الدروس
03:49:22 ساعة
33 الدروس
العود
اليد اليسرى
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار
في الدرس الرابع نتعلم الوضعية الصحيحة للعزف باستخدام اليد اليسرى و أرقام الأصابع و نطبق تمارين لتدريب    اليد اليسرى.


طارق الجندي: 

"مرحبا، أنا طارق الجندي من إعزف دوت كوم، اليوم بدرسنا الرابع راح نتعلم كيفية إستخدام اليد اليسرى، أول إشي إيدنا الشمال لازم نتخيل كإنو إحنا ماسكين تفاحه بهالشكل، فنيجي نتطلع الإبهام أول إصبع بده يكون في أول الزند، غلط يكون إبهامي بهادا الشكل يكون معلق، لازم يكون بهادا الشكل، الشغله التانيه، العزف بده يكون برؤوس الأصابع، يعني غلط إني أنيم الأصابع بهالشكل على الأوتار، زاوية أصابعي بتكون زي زاوية المخالب، غلط تكون هيك لازم تكون هيك بهادا الشكل، نيجي نتطلع إذا بحط إبهامي عند أول الزند راح يكون إصبعي الأول كمان في أول الزند، بده ييجي أصبعي التاني تقريباً بعد الإبهام فالإبهام هو بين الإصبع الأول و التاني بعدين بده ييجي التالت بعدين بده ييجي الرابع، أخدنا إحنا أول وتر سميناه الصول (يعزف الأستاذ طارق التمرين)، بعدين في عندي وتر اللا (يعزف الأستاذ طارق التمرين)، هلأ هادا الإصبع هو الإصبع رقم صفر لإن إحنا ما بنستخدمه، فهادا راح يكون إصبع رقم واحد تنين تلاته أربعه، نيجي نتطلع عندي نغمة اللا بنعرفها، نيجي نتطلع يتم العفق بالإصبع تنين لعزف نعمة السي، و السي هاي بتيجي زي ما إحنا شايفينها تحت المدرج و بس في خط فوقيها، فعندي هاي لا (يعزف الأستاذ طارق التمرين) الإصبع التاني بهذا الإصبع لازم يكون الضغط للآخر، إذا ما كان الضغط للآخر بده يطلع الصوت هيك (يعزف الأستاذ طارق التمرين)، فأنا لازم أضغط للآخر، نيجي نتطلع لا (يعزف الأستاذ طارق التمرين)، سي (يعزف الأستاذ طارق التمرين)، لازم نحس بهاي المسافة اللحنيه، لا (يعزف الأستاذ طارق التمرين)، فلازم تكون هي هيك لا (يعزف الأستاذ طارق التمرين)، سي (يعزف الأستاذ طارق التمرين)، هاي السي بتيجي بالإصبع التاني، عندي كمان يتم العفق بالإصبع تلاته لعزف نغمة الدو، هاي الإصبع التاني، هاي الإصبع التالت، فهاي نغمة الدو اللي زي ما إحنا شايفينها عالمدرج بتيجي تحت المدرج و في خط بيقطعها فهاي دو (يعزف الأستاذ طارق التمرين)، عندي لا (يعزف الأستاذ طارق التمرين)، سي (يعزف الأستاذ طارق التمرين)، بعدين دو (يعزف الأستاذ طارق التمرين)، برجع بذكر أصابعي شايفين كيف زي المخالب، إيدي مش بهالشكل، غلط تكون بهالشكل ممسوكه، لازم تكون مرخيه، هادا المفصل لازم يكون مطعوج لتحت مش مطعوج لفوق مش بهالشكل، بهالشكل، و لازم يكون مرتاح، فنيجي عندي لا (يعزف الأستاذ طارق التمرين)، سي (يعزف الأستاذ طارق التمرين)، دو (يعزف الأستاذ طارق التمرين)، أول تلات نغمات، نيجي نعمل و نشوف تمرين القراءه اللي موجود عندي، أول نغمه لا برجع بذكر لا، خط بيقطعها خط فوقيها، تاني نغمه سي، خط فوقيها، التالته سي لا سي سي دو، بعدين سي دو لا دو لا، تمام، نيجي نتطلع عندي أول حكينا نغمه اللي هي اللا (يعزف الأستاذ طارق التمرين)، على الوتر المطلق زيرو بعدين عندي سي بالتاني (يعزف الأستاذ طارق التمرين).


