الدروس
03:49:22 ساعة
33 الدروس
العود
مقام بيات ري
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

في الدرس الخامس عشر نتعرف على مقام بيات الري و على علامة تحويل جديدة و هي النصف بيمول أو الكار بيمول و نطبق على اللحنين التراثيين : ميلي علي ميلي و بلدي يا بلدي.


طارق الجندي:

"مرحبا، أنا طارق الجندي من إعزف دوت كوم، و اليوم بدرسنا رقم خمسطعش راح نتعرف على مقام جديد و هو مقام بيات الراي، و راح أحكيلكم إن هلأ الأمور راح تصير تمشي أسرع لإن دايماً التأسيس هو بيكون أصعب مرحله و اللي لاحظتوا إنها مش صعبه، و لكن التأسيس هو اللي بياخد وقت و كل ما أخدنا وقت أكتر بالتأسيس راح نبلش نمشي و راح تصير هلأ التطبيقات أكتر من المعلومات، لإن لازم نبلش نطبق المعلومات اللي أخدناها، نتطلع على مقام البيات مقام بيات الراي، راح نتعرف على علامه جديده اللي هي بتشبه علامة البي مول اللي هي حرف البي، هون في عنا حرف البي و في خط بيقطعها، هاي بنسميها نص بي مول أو كار بي مول، نيجي نتطلع على مقام البيات، دليل المقام أو الكي سيغنتشر في عندي سي بي مول، نتطلع متذكرين النغمه اللي بين السطر الرابع و الخامس اللي هي المي، المي نص بي مول عندي هون، شو يعني نص بي مول؟ إني أنا أخفض النغمه نص بي مول، يعني لازم تنخفض ربع بدل نص، إنتوا متذكرين إن البي مول بتخفض نص، النص بي مول بدها تخفض ربع، هاي علامة المي (يعزف الأستاذ طارق التمرين)، هاي علامة المي بي مول (يعزف الأستاذ طارق التمرين)، لاحظوا معي (يعزف الأستاذ طارق التمرين) هاي المي و المي بي مول، في هون فراغ بهادا الفراغ بتيجي علامة النص بي مول، راح آخدها بالإصبع الأول، هي بالزبط بالإصبع الأول قبل علامة الناتشورال بس الموضوع بعتمد على سمعنا كمان (يعزف الأستاذ طارق التمرين)، مي نص بي مول هاي مش مي ناتشورال هاي المي ناتشورال (يعزف الأستاذ طارق التمرين)، لاحظتوا كيف، هاي راي (يعزف الأستاذ طارق التمرين)، مي نص بي مول (يعزف الأستاذ طارق التمرين)، فا (يعزف الأستاذ طارق التمرين)، نرجع مي (يعزف الأستاذ طارق التمرين)، راي (يعزف الأستاذ طارق التمرين)، زي ما هو مكتوب مقام بيات الراي، راي (يعزف الأستاذ طارق التمرين)، مي نص بي مول (يعزف الأستاذ طارق التمرين)، الإصبع الأول ورا الناتشورال، فا (يعزف الأستاذ طارق التمرين)، صول (يعزف الأستاذ طارق التمرين)، لا (يعزف الأستاذ طارق التمرين)، سي بي مول (يعزف الأستاذ طارق التمرين)، دو (يعزف الأستاذ طارق التمرين)، راي (يعزف الأستاذ طارق التمرين)، معناها ببلش من الراي و بخلص بالراي، نرجع من الراي (يعزف الأستاذ طارق التمرين)، دو (يعزف الأستاذ طارق التمرين)، سي بي مول طبعاً (يعزف الأستاذ طارق التمرين)، لا (يعزف الأستاذ طارق التمرين)، صول (يعزف الأستاذ طارق التمرين)، فا (يعزف الأستاذ طارق التمرين)، مي نص بي مول (يعزف الأستاذ طارق التمرين)، هادا أول مقام شرقي إحنا راح ناخده، فزي ما حكينا حاولوا تعزفوه تتي تتي على كل نغمه، يعني (يعزف الأستاذ طارق التمرين)، بنرجع (يعزف الأستاذ طارق التمرين)، طيب، هادا المقام عليه كتير أغاني من التراث العربي و عليه كتير أغاني من التراث الأردني، و حاولنا نعمل مزيج بين هادا التراث، التراث الأردني الفلسطيني و التراث العربي عشان نقدر نوصل هادا المقام، بدي أحسسكم فيه أكتر اللي هو (يعزف الأستاذ طارق التمرين)، بهالشكل، أكيد موجود بخلفيتنا بخلفية مخنا كتير من هاي المقطوعات الحلوه و البسيطه اللي راح نبلش نتعلم منها على هادا النمط الإيقاعي (يعزف الأستاذ طارق التمرين)، نيجي أول مقطوعه عندي إسمها ميلي عليا ميلي و هي مقطوعه من تراث بلاد الشام التراث الفلسطيني و الأردني، نحاول نقرأها، شايفين عندي السي بي مول مي نص بي مول في البدايه، (يقرأ الأستاذ طارق التمرين قراءة ايقاعية)، تتي تتي تتي تا تا تا تتي تتي تتي تا تتي تتي تتي تا، بحاول أعزف، ون تو (يعزف الأستاذ طارق التمرين)، صول صول راي راي صول صول راي فا صول فا فا فا فا مي فا فا مي مي راي راي، كمان مره، صول صول راي راي صول صول راي فا صول فا فا فا فا مي مي فا فا مي فا فا مي مي راي راي راي، لما بدي أعمل الفا فا مي مي بالسطر التاني (يعزف الأستاذ طارق التمرين)، نفس العمليه، لازم يضل الإصبع الأول ثابت لما أنا عم بعمل بالتالت بهالشكل (يعزف الأستاذ طارق التمرين)، هيك غلط (يعزف الأستاذ طارق التمرين)، إحتماليات النشاز بتصير أكتر لإني أنا ممكن الإصبع الأول يبلش يخترب يعني (يعزف الأستاذ طارق التمرين)، بدي أحكيلكم شغله، إتطلعوا الفرق بين المي بي مول (يعزف الأستاذ طارق التمرين)، المي نص بي مول (يعزف الأستاذ طارق التمرين)، نرجع نعيد ميلي عليا ميلي، ون تو (يعزف الأستاذ طارق التمرين)، نثبت، بعدين نعيدها بعدين صول تتي داون أب داون أب داون أب داون داون داون هون داون أب داون أب داون أب داون داون أب داون أب داون أب داون، الأغنيه التانيه بلدي يا بلدي، و هي تراث مصري و عليها كمان كلمات تانيه اللي هي أه يا أسمر اللون اللي هي تراث سوري شامي، نحاول نقرأها بس نيجي نتطلع أول إشي في عندي إعاده بتبلش في السطر التاني، مع المترونوم على التيمبو تنين و خمسين، ون تو (يقرأ الأستاذ طارق التمرين قراءة ايقاعية)، تتي تتي تتي تا تتي تتي تتي تا، بعيد، لا لا صول صول لا صول فا صول صول مي مي فا مي راي، كل تتي داون أب كيف ما بتيجي و كل تا داون، ون تو (يعزف الأستاذ طارق التمرين)، بنعيد (يعزف الأستاذ طارق التمرين)، نقرأ اللي بعده (يقرأ الأستاذ طارق التمرين قراءة ايقاعية)، راي راي راي دو فا مي راي، نكمل تتي تتي تتي تا لا لا صول صول لا صول فا صول صول مي مي فا مي راي، نكمل الجزء التاني، راي راي راي دو (يعزف الأستاذ طارق التمرين)، هاي الأغنيه اللي هي بلدي يا بلدي، لاحظتوا شغله، تتي داون أب، فمشان هيك من هلأ بحكيلكم إن خلينا نكتب الريش على المقطوعه قبل ما نبلش نشتغلها لإن هلأ راح تبلش التطبيقات توسع أكتر و أكتر. "

