الدروس
03:49:22 ساعة
33 الدروس
العود
وتر السول على العود
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في الدرس الثامن نتعرف على وتر السول و نطبق عمليا مع تمارين و أغاني جديدة.


طارق الجندي:

"مرحبا، أنا طارق الجندي من إعزف دوت كوم، و اليوم بدرسنا رقم تمانيه من منهاج الأستاذ عمر عباد، راح نتعرف على الوتر الرابع اللي إحنا أخدنا عنه نبذه بسيطه اللي هو وتر (يعزف الأستاذ طارق التمرين)، الصول، نيجي نتطلع على هادا الوتر، الوتر اللي بيقطع السطر التاني، هاي النغمه اللي بتقطع السطر التاني على المدرج الموسيقي.


نيجي نتطلع على التمرين رقم واحد، هو تمرين على الأوتار المطلقه، إحنا بنعرف أول مازورا صول صول، التانيه لا لا، التالته راي راي، الرابعه صول صول، هاي هي العلامه، خلينا نقرأ هادا التمرين مع المترونوم، من أول تنين على أربعه، ون تو (يقرأ الأستاذ طارق التمرين قراءة ايقاعية)، صول صول لا لا راي راي صول صول راي راي صول صول راي راي لا لا صول صول صول صول، ون تو صول (يعزف الأستاذ طارق التمرين)، نيجي نتطلع، هادا وتر الصول اللي حكينا عنه إن هو الصوت الرفيع (يعزف الأستاذ طارق التمرين)، هادا الصوت الغليظ (يعزف الأستاذ طارق التمرين)، بدي أعطيكم تسميه لإلهم، الصوت الرفيع في الموسيقى العربيه بنسميه جواب (يعزف الأستاذ طارق التمرين)، و هدا الصوت بنسميه الغليظ (يعزف الأستاذ طارق التمرين)، قرار، فشفنا إحنا الفرق حتى بكتابة النوتات بين الصول الجواب و صول القرار (يعزف الأستاذ طارق التمرين)، نيجي نتطلع على تمرين رقم تلاته، نحاول نقرأه مع المترونوم، هو راح يكون تمرين مع استخدام أصابع اليد اليسرى و نحاول نعزف من الصول بس صول (يعزف الأستاذ طارق التمرين)، ون تو (يقرأ الأستاذ طارق التمرين قراءة ايقاعية)، صول صول لا لا سي سي دو دو راي راي مي مي فا فا صول صول فا فا مي مي راي راي دو دو سي سي لا لا صول صول صول صول، بدنا نحاول نقرأه مع المترونوم، نذكركم إن المترونوم محطوط على سرعه تنين و خمسين بكل التمارين، ون تو (يعزف الأستاذ طارق التمرين)، هيك هادا كان تمرين شامل من الصول (يعزف الأستاذ طارق التمرين)، للصول، نيجي نتطلع على الجزء التاني من التطبيقات، أول أغنيه عندي إسمها فريرو جاكو، و هي كمان أغنيه كتير معروفه بس مكتوبه بشكل أبسط شوي من ما هي عليه، في عندي علامه راح تشوفوها زي علامة الميه بالميه، و هاي العلامه معناها إعادة المازورا السابقه، يعني بدل ما أكتب المازورا مرتين بحط بس هاي العلامه فأنا بعرف إن أول مازورا مكتوب دو راي مي دو، فبدي أرجع أعيدها كمان مره دو راي مي دو، المازورا التالته مي فا صول، فبرجع بعيدها مي فا صول، بدي أحاول أقرأها مع المترونوم، ون تو ثري فور (يقرأ الأستاذ طارق التمرين قراءة ايقاعية)، دو راي مي دو، دو راي مي دو، شفتوا بنعيدها، مي فا صول، نعيدها، مي فا صول، اللي بعده، صول فا مي دو، صول فا مي دو، دو صول دو، دو صول دو، من أول، ون تو ثري فور (يعزف الأستاذ طارق التمرين)، هاي كانت فريرو جاكو، برجع بحكي إن بعد تمرين على هاي النغمه بهادي السرعه، بعدين ممكن نسرع، يصير المترونوم أسرع شوي، بنسرع مثلاً خمسه خمسه عالمترونوم أو تلاته تلاته، عشان تصير بعدين يعني مثلاً، ون تو ثري فور (يعزف الأستاذ طارق التمرين)، بس وصولاً لهاي السرعه لازم أكون مشيت بشكل تدريجي، يعني إذا أنا بدي أعزف بسرعة سبعين، ما بنط من خمسين لستين بعدين من ستين لسبعين، لأ خمسين خمسه و خمسين أو خمسين تلاته و خمسين تسعه و خمسين تنين و ستين خمسه و ستين سبعه و ستين، لحد ما أوصل السبعين، خاصةً إذا في المترونوم زي اللي بتكون ديجيتال اللي بتكون إلكترونيه هاي بتقدر تتحكم فيها في الواحد، نيجي نتطلع على أغنية جنغل بلز، بدي أحاول أقرأها مع المترونوم بالأول، ون تو ثري فور (يقرأ الأستاذ طارق التمرين قراءة ايقاعية)، مي مي مي مي مي مي مي صول دو راي مي، تو ثري فور، (يقرأ الأستاذ طارق التمرين قراءة ايقاعية)، فا فا فا فا فا مي مي مي مي راي راي مي راي صول مي مي مي مي مي مي صول دو راي، ون تو ثري فور، آخر سطر (يقرأ الأستاذ طارق التمرين قراءة ايقاعية)، فا فا فا فا فا مي مي مي صول صول فا راي دو، بدي أعزفها، ون تو ثري فور (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو تو تو تو (يعزف الأستاذ طارق التمرين)، تو ثري فور (يعزف الأستاذ طارق التمرين)، ون تو ثري فور، نتمرن عليها، نضل نسرع فيها تدريجياً لحتى توصل لهاي السرعه، ون تو (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو (يعزف الأستاذ طارق التمرين)، ون تو ثري فور (يعزف الأستاذ طارق التمرين)، ون تو ثري فور، آخر لحن هو لحن من السينفونيه التاسعه لبيتهوفن الحركه الرابعه، و هاد بيسموه لحن الفرح، بدي أحاول أقرأه مع المترونوم، ون تو ثري فور (يقرأ الأستاذ طارق التمرين قراءة ايقاعية)، مي مي فا صول صول فا مي راي دو دو راي مي مي راي راي مي مي فا صول صول فا مي راي دو دو راي مي راي دو دو، بدي أحاول أعزفها بطيء، ثري فور (يعزف الأستاذ طارق التمرين)، ون تو (يعزف الأستاذ طارق التمرين)، هاي المقطوعه لو عزفناها أسرع يمكن يبين لحنها شوي، ون تو ثري فور (يعزف الأستاذ طارق التمرين)، ون تو (يعزف الأستاذ طارق التمرين)، هادا كان لحن الفرح بآخر تطبيق من الدرس التامن، تمرنوا عليه كتير كويس، إن شاء الله أيامكم كلها فرح، بشوفكم بالتاسع."

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!