الدروس
03:18:34 ساعة
44 الدروس
العود
مقطوعة سماعي بيات عربي
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يتحدث الأستاذ هنا عن الشكل البنائي لقالب السماعي , و يقوم بشرح هذ االسماعي و هو على مقام البيات.


طارق الجندي:


"مرحبا انا طارق الجندي من اعزف دوت كوم.


اليوم بدرس رقم تلات طعش ، رح نتعرف على مقطوعه اسمها سماعي بيات عربي وهادا القالب الي هو سماعي الي رح نتعرف عليه ، هو مشتق من ايقاع السماعي الثقيل ، الي احنا درسنا.


نتطلع التكوينة او الشكل البنائي للسماعي بيكون تماما نفس اللونجه في ، انا في عندي خانة اولى وفي عندي تسليم الي فيو السينيو برجع بنعاد ، بعدين في عندي خانه تانية ، بنرجع للتسليم ، في عندي خانة تالتة بنروح للتسليم وفي عندي خانة رابعه ، وعادة الخانة الرابعه بيكون فيها تغيير ميزان ، بتصير عبارة عن رقصة وبتصير عبارة عن مقطوعه ، بتكون اسرع ، بس بهادا السماعي كلو رح يكون عشرة على تمانية ، اخر ايشي بنروح للتسليم وبنختم بالسماعي ، ، السماعي موجود على مقام البيات ، بيات الري ، في عندي السي بي مول والمي نص بي مول ونفس العملية بادي ب بيك اب او بداي ب لافاري ، لو بدنا نحاول نقرأه ايقاعيا ، نبلش من اول ( يقرأ الاستاذ طارق التمرين قراءة ايقاعية ) اذا احنا بنلاحظ انو الوحدات تبع المازورة الاولى والمازورة التانية نفس الشي ، بدي احاول هلاء اقرأها مع نغم ثري فور ، ( يقرأ الاستاذ طارق التمرين قراءة ايقاعية ).


نيجي نتطلع على اخر ضلع في المازورة التانية ( يقرأ الاستاذ طارق التمرين قراءة ايقاعية ) بيبلش عندي بيروح وين على التسليم ( يقرأ الاستاذ طارق التمرين قراءة ايقاعية ) بحاول اقرأه كمان من نفس الضلع اخر ضلع بالمازورة التانية مع نغم ، ( يقرأ الاستاذ طارق التمرين قراءة ايقاعية ) اوك ،بدي احاول اعزفها ، بنبلش من اللا ( يعزف الاستاذ طارق التمرين ).


اول موضوع ، كمان مرة ( يعزف الاستاذ طارق التمرين ) الي بعده ( يقرأ الاستاذ طارق التمرين قراءة ايقاعية ) وبنرجع لوين ، من عند علامة الاعاده لعند الصول ، نحاول نقرأ من عند البيك اب تاع المازورة التانية الي في تسليم الي هو ( يقرأ الاستاذ طارق التمرين قراءة ايقاعيىة ) هلاء بدنا نروح عالتانية ( يقرأ الاستاذ طارق التمرين قراءة ايقاعية ) خليني اعزف من البيك اب تاع المازورة التانية في التسليم ( يعزف الاستاذ طارق التمرين ).


بنكون احنا هيك عملنا الخانة الاولى الي هي مازورتين عندي ، بعدين تسليم الي هو واحد تنين تلاتة اربعه ، خمس موازير مع البريما بعدين بيصير سته مع السيكوندا ، من اول ، ( يعزف الاستاذ طارق التمرين).


هيك بنكون خلصنا الخانة الاولى والتسليم من سماعي بيات عربي قديم ، كمان في تسجيلات الو ، ممكن انو نسمعها وممكن نعزف معاها وكتير مهم انو نقرأ ونحاول نزقف الايقاع.


بشوفكم بالحصة الجاي بنكمل الخانة التانية والتالتة والرابعه."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!