الدروس
03:18:34 ساعة
44 الدروس
العود
متابعة التمارين اليومية لليدين
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتابع الأستاذ طارق هنا شرح التمارين المهمة لليدين و ينتقل الى إعطاء تمرين لتقوية الأصبع الرابع في عزف العود.


طارق الجندي:


"التمرين الاخير الي هو تنويع على نفس العملية ، بدنا نعمل نفس السكيل تاتب تاتي ، داون اب ( يعزف الاستاذ طارق التمرين ) للمي بنرجع ( يعزف الاستاذ طارق التمرين ) فنعزفه صاعد وهابط ( يعزف الاستاذ طارق التمرين ) اول ايشي بطيء بعدين لازم يصير ( يعزف الاستاذ طارق التمرين ).


هاي التمارين بتساعد الاسد ايمين والشمال يكونو مع بعض بشكل دقيق جدا ، اخر تمري نرح نحكي بهاي الدرس هو تمرين الاصبع الرابع ، كلنا بنعرف انه الاصبع الرابع هو اضعف اصبع عند كل العازفين ، عند اغلب العازفين ، وهيك بتقوى زي ما بنقول فرح نيجي احنا نحطه بوضعية الكروماتيك سكيل ( يعزف الاستاذ طارق التمرين ) بهالشكل ، التمرين بيقول سي ناتشورال ، سي بي مول ( يعزف الاستاذ طارق التمرين).


داون اب يعني السي ناتشورال داون السيبيمول اب ( يعزف الاستاذ طارق التمرين ) بعدين سي ناتشورال لا ( يعزف الاستاذ طارق التمرين ) سي ناتشورال لا بي مول بعدين سي ناتشورال صول ( يعزف الاستاذ طارق التمرين ) هاض التمرين بدنا نطبقه على كل الاوتار يعني بعبعارة اخرى رابع تالت ( يعزف الاستاذ طارق التمرين ) رابع تاني ( يعزف الاستاذ طارق التمرين ) رابع اول ( يعزف الاستاذ طارق التمرين ) رابع زيرو ( يعزف الاستاذ طارق التمرين ) عالوتر الي قبله ( يعزف الاستاذ طارق التمرين ) ونفس العملية عالوتر الي قبله (يعزف الاستاذ طارق التمرين ) بدي ابطئلكم اياه شوي لانه رح يصير ، رح تشوفو انه رح يصير ( يعزف الاستاذ طارق التمرين).


تشنجات بهاي العضله فدايما لما بدنا نخلص ، بنمد ايدنا وبنرخيها بهاي الشكل لتحت وبنحاول انو ايدنا تترخرخ ( يعزف الاستاذ طارق التمرين ) على وتر الصول ( يعزف الاستاذ طارق التمرين).


هاي التمارين الي بتعيش مع العازف كل يوم قبل ما يحمي ايديه اليمين والشمال ، تماما تماما نفس فكرة لاعب كرة القدم ، ما بيقدر ينزل يلعب مباراة اذا ما كان محمي ، اذا ما كانو عضلاتو مستعدين انو يركض انو يعمل هجوم ، نفس العملية عضلاتنا ما رح تكون مستعده انه نعمل لونجا بسرعه اذا ما كنا محميينها ، فهاي التمارين كتير مهمة.


لازم نعطي للتمارين ما يقارب التلت او النص ساعه احماء يومي ، بعدين بنبلش نعزف الي بدنا اياه بعدين بتشوفو كيف الفرق رح يكون."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!