عن المدرب
طارق الجندي
طارق الجندي
طارق الجندي: من مواليد عمّان 1983 ، بدأ بدراسة العود بسن الحادية عشرة من عمره عندما التحق بالفرع التحضيري في الأكاديمية الأردنية للموسيقى. تتلمذ على يد العديد من الأساتذة الأردنيين و العرب. عام 2007 أكمل دراسته الأولى بتخصص الهندسة الكيميائية من جامعة العلوم والتكنولوجيا الأردنية، وحصل بعدها على منحة دراسية و أكمل دراسته الموسيقية بتخصص الأداء على آلة التشيلو في المعهد الوطني للموسيقى، و التحق بأوركستراعمّان السيمفوني عام 2008 كعازف تشيلو. عام 2008 شارك في مسابقة العود الدولية التي أقيمت بجامعة الروح القدس-الكسليك / لبنان و حصل على المركز الثاني. عمل و شارك مع العديد من الفرق الموسيقية، و أصدر خمسة ألبومات: بينَّ بينْ، ترحال، ألحان من طفولتي، موسيقى من عمّان، و صور. له مؤلفات و دراسات لآلة العود، مؤلفات للتخت الشرقي ، موسيقى مسرحية، وأغاني للأطفال. عام 2013 حصل على الجائزة الخاصة في مهرجان المقام الدولي الذي أُقيم في مدينة باكو/ أذربيجان. عام 2015 حصل على المركز الثاني في مسابقة المقام الدولية الذي أُقيمت في مدينة باكو/ أذربيجان. أنهى دراساته العليا بالجامعة الأردنية ، يعمل كمحاضر غير متفرغ لمادة النظريات الموسيقية و مدرّس لآلة العود لفرعي التحضيري و البكالوريوس في الأكاديمية الأردنية للموسيقى، و مدرس آلة العود بالجامعة الأردنية. له ورشات عمل سنوية بالأردن بالتعاون مع مؤسسات المجتمع المدني و الهيئات الحكومية المعنية بالشأن الثقافي داخل العاصمة و خارجها. عام 2016 تمّ تكريمه من وزارة الثقافة الأردنية كفنان معاصر و زرع شجرة تحمل إسمه بغابة الإبداع. عام 2016 حصل على جائزة الإبداع الموسيقي من وزارة الثقافة الأردنية. شارك و مثل الأردن كعازف منفرد أو كعضو في فرقة في العديد من المهرجانات الدولية و المشاريع الثقافية في كل من: سوريا، لبنان، فلسطين، البحرين، قطر، سلطنة عُمان، الإمارات العربية المتحدة، المغرب، أذربيجان، تركيا، إنجلترا، إسكوتلندا، إيطاليا، فرنسا،اليونان، لاتفيا، السويد، هنغاريا، اليونان، النمسا، ألمانيا، النرويج والصين.

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!