الدروس
03:49:22 ساعة
33 الدروس
العود
أغنية بعدك على بالي
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

الجزء الثاني من الدرس الرابع عشر هو تطبيق على مقام النهاوند وهي أغنية بعدك على بالي للسيدة فيروز.


طارق الجندي:

"بالجزء التاني من درس رقم أربعطعش، راح نتعرف على هاي الأغنيه اللي إسمها بعدك على بالي لفيروز، بس نيجي نتطلع بدي ألفت نظركم لشغله إن علامة الفاين أو الفيناله موجوده بنصف المقطوعه اللي هي موجوده بالسطر الرابع بآخر السطر الرابع، بس عهادا مش معناه إن إحنا نختم الأغنيه بالسطر الرابع لإن لسا فيها تكمله، في هاي الحال لازم نكمل الأغنيه للآخر، لإن راح يكون في عندي إشارة ترشيديه، بس لما أخلص لما نوصل لآخر مازورا تحت في كلمه مكتوبه دي سي أول فينه، يعني و هي بإختصار بالإيطالي، ذا كابو أول فيناله، يعني بترجع تعيد من الأول لعند علامة الفيناله بتوقف عندها، هلأ راح نشوف هادا الجكي كيف بيبين عندي، هلأ مع المترونوم نحاول نقرأها، (يقرأ الأستاذ طارق التمرين قراءة ايقاعية)، أول مازورا تا تا تتي تتي تا، ثري فور، تا تتي تا تتي، ون تو ثري فور، تا تتي تا تتي، ون تو ثري فور، بدي أحط معها النغمات اتطلعوا كيف، ثري فور (يقرأ الأستاذ طارق التمرين قراءة ايقاعية)، لا مي فا مي فا صول مي فا مي فا صول فا مي راي، ثري فور، مي راي مي فا مي راي دو راي دو راي مي راي دو سي دو سي لا فا مي فا صول مي، بحاول أعزف، ون تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، تو ثري فور (يعزف الأستاذ طارق التمرين)، تو ثري فور (يعزف الأستاذ طارق التمرين)، تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، تو توتو ثري فور (يعزف الأستاذ طارق التمرين)، بنعيد من الأول تو ثري فور (يعزف الأستاذ طارق التمرين)، ما راح أمل بس راح أحكي معلومه مهمه لإن أكيد في منكم تسائل طب هاي كيف نهاوند لا و ما عندها ولا علامة تحويل، ليش ما تكون عجم دو؟ اللي بدي أحكيه إن مقام العجم و مقام النهاوند من المقامات المرتبطه في بعض، و لكن هون كيف حسينا إن هاي المقطوعه هي عباره عن نهاوند لا أول إشي اتطلعوا، نهاوند اللا مقام (يعزف الأستاذ طارق التمرين)، إله طابع حزين شوي، مش زي عجم الدو (يعزف الأستاذ طارق التمرين)، مع إنهم بنفس العلامات بنفس علامات التحويل، ما في علامات تحويل التنين طبيعيين بس كل واحد بلش من درجه، هداك بلش من اللا و هادا بلش من الدو، بس اتطلعوا الأغنيه كيف بلشت و كيف ختمت، هلأ راح نشوف الختمه تحت، راح نشوف إن هي آخر النغمه الإستقرار (يعزف الأستاذ طارق التمرين)، ختمت على اللا، فكتير مهم المقام كمان نعرف وين عم بيختم، بنروح على الجزء التاني، أنا ما عم بقرأ لإني عارف إنكم بلشتوا تقدروا تقرأوا و اتبعوا مع المترونوم اللي أنا عم بشتغل عليه و لكن بدي أقرأ أول الجزء الثاني لإن عندي تطبيق على علامة الرست، ون تو ثري فور (يقرأ الأستاذ طارق التمرين قراءة ايقاعية)، تا تتي تا تا تا تا تا رست تا تتي تا تا تتي تا تا، في عندي علامة إعاده بدي أرجع أعيد من نفس الموضوع تا تتي تا تا صول لا لا لا لا لا لا لا صول لا سي لا صول لا سي لا صول فا صول لا صول فا مي مي فا فا صول صول لا لا مي مي لا لا صول لا صول فا فا صول صول فا صول فا مي راي فا مي راي دو سي لا راي راي مي دو سي لا، و برجع بعيد من أول بالعزف، خلينا نعزف الجزء التاني، ثري فور (يعزف الأستاذ طارق التمرين)، رست بعدين تا تتي داون أب، بنرجع بنعيد (يعزف الأستاذ طارق التمرين)، رست (يعزف الأستاذ طارق التمرين)، تو ثري فور (يعزف الأستاذ طارق التمرين)، من أول ون تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، تو ثري فور (يعزف الأستاذ طارق التمرين)، تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو تو (يعزف الأستاذ طارق التمرين)، ون تو ثري فور، و بنسكر لإن بتكون هون علامة الفينالي، هيك بنكون خلصنا الدرس أربعطعش."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!