الدروس
03:18:34 ساعة
44 الدروس
العود
علامة التريولي
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

تتعرف هنا على علامة إيقاعية جديدة و هي التريولي و يعطي التمرينات اللازمة لإتقان عزف الترويولي.


طارق الجندي:


"مرحبا انا طارق الجندي من اعزف دوت كوم.


اليوم بدرسنا رقم واحد وعشرين ، رح نتعرف على علامة التريولي او الي بيسموها التافاتي او التاكاتيه ، وهي زي مانتو شايفين ، هي تلاتة كروش موصولين بعض ، وفي فوقيهم علامة التلاته وهادا يعني انو بيصير كل نغمة زمنها ثلث ، وثلاث اثلاث بيساوي واحد فهي تلات ضربات بزمن ضربة ، فانا في عندي احنا بنعرف التا ( يعزف الاستاذ طارق التمرين ) التاتي ( يعزف الاستاذ طارق التمرين ).


بدي احاول افرجيكم هون بدي اعزف انا ( يعزف الاستاذ طارق التمرين ) تاتي هي ضربتين بزمن ضربة ، هون ، ( يعزف الاستاذ طارق التمرين ) اذا بتلاحظو تلات ضربات بزمن ضربة ، فبنسميها ترويولي ترويولي ، وبنعزفها ، بالشكل التالي ( يعزف الاستاذ طارق التمرين ).


هابط صاعد هابط هابط صاعد هابط داون اب داون ترويولي ترويولي تلات ضربات بزمن ضربة ، نيجي نتطلع بنقدر ناخدها هي بس على وتر الصول نعملها ( يعزف الاستاذ طارق التمرين ) رح تلاحظو شغلة انو داون اب داون داون اب داون ( يعزف الاستاذ طارق التمرين ) عشان يبين النبر اقوى فبنصير نفس العملية بنحطها الي اشتغلنا عليهم عالريش وتصير تسرع شوي شوي ( يعزف الاستاذ طارق التمرين ).


نيجي نتطلع على التمرين المكتوب عندي على ميزان تنين على اربعه ، ( يقرأ الاستاذ طارق التمرين قراءة ايقاعية ) ون تو ( يعزف الاستاذ طارق التمرين) بهالشكل ، بدي احاول اعزف واحكي ( يعزف الاستاذ طارق التمرين ) ( يقرأ الاستاذ طارق التمرين قراءة ايقاعية ) التمرين الي بعده هو التمرين الي حكيتلكم عنو ، انو ناخد ترويولي لحالها ، ( يعزف الاستاذ طارق التمرين ) بنطبقو على كل السلالم ، مثلا سلم الرصد ما طبقنا عليه هلأ ايشي ، ( يعزف الاستاذ طارق التمرين ).


هلأ بدنا نحاول نعزف التمرين رقم تلاته عليها ، خلينا نتطلع عليه ( يقرأ الاستاذ طارق التمرين قراءة ايقاعية ) نتطلع اول ضلع بيبلش من الدو بعدين من الري بعدين من المي بعدين من الفا بعدين من الصول بعدي نمن ال لا برجع بنزل من الدو من السي من ال لا من الصول من ال فا من المي ، فهو رح يكون هيك (يقرأ الاستاذ طارق التمرين قراءة ايقاعية ) ( يعزف الاستاذ طارق التمرين ).


رح نستصعب اوليتها فكرة الداون اب داون داون اب داون ( يعزف الاستاذ طارق التمرين ) رجع دو لا سي سي لا صول ( يعزف الاستاذ طارق التمرين ) بهالشكل ، ارجع اعيدها ( يعزف الاستاذ طارق التمرين ) ارجع اعيد التمرين كلو ( يعزف الاستاذ طارق التمرين ) نفس التريولي الي ممكن ناخدها على الكرومتيك ( يعزف الاستاذ طارق التمرين ). 


وبنرجع رجوع ، هاي الوحده كتير مهمة لانه احنا دايما عقلنا بيقسم على ايشي زوجي تا تاتي داون اب داون اب داون اب بس لما تكون عندي داون اب داون داون اب داون فانا في عندي شكل لازم يكون موجود عشان يصير النبر لانه احنا لما نعمل ( يعزف الاستاذ طارق التمرين ).


دايما النبر رح يكون قوي على اول نغمة فهاي الوحده كتير مهمة رح تمر معانا على قطع مش بهادا الكورس ، ان شاء الله بالكورس الجاي بس قلت لازم اني اقدمها بهادا الشكل عشان تكون موجودة ، مرت معانا بموطني بس هديك شرحتها بهجيك اللحظة بس هو رح تفوت من ضمن تمارينا اليومية."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!