمرين ) بهالشكل شفتو اخدت اول ضلع بس ( يقرأ الاستاذ طارق التمرين قراءة ايقاعية ) ضليتني اعيد في وصارت عندي بهالشكل وممكن كمان ناخدها عالجواب ( يعزف الاستاذ طارق التمرين ) بهالشكل ، نعيد الخانة التالتة ( يعزف الاستاذ طارق التمرين).


ولاحظتو انو هون صار في عندي عملية تحويل في المقام لانه النهاوند الفا في ناتشورال ، انا رح احكيلكم المعلومة بشكل استباقي ، هدول اول اربع نغمات خمس نغمات الي هم ( يقرأل الاستاذ طارق التمرين قراءة ايقاعية ) ( يعزف الاستاذ طارق التمرين ) هدول جزء من مقام اسمو مقام النكريز الي هو ( يقرأ الاستاذ طارق التمرين قراءة ايقاعية )( يعزف الاستاذ طارق التمرين ) وحكيتلكم هاي المعلومة الاستباقية مشان احكيلكم انو المؤلف دايما لمن بيألف ما بيضل دايما على نفس المقام ، بيعمل شوية تحويلات وشوية علامات تحويل زي ما احنا شفناها بالخانة الاولى لما عمل المي ناتشورال (يعزف الاستاذ طارق التمرين ) بعدين عمل الميبي مول ( يعزف الاستاذ طارق التمرين ) بعدين عمل الكروماتيك ( يعزف الاستاذ طارق التمرين).


هادا الحكي كلو عشان يكسر حدة الملل وحدة الرتابة تاعت المقام اذا بيضل يتكرر ، نرجع ، هلاْ المفروض احنا لمن نخلص هاي الخانة انا نرجع للتسليم فنعيد هاي الخانة التانية بعدين نرجع للتسليم ( يعزف الاستاذ طارق التمرين). وهيك بتكون خلصت المقطوعه."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!