ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
الأوتار الثلاثة الأولى

في الدرس الثالث نتعرف على أول ثلاثة أوتار في العود (سول ، لا، ري) و نطبق تمارين للتعرف على الأوتار و مكانها في المدرج الموسيقي.


طارق الجندي:


"مرحبا، أنا طارق الجندي من إعزف دوت كوم، اليوم بدرسنا التالت راح نعزف على أول تلات أوتار مطلقه و راح نتعلمهم. بعد ما حكينا بالدرسين الماضيين عن بعض الرموز الموسيقيه، و كيف نمسك آلة العود و كيف نحطها و نثبتها، و كيف نمسك الريشه، اليوم راح نتعرف على هدول التلات أوتار، نيجي نتطلع، مكتوب عندي أول وتر إسمه صول، و هو أول وتر بالعود (يعزف الأستاذ طارق التمرين) و الصول زي ما إحنا شايفين بيجي تحت المدرج الموسيقي و في خطين فوقيه، و بعدين في عندي الوتر التاني إسمه لا (يعزف الأستاذ طارق التمرين)، في خط بيقطعه و في خط فوقيه، و بعدين عندي الوتر التالت كمان بيجي تحت المدرج و إسمه راي (يعزف الأستاذ طارق التمرين).


ما في ولا إشي بيقطعه، فنيجي نتطلع، صول (يعزف الأستاذ طارق التمرين)، بعدين لا (يعزف الأستاذ طارق التمرين)، راي (يعزف الأستاذ طارق التمرين).


برجع بذكر كيف لازم تكون زاوية ريشتي خمسه و أربعين درجه و أضرب و أركي عالوتر اللي بعده (يعزف الأستاذ طارق التمرين)، بعدين لا (يعزف الأستاذ طارق التمرين)، راي (يعزف الأستاذ طارق التمرين).


تمام، نيجي نتطلع على تمرين القراءه اللي موجود عندي، بالمازورا الأولى مكتوب صول بعدين لا، بالمازورا التالته لا، المازورا الرابعه صول، الخامسه صول، السادسه لا، السابعه لا، خلص السطر الأول، السطر التاني، النوته الأولى راي، بعدين لا راي صول راي لا صول، أحاول أقرأه أسرع شوي، بس هو بدون زمن، نيجي نتطلع عندي، صول لا لا صول صول لا لا راي لا راي صول راي لا صول، هلأ راح نمسك العود و نيجي نتطلع على تمارين النغمات على الصول و اللا، أول وتر عندي إسمه صول (يعزف الأستاذ طارق التمرين).


و الوتر التاني إسمه لا (يعزف الأستاذ طارق التمرين)، نيجي نتطلع على التمرين رقم واحد، بالمازورا الأولى مكتوب صول صول صول صول، بالمازورا التانيه مكتوب لا لا لا لا، بالمازورا التالته صول صول لا لا، بالمازورا الرابعه صول صول لا لا، بالمازورا الخامسه صول صول لا لا، آخر مازورا صول صول صول صول، راح نبلش نعزف هاد التمرين و لكن بإستخدام المترونوم اللي حكينا عنه، و راح أحط السرعه على تنين و خمسين، بدنا سرعه بطيئة عشان نقدر نمشي مع البترونوم، قبل ما نعزفه بدنا نحاول نقرأه مع البترونوم، نشوف على سرعه تنين و خمسين (يقرأ الأستاذ طارق التمرين قراءة ايقاعية) ون تو ثري فور، صول صول صول صول، لا لا لا لا، صول صول لا لا، صول صول لا لا، صول صول لا لا، صول صول صول صول، نحاول نعزف معه، ون تو ثري فور صول صول صول (يعزف الأستاذ طارق التمرين).


هادا التمرين الأول، هاي المرحله راح تكون شوي صعبه، لإن أنا بحاجه إني أركز على النوت، بحاجه إني أقرأها، بحاجه إني أتطلع على الريشه و هي عم بتروح بس على وترين، على الصول و على اللا، و بدي أركز على المترونوم، و بفضل انبلش نتدرب من هلأ على البترونوم عشان تكون القيم الزمنيه ثابته بالنسبه لإلي و الزمن ما فيه خربطه، نيجي نتطلع على التمرين التاني (يقرأ الأستاذ طارق التمرين قراءة ايقاعية).


