الدروس
03:18:34 ساعة
44 الدروس
العود
عزف المقطوعات السريعة على العود
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبدأ الدرس بتعريف قالب اللونجة و قالب السيرتو و ينتقل لتعريف بعض الرموز اللازمة لعزف اللونجةت على العود مثل السينيو أو اللحن المعاد و الخانات و التسليم , ثم يعطي الأستاذ طارق تطبيق على سيرتو نهوند جميل بيك الطنبوري . يركز الأستاذ طارق على فكرة استخراج التمارين من المقطوعات و التمرين على كل مازورة على حدى.


طارق الجندي:


"مرحبا انا طارق الجندي من اعزف دوت كوم.


اليوم بدرسنا التاني ، بعد ما تعرفنا على كيفي عزف السلالم هلاء رح نعرف شو الهدف منها لانه رح نبلش نعزف مقطوعات سريعه نسبيا ، اليوم رح نتعرف على قالبين ،القالب الاول اسمو اللونجا والقالب التاني اسمو السيرتو اللونجا زي ماحنا شايفين ، في عندي هاي الرموز الي هو في عندي ، واحد الي هو مكتوب اليوناني ، وبعدين في عندي علامة اس الي هي بنسميها السينيو او المرجع او اللحن المعاد الي يعني انه هذا اللحن رح يضل يتكرر بعدين في عندي مكتوب اتنين باليوناني ، وهاي رح نسميها واحد واتنين الي هي خانة اولى وخانة تانية ،بعدين في عندي التسليم او السينيو بعدين في عندي الخانة التالتة مكتوبة باليوناني ، بعدين عندي سينيو ، بعدين الخانة الرابعه بعدين سينيو بعدين بتخلص اللونجا ، اللونجا هو قالب سريع زي ماحنا شايفين ، بتتكون من هاي الاجزاء بعدين في عندي السينيو الي هو احنا بنسميه ،التسليم او المرجع ، السيرتو نفس اللونجا لكن التسليم بكون هو في البداية ، بالاول بنبلش بالسينيو زي مهو موجود ، بعدين بعدين الخانة الاولى بعدين سينيو بعدين الخانة التانية ، بعدين سينيو بعدين الخانة التالتة بعدين سينيو عالخانة الرابعه بعدين سينيو وبنخلص.


اليوم رح ناخد سيرتو نهاوند ، لجميل بيك الطنبوري ، وجميل بيك الطنبوري هو مؤلف ، عثماني ، توفى عام الف وتسعمية وستطعش وتركلنا عدة مؤلفات لالة الطنبور وسمي جميل بيك الطنبوري لانه كان يعزف طنبور ، وكانت هاي الاسماء التركية ايام زمان ، زي سبوخ افندي الكمنجاتي لانه كان عازف كمانجة ، او ادهم افندي السنطوري لانه كان عازف سنطور ، اليوم في سيرتو النهاوند رح نتعرف على شوية تقنيات خاصة كيف نعمل مؤازرة بين الايد اليمين والايد الشمال ويكوني مع بعض بشكل دقيق ، رح نتطلع انو احنا مرات رح تيجي عنا هاي الجمله وهلاء رح اشرحها ، انا في عندي هاي الصول ( يعزف الاستاذ طارق التمرين ) من مقام النهاوند ، اللابي مول بتيجي عندي ( يعزف الاستاذ طارق التمرين ) ، سي ناتشورال ، ودو ( يعزف الاستاذ طارق التمرين).


ونفس العملية هلاء رح تشوف عندي جمله ، رح نستخدم هاي الصول ( يعزف الاستاذ طارق التمرين ) واللابي مول رح تكون على وتر الصول ( يعزف الاستاذ طارق التمرين ) السي ناتشورال ( يعزف الاستاذ طارق الترمين ) على وتر اللا ودو ( يعزف الاستاذ طارق التمرين ) بس حبيت الفت النظر لهاي المعلومة ، وهي هلاء رح نشرحها بالدرس ، نيجي نتطلع على السيرتو ، زي ما حكينا السيرتو ، بتبلش بالتسليم بالسيرتو ، فنيجي نحاول نقرأها ( يقرأ الاستاذ طارق التمرين قراءة ايقاعية ) نيجي نتطلع على الريش بنعرفها داون اب داون داون اب داون ( يقرا الاستاذ طارق التمرين قراءة ايقاعية) فنيجي نتطلع بنبلش من نغمة المي ، ( يقرأ الاستاذ طارق التمرين قراءة ايقاعية ) ( يعزف الاستاذ طارق التمرين ) هاي اول مازورة ، وبهاي الكورس ،بدنا نصير نتمرن على مازورة مازورة ، نمسك اول مازورة (يعزف الاستاذ طارق التمرين ).


المازورة التانية ، سلم صاعد ( يقرأ الاستاذ طارق التمرين قراءة ايقاعية ) اتطلعو كيف ( يعزف الاستاذ طارق التمرين ) اللابي مول ، سي ناتشورال دو ، ري .. ( يعزف الاستاذ طارق التمرين ويقرأ قراءة ايقاعية ) فشايفين كيف ، المازورة التانية ( يعزف الاستاذ طارق التمرين ) كمان مرة بطيء جدا ( يعزف الاستاذ طارق التمرين ).


فصارو اول مازورتين ( يعزف الاستاذ طارق التمرين ) نتمرن عليهم ، نيجي نتطلع على المازورة التالتة والرابعه هم فعليا زي الاولى والتانية ، فنفس العملية ( يعزف الاستاذ طارق التمرين ) مع هذا الاختلاف البسيط ، صار السلم صاعد من الصول للصول ( يعزف الاستاذ طارق التمرين ) خلينا ناخدو تمرين ، ويصير ( يعزف الاستاذ طارق التمرين ) رح تشوفو كيف احنا بهادا الكورس رح نصير نشتق التمارين من كل قطعه موسيقية ومن كل مازورة والايشي الي بنستصعب عليه بنصير نعطي اهمية وانتباه اكتر ونصير نتمرن عليه ، فهون نفس العملية الاصابع لازم تكون ثابته ( يعزف الاستاذ طارق التمرين).


الي بعده المازورة رقم خمسة ( يعزف الاستاذ طارق التمرين ) نفس العملية بعدين ( يعزف الاستاذ طارق التمرين ) تكررت المازورة الي بعدها ( يعزف الاستاذ طارق التمرين)."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!