في الجزء الأول من الدرس الثاني و العشرين نتعرف على علامة الربط “تاي” ووظيفتها و نطبق تمارين تتضمن علامة التاي.

طارق الجندي:

"مرحبا، أنا طارق الجندي من إعزف دوت كوم، اليوم بدرسنا رقم تنين و عشرين من منهاج الأستاذ عمر عباد راح نتعرف على علامة التاي أو الرابط الزمني و هاي العلامه زي ما إحنا شايفين وظيفتها إنها تجمع الزمن، مثال، زي ما إحنا شايفين علامة البيضاء اللي إلها ذيل مع علامة السوداء إذا حطينالهم ذيل بجمعهم، هاي بتصير زمنها تنين و هاي واحد بيصير مجموعهم تلاته يعني لازم أعملها لتلات عدات متصله، أو إحنا أخدنا علامة النقطه اللي كانت هي بتضيف نصف القيمه الزمنيه للنوته، نفس العمليه كانت تنين هاي علامة البيضاء و نقطه كان زمنها واحد لإنها نصف التنين فكانت تلاته، فالرابط الزمني أو النقطه بيتشابهوا بعملهم، نيجي نتطلع على المثال التاني في عندي علامة البيضاء اللي إلها ذيل كمان نفس العمليه إذا جمعتها مع علامة البيضاء في تنين زائد تنين بيصير أربعه، قبل ما أطلع للجزء اللي بعده، اللي بدي أحكيلكم اياه إن التاي لازم يكون بين نوتتين متطابقتين، يعني مي مع مي، فا مع فا، صول مع صول، صول دييز مع صول دييز، أي علامه لازم تكون تشبه العلامه اللي تم جمعها لإن إذا بتشوفوا أقواس و لكن هاي الأقواس بتكون بين نوتات مختلفه هاي بيكون إسمها سلير، و هادا مش رابط زمني و هادا بيكون بيدل يعني مثلاً خلينا نقول الأقواس آلات القوس إنها تعزف هدول النغمتين أو تلاته بقوس واحد، شغله تانيه مثلاً ممكن تكون هي كإن عم بنحكي إن إحنا في جمله موسيقيه عنا بتنتهي مول، فبهاي الحاله بيبينلنا هادا السلير أو اللي هو القوس وين الجمله الموسيقيه لازم تنتهي، أهم إشي اللي أحكيلكم اياه إن التاي بيجمه نوتتين متطابقتين، نروح على العلامه اللي جاي اللي عندي اللي هي مكتوب عندي نص واحد نص و هاي بنسميها تيتا تي لإنها نص زمن، شفتوا كيف فصلناه، صار عنده ذيل بعدين تا كامله بعدين تي فصارت تيتا تي أو هاي العلامه هي عباره عن تتي تتي أصلاً و الضلع الأخير من التتي الأولى مع الضلع الأول من التتي التانيه مشبوكين مع بعض بتاي فصار شكلهم بهادا الشكل، هلأ هاي علامة التيتا تي بتنعزف داون (يعزف الأستاذ طارق التمرين)، أب (يعزف الأستاذ طارق التمرين)، داون (يعزف الأستاذ طارق التمرين)، و هي بهالشكل تي تي تا (يعزف الأستاذ طارق التمرين)، خلينا نجربها مع المترونوم، إذا بدنا نيجي على الشكل البدائي تبع اللي هي تتي تتي و بينهم تاي، الضربه الأولى على المترونوم لازم تكون على الضلع الأول من التتي و الضربه التانيه لازم تكون على الضلع الأول للتتي التانيه، فراح تشوفوا كيف بدها تصير، يعني لو بدي أعمل أنا تتي تتي مع المترونوم بدها تكون (يعزف الأستاذ طارق التمرين)، تتي تتي تتي تتي تتي، لما بدي أوصل أول ضلعين عفواً الضلع الأخير و الضلع الأول تتي تتي تتي تتي تتي، بعد المترونوم ضربه، تيتا تي تيتا تي (يعزف الأستاذ طارق التمرين)، نحاول نقرأ التمرين رقم واحد إيقاعي (يقرأ الأستاذ طارق التمرين قراءة ايقاعية)، تيتا تي تا تا تيتا تي تتي تا تيتا تي تيتا تي تا تتي تتي تا، بدي أحاول أعزفه ما تنسوا إن التيتا تي داون أب داون (يعزف الأستاذ طارق التمرين) تيتا تي تا، و هاي التيتا تي شكلها ثابت الآن و بعدين بنغير حركة الريشه فيه و لكن هاي حركة الريشه اللي فيه اللي هي (يعزف الأستاذ طارق التمرين)، تيتا تي تا تا، هو مازورتين (يعزف الأستاذ طارق التمرين)، هادا الحكي بيذكركم بإيقاع كتير معروف (يعزف الأستاذ طارق التمرين)، اللي هو نسختنا العربيه و مبني على هاي الوحده (يقرأ الأستاذ طارق التمرين قراءة ايقاعية)، تيتا تي تا تا تيتا تي تا تا، أول مازورتين بيمثلوا إيقاع بنسميه المأسو راح نحكي عنه لاحقاً، نيجي على العلامه التانيه اللي هي علامة تتي و لكن أول ضلع منها إستعضنا عنه بعلامة إس بمقدار نص و سميناها إس تي و في عندي هاي السكته اللي بمقدار نص صارت مع الضلع التاني و سمينا كل الوحده هاي إس تي، هلأ هي لما كانت عندي تتي كانت (يعزف الأستاذ طارق التمرين) داون أب، لما صارت إس تي صارت كإنها (يعزف الأستاذ طارق التمرين) تتي إس تي بس أب إس تي، فضربة المترونوم راح تيجي عالإس و التي راح تيجي بعديها بهالشكل إس (يعزف الأستاذ طارق التمرين)، إس تي (يعزف الأستاذ طارق التمرين)، تي (يعزف الأستاذ طارق التمرين)، إس تي (يعزف الأستاذ طارق التمرين)، خليني أقرأ التمرين اللي موجود، ون تو (يقرأ الأستاذ طارق التمرين قراءة ايقاعية)، تا تتي إس تي تا إس تي تتي إس تي إس تي تتي تا إس تي تا، الإس تي بنحكيها الإس بنحكيها ما بنزقفها، ون تو (يعزف الأستاذ طارق التمرين)، تا تتي تي تا تي تتي تي تي تتي تا تي تا، كمان مره (يعزف الأستاذ طارق التمرين)، تا تتي إس تي تا إس تي تتي إس تي إس تي تتي تا إس تي تا، و هيك بنكون خلصنا الجزء الأول من درس تنين و عشرين."