الدروس
03:18:34 ساعة
44 الدروس
العود
الخانة الثالثة من لونجة شهرزاد
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبدأ الدرس الأخير من سلسلة فيديوهات تعلم العود 3 بتمرين على الإزاحة قبل الإنتقال لشرح الخانة الثالثة من لونجة شهرزاد.


طارق الجندي:


"مرحبا انا طارق الجندي من اعزف دوت كوم.


اليوم باخر درس لالنا رح نكمل الخانة التالتة والخانة الرابعه من لونجه شهرزاد قبل ما نبلش بالخانة التالته خلينا نتطلع على التمرين الموجود عنا ، بدنا نحكي عن عملية شيفتينج احنا رح نستخدمها هون ، وهي رح تبلش من وتر الدو ( يعزف الاستاذ طارق التمرين ) عندي اول نوتة بالتمرين دو ، النوتة التانية رح تيجي ري هاف بوزيشن بالاصبع الاول ، الميبي مول بالاصبع التاني ، بعدين في عندي علامة الفا ( يعوف الاستاذ طارق التمرين ).


بالاصبع الاول بعدين في عندي الصول ( يعزف الاستاذ طارق التمرين ) تمرين الشيفتينج الي لازم نشتغله هلاء مكتوب زي مهو مكتوب عندي ( يقرأ الاستاذ طارق التمرين قراءة ايقاعية ) بينعاد تلات مرات تلات موازير بعدين دو ، هلأ هو التمرين انا رح اعزفلكم اياه بعدين رح نفصل في ( يعزف الاستاذ طارق التمرين) نحكي هلاء في بشكل بطيء اول ايشي عملية الشيفتينج الي عم بتصير بتصير بين الميبي مول بالاصبع التاني ( يعزف الاستاذ طارق التمرين ) وبين نغمة الفا ( يعزف الاستاذ طارق التمرين ).


لما اجي بدي اعمل هادا الشيفتينج لازم يكون اصبعي الاول ثابت على نغمة الري يعني انا عم بعمل ميبي مول ( يعزف الاستاذ طارق التمرين ) بدون ريشة لما بدي اجي اعمل عملية الانتقال لازم يكون بهالشكل يعني اصبعي الاول ما بيصير يكون ( يعزف الاستاذ طارق التمرين ).


هيك في احتمالية نشاز كتير عالية بهالشكل ( يعزف الاستاذ طارق التمرين ) حتى لما برجع ، بس عملية الرجوع زي ماحنا ملاحظين انو الاصابع اقرب الى الزند ، هاي فا ( يعزف الاستاذ طارق التمرين ) ملاحظين انو اصبعي الاول ثابت فدايما اذا نغمة الري صحيحة ( يعزف الاستاذ طارق التمرين ) بتطلع الميبي مول صحيحة ( يعزف الاستاذ طارق التمرين ) بنوصل للفا بنعمل بعدين صول ( يعزف الاستاذ طارق التمرين ) بالاصبع التالت ( يعزف الاستاذ طارق التمرين ) وبنتأكد منها بهالشكل ( يعزف الاستاذ طارق التمرين ) فا ، مي ، اول ايشي بنصح بهاد التمرين انو ميبي مول ( يعزف الاستاذ طارق التمرين ) فا ، اول ايشي بضرب بنقل اصبعي ( يعزف الاستاذ طارق التمرين). 


بعدين بتنزل ريشتي بهالشكل عشان نتجنب هاد الصوت ( يعزف الاستاذ طارق التمرين ) هادا الصوت بدنا نتجنبه ، الشغله التانية الي بدي احكيها ، برجع بذكر انه كيف ابهامي بينزل بهالشكل قطري ، بدنا اياه يضل بهالشكل الي هو ثابت نيجي نتطلع على هاد التمرين ( يعزف الاستاذ طارق التمرين) هاي التمارين خاصة تمارين الشيفتينج عملية الازاحه والانتقال دايما لازم تكون بدون الفيبراتو الي هي عمليات الاهتزاز يعني مش لازم اعمل ( يعزف الاستاذ طارق التمرين ).


لانه الفيبراتو تقريبا بيضيع العمل الصحيح ، نبلش نتمرن عليها ( يعزف الاستاذ طارق التمرين ) مشان اذا ما زبطت معانا من اول مرة مثلا ، تصير عيني قادرة تقدر بالنظر وين الفا لانه بنعرف هاي الميبي مول ، وهاي الفا هاض الحكي بيصير بيجي ، مشان هيك الوحد لازم ستطلع عالعود وبيصير بيجي معاه مع الوقت."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!