نقرأ إكسرسايز رقم واحد، مكتوب عندي لا لا لا لا، بعدين سي سي سي سي، بعدين لا لا سي سي، بعدين سي سي لا لا، السطر التاني سي سي سي سي، لا لا لا لا، نحاول نقرأه مع المترونوم، على سرعه أو تيمبو تنين و خمسين، ون تو ثري فور (يقرأ الأستاذ طارق التمرين قراءة ايقاعية)، لا لا لا لا، سي سي سي سي، لا لا سي سي، سي سي لا لا، سي سي سي سي، لا لا لا لا، ون تو ثري فور لا (يعزف الأستاذ طارق التمرين)، سي (يعزف الأستاذ طارق التمرين)، لا (يعزف الأستاذ طارق التمرين)، سي (يعزف الأستاذ طارق التمرين)، هلأ سي (يعزف الأستاذ طارق التمرين)، لا (يعزف الأستاذ طارق التمرين)، سطر تاني، سي (يعزف الأستاذ طارق التمرين)، لا (يعزف الأستاذ طارق التمرين)، هاي المرحله راح تتطلب مني إني أركز على إيدي الشمال، إيدي اليمين، النوته و الزمن، فممكن أول إشي أعزفه من دون مترونو بعدين ببلش أعزفه مع مترونو بس في النهايه لازم نكون قادرين إنا نعزفه بهادا الإنتظام، نيجي نتطلع على تمرين رقم تنين، تمرين رقم تنين مكتوب عندي، لا لا سي سي لا سي لا سي لا لا سي سي سي لا سي لا، بدي أحكي ملاحظه صغيره هون، لما أنا بعمل لا (يعزف الأستاذ طارق التمرين)، بدي أعمل سي، أصابعي ما يكونوا كتير بعاد يعني مش لا (يعزف الأستاذ طارق التمرين)، إتطلعوا قديش عم بيصير في عندي طاقه مهدوره بأجزاء من الثانيه و عم بتطلع صوت بشع، فهي دايماً لازم تكون أصابعي قريبه من الوتر، لا (يعزف الأستاذ طارق التمرين)، سي (يعزف الأستاذ طارق التمرين)، لا (يعزف الأستاذ طارق التمرين)، عشان تكون الحركه أقل إشي يذكر، نقرأه مع مترونو بعدين نعزفه، ون تو (يقرأ الأستاذ طارق التمرين قراءة ايقاعية)، لا لا سي سي لا سي لا سي لا لا سي سي سي لا سي لا، ون تو (يعزف الأستاذ طارق التمرين)، هادا كان التمرين رقم تنين، نيجي نتطلع على التمرين رقم تلاته، زي ما إحنا شايفين أول نغمه عندي إسمها لا (يعزف الأستاذ طارق التمرين)، بعدين النغمه التانيه إسمها سي (يعزف الأستاذ طارق التمرين)، النغمه التالته إسمها دو، بتيجي بالإصبع التالت (يعزف الأستاذ طارق التمرين)، لما بدي أعمل نغمة الدو، هادا السي ما يضل فالت، بالعكس يضل ثابت، زي ما إحنا شايفين الإشاره اللي عندها نجمه بعدين سهم، يعني الإصبع تنين يبقى ثابت لما إحنا بنعمل النغمه بالأصبع التالت، يعني هاي لا (يعزف الأستاذ طارق التمرين)، سي (يعزف الأستاذ طارق التمرين)، دو (يعزف الأستاذ طارق التمرين)، ضل ثابت ما حركته، ليش؟ عشان لما بدي أعمل سي دو سي دو بعملها بهالشكل (يعزف الأستاذ طارق التمرين)، ما بعملها بهالشكل (يعزف الأستاذ طارق التمرين)، بتبين الحركه اللي موجوده عندي، نيجي نتطلع على التمرين رقم تلاته نقرأه بالكمبيوتر هون، لا لا سي سي لا لا سي سي دو دو دو دو سي سي دو دو لا لا سي سي دو دو لا لا، مع المترونوم، ون تو ثري ون تو، لا لا (يعزف الأستاذ طارق التمرين)، لا (يعزف الأستاذ طارق التمرين)، سي (يعزف الأستاذ طارق التمرين)، هلأ دو بيضل ثابت (يعزف الأستاذ طارق التمرين)، سي (يعزف الأستاذ طارق التمرين)، دو (يعزف الأستاذ طارق التمرين)، شايفين إصبعي ثابت، لا (يعزف الأستاذ طارق التمرين)، هادا كان التمرين رقم تلاته. نيجي نتطلع على تمرين رقم أربعه، مكتوب عندي لا لا سي سي دو دو سي سي دو دو سي سي دو دو سي سي لا لا سي سي دو دو لا لا، مع المترونوم، ون تو ون تو (يقرأ الأستاذ طارق التمرين قراءة ايقاعية)، لا لا سي سي دو دو سي سي دو دو سي سي دو دو سي سي لا لا سي سي دو دو لا لا، ون تو (يعزف الأستاذ طارق التمرين)، الإصبع الثاني بيضل ثابت عالدو بدعملها، هادا كان التمرين رقم أربعه. في عندي ملاحظه بتحكي يجب الإنتباه لبقاء الإصبع تنين ثابت عند عزف نغمة الدو، فاللي بدنا نحكيه إن هاي الملاحظه كتير مهمه و راح اتضلها معانا لآخر الكورسات، لإن هاي راح يترتب عليها عمليات الإنتقال بين الأصابع. و هيك بنكون خلصنا الدرس الرابع."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!