الدروس
03:49:22 ساعة
33 الدروس
العود
مفهوم البعد الثالث
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في الجزء الأول من الدرس الحادي عشر نتعرف على مفهوم البعد الثالث و نطبق تمارين عليه.


طارق الجندي: 

"مرحبا، أنا طارق الجندي من إعزف دوت كوم، اليوم بدرسنا رقم احدعش راح نعمل تطبيق على علامة التتي و على تمارين على البعد الثالث، شو يعني خلينا نشرح هادا التمرين، شو يعني البعد الثالث؟ نيجي نتطلع عندي على أول مازورا مكتوب تتي تتي على نغمة الدو، بعدين المازورا التانيه على نغمة المي، المازورا التالته على نغمة الراي، بعدين المازورا الرابعه على نغمة الفا، عم بنشوف إن في قفزات بين النغمات، فنيجي نتطلع أول نغمه دو، بعدين النغمه التانيه مي يعني دو راي مي، صار في قفزه لتلات نغمات، هاي أول جمله دو مي، بعدين المازورا التالته بلشت من الراي، بعدين المازورا اللي بعدها فا، راي مي فا، صار في قفزه لمده تلات نغمات، فبنيجي نتطلع هادا عملية القفز ببلش أنا من الدو بيجي بعديها المي بعدين بطلع للراي بيجي بعديها فا، بروح للمي بيحي بعديها صول، فهي دايماً بين كل نغمه و نغمه تلات درجات موسيقيه هي ثلاث نغمات، هادا بنسميه تمرين على البعد الثالث، نيجي نتطلع على الإيدين كيف عم بيشتغلوا، هاي أول إشي دو (يعزف الأستاذ طارق التمرين)، بعدين بدها تيجي بعديها المي بتكون ثابته (يعزف الأستاذ طارق التمرين)، يعني لو فلتت الدو اتطلعوا شو راح يصير (يعزف الأستاذ طارق التمرين)، سمعتوا صوت الوتر (يعزف الأستاذ طارق التمرين)، طلع هادا الصوت (يعزف الأستاذ طارق التمرين)، بدي اياه يكون (يعزف الأستاذ طارق التمرين)، بعدين مي (يعزف الأستاذ طارق التمرين)، بعدين راي (يعزف الأستاذ طارق التمرين)، فا (يعزف الأستاذ طارق التمرين)، مي (يعزف الأستاذ طارق التمرين)، صول (يعزف الأستاذ طارق التمرين)، فا (يعزف الأستاذ طارق التمرين)، لا (يعزف الأستاذ طارق التمرين)، بعدين صول (يعزف الأستاذ طارق التمرين)، سي (يعزف الأستاذ طارق التمرين)، بهالشكل لا (يعزف الأستاذ طارق التمرين)، دو (يعزف الأستاذ طارق التمرين)، و نفس التمرين برجع بنزله، دو (يعزف الأستاذ طارق التمرين)، لا (يعزف الأستاذ طارق التمرين)، سي (يعزف الأستاذ طارق التمرين)، صول (يعزف الأستاذ طارق التمرين)، لا (يعزف الأستاذ طارق التمرين)، فا (يعزف الأستاذ طارق التمرين)، صول (يعزف الأستاذ طارق التمرين)، مي (يعزف الأستاذ طارق التمرين)، فا (يعزف الأستاذ طارق التمرين)، راي (يعزف الأستاذ طارق التمرين)، مي (يعزف الأستاذ طارق التمرين)، دو (يعزف الأستاذ طارق التمرين)، بدنا نعمل هادا التمرين على تيمبو تنين و خمسين، ون تو (يعزف الأستاذ طارق التمرين)، فا لا (يعزف الأستاذ طارق التمرين)، نفس الشي بين الفا و اللا، لا بتضلها ثابته، بعدين نرجع دو (يعزف الأستاذ طارق التمرين)، لا (يعزف الأستاذ طارق التمرين)، سي (يعزف الأستاذ طارق التمرين)، صول (يعزف الأستاذ طارق التمرين)، لا (يعزف الأستاذ طارق التمرين)، خليها ثابته عشان بدنا نعمل فا (يعزف الأستاذ طارق التمرين)، هلأ صول (يعزف الأستاذ طارق التمرين)، مي (يعزف الأستاذ طارق التمرين)، فا (يعزف الأستاذ طارق التمرين)، راي (يعزف الأستاذ طارق التمرين)، مي (يعزف الأستاذ طارق التمرين)، دو (يعزف الأستاذ طارق التمرين)، نيجي نتطلع على التمرين اللي بعده، هو نفس التمرين اللي قبل بس بدل ما نعمل تنتين تتي على كل وتر بنعمل وحده بس فبدها تصير دو دو مي مي راي راي فا فا، بهالشكل، نحاول نعمله مع مترونوم، ون تو (يعزف الأستاذ طارق التمرين)، هادا التمرين راح يكون أصعب من اللي قبله لإن فكرة الإنتقال السريعه فبدنا نعمله أبطأ شوي يعني (يعزف الأستاذ طارق التمرين)، نتمرن عليه بالأول بدون مترونوم، بعدين بنبلش بالمترونوم، ممكن ناخده بسرعه بالأربعينات (يعزف الأستاذ طارق التمرين)، دو لا سي صول لا فا صول مي فا راي مي دو، هيك بنكون خلصنا الجزء الأول من الدرس رقم احدعش."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!