الدروس
03:18:34 ساعة
44 الدروس
العود
تمرينات لزيادة سرعة عزف اللونجات
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبدأ الأستاذ بتمرينات جديدة للريشة و اليدين على مقام العجم و يقوم بتغير السرعة و الحديث عن الريشة المقلوبة. يقوم الأستاذ بتطبيق التمرين على مقام البيات.


طارق الجندي:


"مرحبا انا طارق الجندي من اعزف دوت كوم.


اليوم رح ناخد بدرسنا الرابع كمان تمارين على الايد اليمين والايد الشمال وكيف نعمل هاضا الترابط الي بينهم ، عشان كمان تساعد وتساهم بعملية عزف اللونجة ونزيد السرعه تبعتنا ، نيجي نتطلع على التمرين الموجود على مقام العجم ، مكتوب كله ( يقرأ الاستاذ طارق التمرين قراءة ايقاعية ).


واخر بس ضلع في عندي تا لو بدنا نيجي نتطاع ، كتير مهم نتطلع على المنطق تبع التمارين فلو جينا شفنا التافا تيفي الاولى بتبلش من علامة الدو التافا تيفي التانية بتبلش من علامة الري التالتة بتبلش من علامة المي بعدين فا بعدين صول بعدين بتبلش من علامة الدو الجواب ، بعدين بتنزل لعلامة السي ، علامة اللا علامة الصول ، علامة الفا علامة المي وبتختم بالدو ، اتطلعو كيف اول ضلع من التافا تيفي هو دو ري مي فا فانا عم بعزف دو ، من عند الدو بعدين بطلع اربع درجات ، بعدين بروح للري وبطلع اربع درجات ( يقرأ الاستاذ طارق التمرين قراءة ايقاعية ) هذه الضلع التاني بالمازورة الاولى بعدين ( يقرأ الاستاذ طارق التمرين قراءة ايقاعية ).


بعدين بصير بنزل اربع درجات من الدو العالية ( يقرأ الاستاذ طارق التمرين قراءة ايقاعية ) كتير مهم نكتشف المنطق في الاشياء مشان العملية تبطل بس مجرد نوت منفصلة زي الاحرف ، احنا ما بنفكر بالاحرف لما بنحكي ، الكلمة نفسها الها معنى بس الاحرف الموجودة في تفاصيل هاي الكلمة بطل الها معنى ، لانو اتمرسنا على الكلام نفس العملية هون ، بدنا نبلش نفكر بالمنطق عشان فيما بعد نبلش نفكر في جمل ، بعدين نبلش نفكر في نوت ، نيجي نتطلع التمرين رقم واحد ، اول ضلع ( يعزف الاستاذ طارق التمرين ) (يقرأ الاستاذ طارق التمرين قراءة ايقاعية ) بعدين الضلع التاني ( يعزف الاستاذ طارق التمرين ) الضلع التالت ( يعزف الاستاذ طارق التمرين ).


عفوا المازورة التانية الضلع الاول بعدين الضلع التاني ( يعزف الاستاذ طارق التمرين ) واخر ايشي هون ( يعزف الاستاذ طارق الترمين ) بس انا عم بعمل كل وحده منفصلة بعدين بعمل بعديها رست ، هي لازم تكون بهالشكل ( يعزف الاستاذ طارق التمرين ) كمان مرة ( يعزف الاستاذ طارق التمرين ) (يقرأ الاستاذ طارق التمرين قراءة ايقاعية ) هلاء نفس المنطق ولكن بالنزول ( يقرأ الاستاذ طارق التمرين قراءة ايقاعية ) ( يعزف الاستاذ طارق التمرين ) شفتو السي اب لازم نركز عليها بعدين من السي بنبلش ( يعزف الاستاذ طارق التمرين ) من اللا ( يعزف الاستاذ طارق التمرين ) من الصول ( يعزف الاستاذ طارق التمرين ) من الفا ( يعزف الاستاذ طارق التمرين ) من المي ( يعزف الاستاذ طارق التمرين ).


بنوصل علامة السي بعدين دو بدي اعزف ابتداءا من التمرين النازل ( يعزف الاستاذ طارق التمرين ) التمرين كلو بشكل بطيء ( يعزف الاستاذ طارق التمرين ) اسرع شوي ( يعزف الاستاذ طارق التمرين ) هاضا التمرين بعد اشهر من التمرين والشغل عليه رح يصير ( يعزف الاستاذ طارق التمرين ) وهنا بنبلش نكتشف المنطق تبع الريشة المقلوبة ، ليش الريشة المقلوبة هي الي بتحققلي اكتر سرعه ، هاضا التمرين اذا بدي اعزفه كله داون (يعزف الاستاذ طارق التمرين ) نوعية الصوت تماما اختلفت ومرونة الايد اختلفت ، بس هادا مش ممكن اني احقق اعلى سرعه بالريشة تكون دايما هابطة ولكن بهذا الشكل ( يعزف الاستاذ طارق التمرين ).


نتطلع ، نفس التمرين بدنا نعمله على بيات الري لانه لازم نتمرن على كل السكيلات وتصير اصابعنا تعزف كل السكيلات بهاذا الشكل (يعزف الاستاذ طارق التمرين ).


ونفس العملية بيصير اسرع ( يعزف الاستاذ طارق التمرين)."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!