صول صول لا لا صول صول لا لا لا لا صول صول لا لا صول صول، و زي ما إننتوا ملاحظين إن أنا ببلش أقرأ قبل ما أعزف عشان نثبت هاي الأشكال، فهون أنا بحل أول مشكله، بعدين بيصير عندي التركيز على إيدي و على الزمن، نيجي نحاول بدي أشتغلها بدون زمن، أول مازورا صول صول (يعزف الأستاذ طارق التمرين)، المازورا التانيه لا لا (يعزف الأستاذ طارق التمرين)، المازورا التالته صول صول (يعزف الأستاذ طارق التمرين)، الرابعه لا لا (يعزف الأستاذ طارق التمرين)، الخامسه لا لا (يعزف الأستاذ طارق التمرين) السادسه صول صول (يعزف الأستاذ طارق التمرين)، بعدين لا لا (يعزف الأستاذ طارق التمرين)، هلأ صول صول (يعزف الأستاذ طارق التمرين).


نحاول نشتغله مع البترونوم على تيمبو تنين و خمسين، ون تو صول صول (يعزف الأستاذ طارق التمرين). زي ما إحنا شايفين، عملية استخدام المترونوم بتسهل علي عشان أعرف أنا وين صرت، و الشغله التانيه عشان ما آخد بعض الوقفات بين الموازير، لإن في كثير ناس بتفكر إن الخط الفاصل هو عباره عن وقفه، لأ هو مش وقفه، هو زي كإن فاصله عشان يفرجيني الجمله اللي بعدها، بس هو لا يعني أي سكته. فزي ما إنتوا شايفين، حتى إزا كان التمبو تنين و خمسين شوي سريع، ممكن انبطئه شوي بس كثير مهم إني أنا أحس باالنبض اللي موجود، أركز على إيدي اليمين، و أركز على إيدي الشمال.


زي ما إحنا عارفين إن إحنا حاطينها هون ما عم بنستخدمها زي ما أنا حكيت في الدرس الأول و نركز على الزمن، كثير مهم إن نقرأ، نتمرن مع المترونوم حتى لو كان صعب أولها بس بعدين راح يصير إسهل.


نتمرن على أول تمرينين، بعدين بالجزء التاني راح نعمل التمرينين التالت و الرابع."


فيديوهات دروس الدورة - تعلم العود 1
1 مقدمة عن العود Opened 07:58
2 المدرج الموسيقي Opened 05:55
3.1 الأوتار الثلاثة الأولى Opened 06:54
3.2 تمارين اوتار العود سول لا ري Opened 06:54
4 اليد اليسرى Opened 09:59
5 وتر الري على العود Opened 08:02
6.1 الزمن الموسيقي في العود Opened 04:44
6.2 الزمن في عزف العود Opened 05:44
7 تطبيق على وتر الري Opened 10:00
8 وتر السول على العود Opened 11:53
9 تطبيق على وتر السول على العود Opened 08:16
10.1 وتر الدو Opened 08:10
10.2 سلم الدو Opened 03:56
11.1 مفهوم البعد الثالث Opened 05:07
11.2 علامات التحويل Opened 07:44
12 تطبيقات على علامات التحويل Opened 06:45
13 نغمات وتر الدو Opened 09:48
14.1 علامة الريست Opened 04:29
14.2 أغنية بعدك على بالي Opened 08:30
15 مقام بيات ري Opened 07:59
16 أغنية وين عا رام الله Opened 08:37
17 مفهوم الدولاب Opened 07:27
18 موشح جادك الغيث Opened 05:54
19 مقام الصبا Opened 08:40
20 علامة النقطة Opened 11:12
21 مقام الحجاز Opened 05:51
22.1 علامة الربط تاي Opened 06:08
22.2 مقدمة في مقام الحجاز Opened 05:12
23.1 أغنية نسم علينا الهوا Opened 05:11
23.2 متابعة أغنية نسم علينا الهوا Opened 05:28
24 مقام الراست Opened 05:35
25.1 علامة النوار المنقوطة Opened 07:25
25.2 متابعة علامة النوار المنقوطة Opened 05:15